Татарстанның Санкт-Петербургтагы даими вәкиллегендә Алим Ныровның күргәзмәсе ачыла

https://tatspb.tatarstan.ru/

12 майда Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллегендә Алим Ныровның «Алим Ныров куллары белән эшләнгән» дигән сәнгать эшләре күргәзмәсе ачыла. Экспозициянең төп өлешен портрет эшләре тәшкил итә. Рәссам өчен персонажның характерын һәм аның табигатен җиткерү мөһим. Шулай ук эш арасында Алим Ныровны һәм аның иҗади эшчәнлеген бәйләүче шәһәрләрнең жанр композицияләре һәм пейзажлары бар. Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге шулай дип хәбәр итә.

Ныров Алим Хәлил улы 1966 елның 6 декабрендә Нальчик шәһәрендә туган. 1979 елда сәнгать мәктәбенә укырга кергән. Мәктәпне тәмамлаганнан соң «Эльбрус» җиһаз комбинатында рәссам-инкрустатор булып эшли.

1989 елда Нальчик шәһәренең Дәүләт Музыка театрына репертуар спектакльләрен бизәүче рәссам вазифасына чакырыла. Алар арасында «Свадьба в Малиновке», «Фиалка Монмартр», «Травиата» һәм башкалар бар.

1999 елда Алим Ныров Санкт-Петербургка шәһәрнең тарихи фасадлары реставраторы сыйфатында чакырыла. Шул вакыттан бирле Санкт-Петербургта яшәп, Санкт-Петербург һәм Ленинград өлкәсенең күп кенә сәнгать күргәзмәләрендә, шулай ук Россиянең башка шәһәрләрендә катнаша.

2020 елда «Понаехали» күргәзмәсендә катнаша. Күргәзмәне Пермь шәһәре вәкилләре оештыра. Күргәзмә дөньяның 27 иленнән 400дән артык рәссамны җыйган һәм Санкт-Петербург күргәзмә үзәгендә – Экспофорумда үткәрелгән.

Күргәзмә 15:00 сәгатьтә ачыла. Керү ирекле, диелә хәбәрдә.