Новости за 09.07.2021

Dünýäde kornawirusa garşy waksinany hökmany eden sanlyja ýurduň biri bolan Türkmenistan býujet işgärlerine sanjym etmek işini güýçlendirdi, emma ýurduň käbir sebitlerinde adaty ilata waksina edilmegi togtadyldy. Häkimiýetler ilatyň COVID-19 keselinden ejir çekip, keseli anyklamakda we onuň täsirlerinden saplanmakda kynçylyk çekýän wagtynda ýurtda koronawirusyň ýokdugyny öňe sürmegini dowam etdirýärler. Türkmenistanyň gündogarynda bilim edaralarynyň işgärleriniň COVID-19-a garşy uçdantutma waksinasiýasy güýçlendi. Читать дальше...

Ýewropa Bileleşigi we Türkmenistan 6-njy iýulda Adam Hukuklary boýunça Dialogyň 13-nji mejlisini geçirdiler. Bu barada Ýewropanyň daşarky hereket gullugy (EEAS) 7-nji iýulda maglumat berdi. EEAS-iň bu baradaky beýanatynda kanunyň hökmürowanlygynyň we adam hukuklaryna hormatyň ÝB-Türkmenistan gatnaşyklarynyň möhüm bölegidigi bellenilýär. Maglumata görä, mejlisiň dowamynda beýleki meseleler bilen bir hatarda Türkmenistanda adam hukuklaryny goramak boýunça kanunçylyk we onuň berjaý edilişi, raýat jemgyýetiniň ýagdaýy... Читать дальше...

Türkmenistanyň Mary şäherinde maska režiminiň berjaý edilmegine gözegçilik has-da güýçlendirildi. Ýurtda koronawirusyň ýokdugyny öňe sürýän türkmen häkimiýetleri bu düzgüniň berjaý edilşine indi wideo kameralar arkaly gözegçilik edýärler.

Türkmen-owgan serhediniň owgan ýakasynda howpsuzlyk şertleriniň ýaramazlaşmagynyň fonunda Türkmenistanda häkimiýetler ilat arasynda watançylyk wagyzlaryny güýçlendirýär. Mary we Lebap welaýatlarynda häkimiýet wekilleri ýerli ýaşaýjylar bilen duşuşyklar geçirip, watansöýüjilik barada wagyz işlerini guramalaşdyrýarlar. Ýygnaklarda watany söýmek, oňa buýsanmak, watana wepaly bolmak barada gürrüň edilýär. “Biziň ýurdumyzda uruş ýok, asmanymyz arassa, ýöne uruş bolan ýagdaýynda hem türkmen halky mertdir” diýilýär. Читать дальше...

Russiýa we “Talyban” resmileri jeňçi toparynyň Owganystanda barha köp sebitleri, şol sanda serhetýakadaky aglaba regionlary öz gözegçiligine geçirýändigini aýdýarlar. Şol bir wagtda, taraplar “Talybanyň” öňe ilerlemegi bilen, halkara howpsuzlygyna wehimiň abanmaýandygyny belleýärler. Bu beýanatlar “Talybanyň” delegasiýasynyň Moskwa edýän saparynyň çäginde ýaýradylyp, olaryň özara utgaşdyrylandygyna çalym edýär. Bu Russiýanyň Owganystan bilen ilteşikli howpsuzlyk ýagdaýlaryna has içgin aralaşmak isleýändigine bir yşarat boldy. Читать дальше...

Russiýa we “Talyban” resmileri jeňçi toparynyň Owganystanda barha köp sebitleri, şol sanda serhetýakadaky aglaba regionlary öz gözegçiligine geçirýändigini aýdýarlar. Şol bir wagtda, taraplar “Talybanyň” öňe ilerlemegi bilen, halkara howpsuzlygyna wehimiň abanmaýandygyny belleýärler. Bu beýanatlar “Talybanyň” delegasiýasynyň Moskwa edýän saparynyň çäginde ýaýradylyp, olaryň özara utgaşdyrylandygyna çalym edýär. Bu Russiýanyň Owganystan bilen ilteşikli howpsuzlyk ýagdaýlaryna has içgin aralaşmak isleýändigine bir yşarat boldy. Читать дальше...

Gyrgyzystanyň we Täjigistanyň dawaly serhet araçäginde 8-nji iýulda her iki tarapyň-da serhetçileriniň ot açmagy netijesinde bir gyrgyz esgeri öldürildi, ýene biri ýaralandy. Bu aralykda taraplaryň ikisi-de gazaplylykda birek-biregi aýyplaýarlar. Taraplaryň pidalar baradaky maglumatlary hem biri-birinden tapawutlanýar. Aprelde iki ýurduň jedelli serhedinde has uly çaknyşyklar ýüze çykyp, onuň netijesinde parahat ilatyň arasyndan 50 adam we serhetçiler öldi. Bu gazaplylyk post-sowet goňşy iki ýurduň... Читать дальше...

Koronawirusyň Aziýa-Ýuwaş umman sebitinde barha köp ýaýramagy bilen, Indoneziýa ölüm howply ýokanjyň esasy ojaklarynyň birine öwrüldi. 270 million ilatly Indoneziýada koronawirusyň delta görnüşiniň gürelmegi netijesinde, keselhanalar hassalaryň akymyna döz gelmekde kynçylyk çekýärler. Bir aýyň içinde wirusdan ölýänleriň gündelik sany bäş esse ýokarlanyp, 1000 adama ýetdi. Resmi sanlara görä Indoneziýada koronawirusdan 63 müň 760 adam ölüpdir. Emma asyl sanlaryň resmi görkezijilerden has ýokary bolmagynyň mümkindigi çaklanylýar. Читать дальше...

Prezident Jo Baýden Birleşen Ştatlaryň Owganystandaky missiýasynyň 31-nji awgustda tamamlanjakdygyny yglan etdi. ABŞ-nyň 20 ýyla çeken söweşden çekilýän döwri, “Talybanyň” ýurduň barha köp sebitlerini öz gözegçiligine geçirmegi bilen, ýurtda graždançylyk urşunyň tutaşmagynyň mümkindigi barada howatyrlanmalar bildirilýär. “Biz Owganystana ol ýerde bir döwleti gurmak üçin girmedik” diýip, Baýden 8-nji iýulda Ak Tamda çykyş etdi. “Biz Amerikanyň iň uzaga çeken urşuna soň berýäris” diýip, ol sözüne goşdy. Читать дальше...