Май ае Татарстанда климат аномалиясе белән башланды
Татарстанның Гидрометеорология үзәге майның беренче декадасына һаваның уртача температура аномалиясе фаразын бастырып чыгарды. 1 майдан 10 майга кадәр һава температурасы климат нормасыннан 2 градуска артып китәчәк.
Республика буенча уртача норма – 12,2 градус, Казан буенча - 12,7 градус фаразлана.
Искәртеп узыйк, бүген республикада яңгыр, көндезен һәм кичен яшенле яңгыр көтелә. Җилнең тизлеге секундына 15-20 метрга җитәчәк. Шул ук вакытта һава 26-31 градуска кадәр җылына.