Түбән Новгородта Рәшит Ваһапов һәм Хәйдәр Бигичев һәйкәлләренә чәчәкләр салынды
Татарстанның массакүләм мәгълүмат чаралары журналистлары һәм редакторлары Түбән Новгород өлкәсенә эшлекле сәфәр вакытында Рәшит Ваһапов һәм Хәйдәр Бигичев һәйкәлләренә чәчәкләр салды.
Хакимият башлыгының социаль мәсьәләләр буенча урынбасары Рафаэль Минһаҗев Кави Нәҗмигә дә һәйкәл куелачагын әйтте.
«Бирегә Кави Нәҗмигә дә һәйкәл куярга ниятлибез. Без тарихыбызны саклап калырга телибез. Киләчәк буын бөек җырчылар, бөек шәхесләр турында белсен», - диде ул.