Маскав гуфт, барои ҳисобҳои басташудаи RT France интиқом мегирад

Хабаргузориҳои русӣ гуфтанд, Маскав барои бастани ҳисобҳои бонкии оҷонсии русии RT France интиқом мегирад. Хабаргузориҳои давлатии ТАСС ва РИА Новости аз қавли як мақоми беном дар Вазорати корҳои хориҷии Русия рӯзи 21-уми январ навиштанд, ки “масдуд шудани ҳисобҳои бонкии намояндагии Russia Today дар Фаронса боиси тадбирҳои ҷавобии интиқомҷӯёна мешавад”.

Ин манбаъ гуфтааст, “ин корҳо фаромӯш намешавад” ва Фаронсаро барои “азияти журналистони Русия” муттаҳам кардааст. Рӯзи 20 январ маълум шуд, ки Фаронса ҳисобҳои бонкии марбут ба оҷонсии RT France-ро дар қаламраваш масдуд кардааст.