«Хәрби хәл турында»гы закон проектына төзәтмәләр Дәүләт Думасына кертелде

Бүген Дәүләт Думасына «Хәрби хәл турында»гы закон проектына төзәтмәләрне керттеләр. Документта, аерым алганда, хәрби хәл кертелгән зонада Россия Президенты Владимир Путин билгеләгән тыюларны һәм чикләүләрне бозган өчен 30 тәүлеккә кадәр административ тоткарлау турында сүз бара. Бу хакта Федерация Советының Конституцион законнар һәм дәүләт төзелеше комитеты башлыгы Андрей Клишас Телеграм-каналында хәбәр итте.

Шулай ук хәрби хәл кертелгән территориядәге гражданнарны хәрби хәл кертелмәгән территорияләргә мәҗбүри һәм контрольдә тотып күчерүне кертергә тәкъдим ителә. Моннан тыш, әлеге документ сайлауларны хәрби хәл гамәлдә булган территорияләрдә оештыру һәм уздыру мөмкинлеген кертә.

«Күрсәтелгән төзәтмәләр гражданнарның иминлеген, гомерен һәм сәламәтлеген саклауга, дәүләт хакимияте органнарына һәм Россия Федерациясенең яңа субъектларының җирле үзидарә органнарына беренче сайлаулар уздырганда гражданнарның сайлау хокукын гамәлгә ашыруга һәм яклауга юнәлтелгән», - диде сенатор.

Моннан тыш, закон проектында хәрби хәл кертелгән төбәкләрдә референдумнар һәм сайлаулар үткәрелергә мөмкинлеген ачыкларга тәкъдим ителә. Бу аларны билгеләү турындагы карар Россия Саклану министрлыгы һәм Россия Федераль иминлек хезмәте белән федераль закон буенча консультацияләр нәтиҗәләре буенча кабул ителгән очракта мөмкин.

Моннан тыш, әлеге очракларда дәүләт хакимияте органнарына һәм җирле үзидарә органнарына сайлаулар, референдумнар хәрби хәл кертелгән бөтен территориядә дә, шундый территориянең бер өлешендә дә үткәрелергә мөмкин.