Новости за 26.05.2023

Әстерхан өлкәсе Канга авылында Татарстан артистлары һәм коллективлары куйган концерт ачылышында татар халкы үсешенә зур өлеш керткән Әстерхан өлкәсе җәмәгатьчелеген бүләкләделәр. Рәхмәт хатларын ТР Премьер-министры урынбасары, Милли Шура рәисе Васил Шәйхразыев һәм өлкәсе вице-губернаторы Павел Паутов тапшырды.

«Иң яхшы эшмәкәрләр советы» республика конкурсында Азнакай районы эшмәкәрләр берлеге «Кече һәм урта эшмәкәрлек субъектлары тарафыннан инновацион продукция һәм хезмәтләрне камилләштерү һәм файдаланудагы хезмәтләр өчен» номинациясендә җиңеп чыкты. Бу хакта «Азнакай» сайтында хәбәр ителә.

Россиядә һәм Көнчыгыш Европада алдынгы май продукциясе җитештерүчеләрнең берсе булган Казан май комбинаты үз продукциясен экспортлау темпларын арттыруны дәвам итә.

Башкортстанның Белорет районында күп серияле «Точка. Ноль. Эпицентр» дигән нәфис фильм төшереләчәк. Фильм 5 июньнән 9 июльгә кадәр Team Films кинокомпаниясе заказы буенча эшләнә, дип хәбәр итте район башлыгы Андрей Иванюта. «Башинформ» шул турыда яза.

«Ел табибы — Ак чәчәкләр 2023» конкурсы номинантлары өчен тавыш бирү турында Татарстан Сәламәтлек саклау министрлыгы хәбәр итте.

Кузбасс мөселманнары Диния нәзарәте ярдәме белән Кемерово өлкәсенең Осинники шәһәрендәге 4 нче мәктәп-интернат тәрбияләнүчеләре чираттагы тапкыр «Нур-Ислам» мәчетендә булды. 5 һәм 7 сыйныф укучылары «Нур-Ислам» мәчетенә дөнья диннәре белән танышу программасы кысаларында килде. Россия мөселманнары Дини җыены Үзәкләштерелгән дини оешмасы матбугат хезмәте шулай дип хәбәр итә.

Алабугада 34 яшьлек йөртүче идарә иткән Isuzu йөк машинасы бер хатын-кызны бәрдереп үтергән. Бу хакта «Татар-информ»га Татарстан Дәүләт автоинспекциясенең матбугат хезмәтендә хәбәр иттеләр.

Башкортстан Башлыгы Радий Хәбиров Уфада «Китап бәйрәме» китап ярминкәсендә тәкъдим ителгән Татарстан китап нәшрияты стендын карады һәм төрле жанрдагы әдәбиятның күп төрле булуын билгеләп үтте. Бу хакта «Татарстан китап нәшрияты» матбугат хезмәтендә сөйләделәр.

«Сколково»да Startup Village халыкара конференциясендә Татарстаннан 15 стартап катнашты.

Әстерхан өлкәсе Иске Канга авылында Татарстан артистлары концерт куя. ТР Премьер-министры урынбасары, Милли Шура рәисе Васил Шәйхразыев сәхнәдән халыкка «Күбәләгем» җырын җырлатты.

ТР Премьер-министры урынбасары, Милли Шура рәисе Васил Шәйхразыев Курган өлкәсе Йолдыз-Эчкен авылында чыккан янгынны бөтен татар дөньясы өчен зур сынау булуын әйтте. Ул Эчкен авылына ярдәм итү турында Әстерхан өлкәсе Иске Канга авылында Татарстан артистлары куйган концерт ачылышында сөйләде.

Төркиянең Кахраманмараш провинциясендә җомга көнне 3,9 магнитудалы җир тетрәү булды, дип хәбәр итте илдә Табигый бәла-каза нәтиҗәләрен бетерү идарәсе (AFAD). «РИА Новости» шул турыда яза.

