Новости за 21.07.2021

رہبر معظم انقلاب اسلامی حضرت آیت اللہ اعظمی خامنہ ای نے ایرانی حکام پر زوردیا ہے کہ وہ صوبہ خوزستان کے عوام کو درپیش مشکلات حل کرنے کے سلسلے میں اپنی ذمہ داریوں پر عمل کریں۔

بھارتی شہر ممبئی میں گزشتہ دو روز میں 250 ملی میٹر بارش ریکارڈ کی گئی جس کے نتیجے میں مجموعی طور پر اب تک 42 افراد ہلاک ہوگئے ہیں۔

سعودی عرب کے مکہ ریجن میں گاڑیوں کی چوری کرنے والے گروہ کے 5 افراد کو گرفتار کرلیا گیا ہے۔

چين کے صوبے ہینان میں طوفانی بارشوں اور سیلاب کے نتیجے میں 12 افراد ہلاک ہوگئے۔

اسلامی جمہوریہ ایران کی پارلیمنٹ کے اسپیکر محمد باقر قالیباف نے عید الاضحی کی مناسبت سے اپنے پیغام میں اسلامی ممالک کے پارلیمانی رہنماؤں کو مبارکباد پیش کرتے ہوئے کہا ہے کہ ایران تمام اسلامی ممالک کے ساتھ باہمی تعاون کو فروغ دینے اور مضبوط اور مستحکم بنانے کے لئے آمادہ ہے۔

مشہد مقدس میں حرم رضوی میں دعائۓ عرفہ کی معنوی اور روحانی تقریب میں مؤمنین نے طبی پروٹوکول کی رعایت کے ساتھ بھر پور شرکت کی۔

یوم عرفہ کی مناسبت سے تہران کے مؤمنین نے بہشت زہرا (س) میں دعائيہ تقریب میں شرکت کی اور اللہ تعالی کی بارگاہ میں راز و نیاز کیا۔

اسلامی جمہوریہ ایران کے وزیر خارجہ نے بھارتی وزیر خارجہ کے ساتھ ٹیلیفون پر گفتگو میں دوطرفہ تعلقات اور افغانتسان کی صورتحال کے بارے میں تبادلہ خیال کیا ہے۔

پاکستان کے وزیر داخلہ شیخ رشید نے کہا ہے کہ پاکستان کے خلاف اسرائیل اور بھارت کی مشترکہ جنک چل رہی ہے۔

اسلامی جمہوریہ ایران کے وزیر خارجہ نے عراقی وزیر خارجہ کے ساتھ ٹیلیفون پر گفتگو میں بغداد کے صدر سٹی میں ہونے والے بم دھماکے کے سلسلے میں عراقی عوام اور حکومت کے ساتھ ہمدردی کا اظہار کیا ہے۔

مشہد مقدس میں حضرت امام رضا علیہ السلام کے حرم مطہر میں طبی پروٹوکول کی رعایت کے ساتھ نماز عید قربان مذہبی عقیدت و احترام کے ساتھ ادا کی گئی ۔

بھارت اور پاکستان کے مختلف شہروں میں آج عید الاضحیٰ مذہبی جوش و جذبے اور عقیدت سے منائی جا رہی ہے۔

اسلامی جمہوریہ ایران کے دارالحکومت تہران سمیت تمام چھوٹے بڑے شہروں میں عید الاضحی مذہبی جوش و خروش اور عقیدت کے ساتھ منائی جارہی ہے۔

اسلامی جمہوریہ ایران کے صدر حسن روحانی نے عید الاضحی کی مناسبت سے اسلامی ممالک کے سربراہان کو مبارکباد کے پیغامات ارسال کئے ہیں ۔