Новости за 02.05.2024

Бүген Кыргызстанда куркыныч фаҗига булды. Балалар «Манос» эпосына багышланган республика конкурсына җыела. Бәйрәмгә «Хуандай» мини-йөк машинасында туңдырма алып киләләр. Балалар калкулык итәгенә җыела, Кыргызстан байрагын күтәреп, бәйрәм итә башлыйлар. Йөртүче машинасын, тормозга куймыйча, тау башлында калдыра. Бер мәлдә машина аска төшеп китә һәм балалар өстенә менә.

Блогер Рәфис Атаказ фәлсәфи уйлануларының чираттагысын туган-тумача, дусларның киң күңеллелегеннән үзенә файда алып калырга тырышучы кешеләр темасына багышлаган.

29 апрельдә Яңа Мәскәүдә юл һәлакәтендә ир белән хатын һәлак булган. Аларның 5 нәни баласы ятим калган. Авария китереп чыгарган йөртүче соңгы ярты елда 32 тапкыр юл кагыйдәләре бозган. Бу турыда «Московский комсомолец» хәбәр итте.

Резеда Шәрәфиева һәм Равил Галиевлар – аерылмас дуэт. «Туган тел» телеканалындагы «Сер итеп кенә» тапшыруына артистлар үзләренең уртак иҗаты, дуэтларының үзенчәлекләре турында сөйләгәннәр.

Казанда беренче экостанция ачылды, һәм экологиягә сакчыл карашны популярлаштырган зур чара үтте. Хәер, экологик чаралар хәзерге көндә күп үтә, кайсылары чын-чыннан абсурд та була. Ә әлеге чара нинди икәнен «Интертат» журналисты репортажыннан хәбәрдар булырсыз!

Рөстәм Нәбиев «Top people Russia» премиясендә «Халык блогеры» дигән исемгә лаек булган. Әлеге чарада Россиянең иң уңышлы, билгеле кешеләре төрле номинацияләрдә бүләкләнә.

3 майда Татарстанда болытлы, төнлә аязучан-болытлы һава торышы була. Төнлә урыны белән яңгыр, җепшек кар һәм кар явачак. Көндез дә яңгырлы һава торышы була, кар һәм җепшек кар явачак. Көнбатыштан, төньяктан 6-11, урыны белән 15-18 метр тизлектә көчле җил. Көндез җил тизлеге секундына 17-22 метрга кадәр үк җитә. Төнлә һәм иртән һава температурасы 0..+3˚, урыны белән -2˚ градуска кадәр суытачак. Көндез +2..+7˚ градус. Юлларда урыны белнә бозлавык булырга мөмкин.

«Татарча хәдисләр» телеграм-каналында Аллаһ күләгәсеннән башка бер күләгә булмаганда, күләгә астында булачак кешеләр исемлеген китерделәр.

Камал театры шатлыклы хәбәр җиткерә. Театрның актрисасы Айгөл Абашева бүген әни булган! Аның кызы бар.

Юмор остасы Данир Сабиров актуальлеген югалтмый торган темага җыр яздырган. Ул «Туган көн» дип атала.

Түбән Кама районында бер ир-ат әтисен пычак белән чәнчеп үтергән. Бу хакта «Mash Iptash» Телеграм-каналы яза.

Дубайга күченеп киткән һәм туристларга арзанлы турлар сату вакыйгасыннан соң федераль эзләүгә бирелгән Илүсә Фәләхова-Миңнегалиева социаль челтәрдә 2 айга югалып торган иде. Шушы көннәрдә ул язылучылары белән элемтәгә чыкты. Аның кәефе шәп.

Ерак 2015 елда Сәидә Мөхәммәтҗанова, «Голос. Дети» проектында катнашып, финалга узган иде. Менә 10 елга якын вакыт узганнан соң, ул кабат үзен әлеге бәйгедә сынап карарга булган. Бу юлы Ташкентта. Ни өчен Сәидә Мөхәммәтҗанованың Үзбәкстанның «Ovoz» шоуында катнашырга булуы, жюри әгъзалары фикере турында – «Интертат» язмасында.

Блогер Олеся Лесная Руслан Кираметдиновны баскыч мәйданчыгында тотып алган һәм сораулар биргән.

Яз башында витаминлы ризык яратучылар яшел суган, кычыткан, кузгалактан һ.б. төрле ризыклар пешереп сыйланып калырга тырыша. Сезгә дә кузгалак пирогы пешерү өчен берничә рецепт тәкъдим итәбез.

Чулпан Йосыпованың әнисенең энесе махсус хәрби операциягә киткән. Саубуллашырга туганнары җыелган, хәрби олысын, кечесен кочаклый. Озатучы ир-атларның да күзләре яшьләнгән.

Фигуралы шуу буенча олимпия чемпионы Алинә Заһитова кафе-барда фотосессия ясаган. Анда спортчының изүе ачык, итәгенең ерыгы ботына кадәр җиткән. Әлеге матурлыктан гаеп табучылар, алардан спортчыны яклаучылар табылган.

Яз килү белән психик авырулар да кискенләшә. Табиблар сүзләренчә, ел фасыллары алмашу бар кешегә дә тәэсир итә. Сәламәт кеше моны кәеф үзгәрешләре белән уздырып җибәрсә, психикалары зәгыйфь булган кешеләрдә шизофрения һәм биполяр авыру рецидивлары барлыкка килә. Ни өчен яз килү психикага бәрә, һәм мондый авыр вакытта сәламәтлекне ничек сакларга?

Казандагы Имәнлек урамында йөрүче кешеләргә һөҗүм иткән егетләр төркемен эзлиләр. Әлеге хәл 30 апрельдә булган. Биредә медицина битлекләре кигән егетләр узып баручыларга ташлана. Бу турыда «Татарстан-24» каналы хәбәр итте.

«Ябай малай» псевдонимы белән танылган Ямил Байморзин кәләш алуы турында хәбәр иткән, дип яза «Торатау» гәзите сайты. Ябай малай «Яңы ғаилә. Баймырҙиндар ғаиләһе. Ғаилә йылы-24» хештегы белән никах киемендәге фото урнаштырган.

Можга шәһәренең «Дубитель» мәдәният йортына баргач, биредә татар милләтеннән булган кешеләр белән танышканда: «Әле безнең «Аллаһ боерса» апабыз бар», – диделәр. Мин, зур кызыксыну белән, «Аллаһ боерса» апаның кем булуы турында аңлатуларын көтәм.