Әстерхан өлкәсе Иске Канга авылында Татарстан коллективлары концерт куя. Концерт ачылышында Әстерхан өлкәсе вице-губернаторы администрациясе җитәкчесе Павел Паутов, ТР Премьер-министры урынбасары, Милли Шура рәисе Васил Шәйхразыев сәламләде.

Татарстан Республикасы Рәисе Рөстәм Миңнеханов территорияләрне кимерүчеләргә каршы эшкәртүне дәвам итүгә өстәмә акча бүлеп бирүне хуплады. Бу хакта «Татар-информ»га матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең (Роспотребнадзор) Татарстан буенча идарәсе җитәкчесе урынбасары Любовь Авдонина хәбәр итте.

1 июньнән Россиядә яңа буын чит ил паспортларын бирүгә гаризалар кабул итү кабат башлана, дип хәбәр итте Россия Эчке эшләр министрлыгының рәсми вәкиле Ирина Волк.

IX Россия-Кытай яшьләр җәйге уеннары ярышларының өченче көнендә РФ җыелма командасы 26 медальгә ия булды. Казан спортчысы алтын медаль яулады. Бу турыда Федераль спорт резервы әзерләү үзәгенә сылтама белән Казан мэриясе хәбәр итте.

Хәбиров әйтүенчә, күмәк Көнбатыш урыслардан дошман ясаганда, Урыслар соборы ялгыз калмаган, аның янына һәм урыслар тирәсенә башка милләтләр дә берләшкән. Һәм янәсе алар “Без барыбыз да урыслар һәм беркемне кыерсыттырмыйбыз, без үзебезнекеләрне ташламыйбыз”, дип әйткән.

Самара шәһәренең татар милли-мәдәни автономиясе Курган өлкәсенең Шадрин районы Йолдыз (Эчкен) авылында яшәүчеләргә йортлар төзү өчен финанс ярдәме җыюны игълан итә. «Самар татарлары» сайты шул турыда хәбәр итә.

Россия Президенты Владимир Путин игълан иткән Укытучылар һәм остазлар елы мәгариф һәм укытучылар эшчәнлеге проблемаларына игътибар җәлеп итәргә мөмкинлек бирә. Бу хакта Татарстан Дәүләт Советы Рәисе Фәрит Мөхәммәтшин Яшел Үзәндә парламент комитетының күчмә утырышында белдерде.

Самара татарларының «Бердәмлек» газетасында Миләүшә Газыймованың «Нәсел дәвамчыларыма яхшы үрнәк күрсәтүемә шатланам» дигән язмасы чыкты.

В связи с приближающимся праздником Сабантуй и в рамках Года национальных культур и традиций в Татарстане «Нурлат-информ» объявляет новый конкурс среди юных читателей – «Сабантуй на первой полосе газеты».

В период с 20 по 29 мая 2023 года на территории Республики Татарстан ожидается высокая пожарная опасность лесов (4 класс), в восточных районах местами сохранится чрезвычайная пожарная опасность лесов (5 класс).

Май башында Казанның Константиновка бистәсендә урнашкан "Ярулла" мәчете янында яшәүчеләр азан әйтүгә каршы чыкты. Шуннан соң имам ястү һәм иртәнге намаз азанын микрофонсыз гына мәчет эчендә әйтергә мәҗбүр булган иде.

Иртәгә, 27 майда, Татарстанда көнбатыштан килгән атмосфера фронты тәэсирендә һава шартларының бозылуы көтелә. Температура фоны төшәчәк, дип хәбәр итә Татарстанның Гидрометеорология үзәге.

Казан үзәгендә ХІХ гасырда төзелгән йорт сатыла. Ул Уң як Болак урамында урнашкан, 41 нче йорт. Бинаның мәйданы 570 квадрат метрдан артык. Сатучы аның өчен 90 миллион сум сорый. Игълан бушлай белдерүләр сайтында урнаштырылган.