Новости за 01.05.2024

1 Майда Татарстанның кайбер авылларына «Күкәй бәйрәмен» билгеләп үтәләр. Балалар авыл буйлап йөри, йорт саен кереп күчтәнәч җыя. Алар арасында буялган йомырка, татлы ризыклар була. Юмор остасы Рамил Шәрапов та Шәрапҗан образында бәйрәмдә катнашкан.

Тәрбиягә алган улына узган елның октябрендә кияүгә чыккан Айсылу Чижевская-Мингалим «ВКонтакте»дагы сәхифәсендә улы белән булган туен «алдан уйланылган тамаша» дип белдерде.

Бурятиядә югалган бала мәетен 1 тәүлек узгач кер юа торган машина эченнән табып алганнар. Бу турыда «Комсомольская правда» хәбәр итте.

Уфада берничә егет аларга бурычлы кешенең машинасын җимергән. Узып баручыларның берсе аларга кисәтү ясаган. Бу кешегә егетләрнең берсе пычак кадаган, зыян күрүче кан югалтудан үлгән.

Татар эстрадасы җырчысы Зөлфирә Мирзаянова (Шәйдуллина) кечкенә чакта төшерелгән фотосурәтләрен социаль челтәрдә күрсәтте. Мәктәп елларын искә алып, Зөлфирә Шәйдуллина үзе турында кызыклы фактлар ачты.

Американың Огайо штатында яшәүче Мендл Вайншток сеңлесенең туена, смокинг һәм башына кипа кидертеп, чын лама алып килгән. Болай итеп шаярту идеясен әле ул 5 ел элек үк уйлаган була. Бу хакта «Московский комсомолец» сайты яза.

Башкортстанның Гафури районындагы Үзбәк авылында давыл мәктәп бинасы түбәсен куптарган. Бу турыда Гадәттән тыш хәлләр министрлыгына сылтама белән «Башинформ» хәбәр итте.

Җырчы Айсылу Габдинова гаиләсе белән үз йортларына күченгән. Бу вакыйганы алдан хыялланып көтсәләр дә, җырчы, шәһәр читенә күченгәч, күңелсезләнеп калган. Ул табигатькә чыгып утырган һәм хис-кичерешләре белән бүлешкән.

«Хозур» нәшрият йорты «Дин вә мәгыйшәт» редакциясе «Дин турында. Сезнең сорауларга җавап» телеграм-каналында үлгән туганнар рухына дога кылу үрнәге чыкты.

Татарстан Республикасының Тарифлар буенча дәүләт комитетының гражданнар мөрәҗәгатьләре белән эшләү бүлегенә узган ел дәвамында 1 меңнән артык сораулар, мөрәҗәгатьләр кабул ителгән.

Башкортстанның Дуван районындагы Михайловка авылында янгында 4 яшьлек малай үлгән. Бу турыда «Башинформ» хәбәр итте.

Җырчы Иркә өр-яңа җырын тәкъдим итә. «Сезгә күчтәнәчем бар, кабул итеп алыгыз», – дип яза ул социаль челтәрдәге сәхифәсендә.

2 майда Татарстанда аязучан-болытлы һава торышы була. Төнлә һәм иртән урыны белән яңгыр явачак. Көндез явым-төшемнәр көтелми. Төньяк-көнбатыштан уртача тизлектә, урыны белән 13 метрга кадәр көчле җил. Төнлә һава температурасы +1..+6˚, көндез +8..+13˚ градус.

Татар эстрадасының концертлар саны буенча рекордсменнарының берсе Илсөя Бәдретдинова социаль челтәрдәге сәхифәсенә шпагатка утырган видеосын куйды. Җырчы туфлиен сала да, озын күлмәге белән шпагатка утыра, халык алкышлый һәм «молодцы» дип кычкыра.

Блогер Гүзәл Садыйкова мошенниклыкның яңа төре турында «кисәтеп», кызык видео төшергән. Гүзәл шул дәрәҗәдә ышандырырлык һәм җитди итеп сөйли ки, күпләр видеоның ахырында гына моның май бәйрәмнәренә багышланган шаярту булуын аңлап алган.

Дәүләт Думасы депутаты Александр Хинштейн, хакимият органнарында һәм белем бирү оешмаларында традицион булмаган сексуаль ориентацияле кешеләр булмаска тиеш, дип әйтте. Бу хакта «Регион Самра» сайты яза.

Ростов өлкәсендәге авылда машинада баручы кызны атып үтергәннәр. Авыл халкы сүзләренчә, фермер ир-ат кызны ялгыш үтергән. Бу турыда РЕН ТВ хәбәр итте.

Татарстанның халык артисты Гүзәл Уразованы хастаханәдән чыгарганнар. Җырчы сторисларында өйгә җыенганын күрсәтә. Аны тормыш иптәше Илдар Хәкимов каршы алган.

Алтай Республикасының Усть-Кокин районында ялган күрсәтмәләр бирү буенча җинаять эшен тикшерүне тәмамлаганнар. Гаепләнүче – 22 яшьлек кыз, диелә «Новости Горного Алтая» сайтында.

Россиядә «хезмәт хаклары революциясе» башлана, дип раслый Макроикътисади анализ һәм кыска вакытлы фаразлау үзәге икътисадчысы Дмитрий Белоусов. Хәрбиләргә зур акчалар түләү базар өчен яңа ориентирлар билгели һәм арзан хезмәткә ризалашырга әзер булучылар санын киметә.