Новости за 17.05.2024

Кукмара районы Ядегәр авылы кызы Фирүзә Бәшәрова махсус хәрби операциядә батырларча һәлак булган сөйгән егете Нияз Гыйльмановка атап шигырь язган. Аны «Хезмәт даны» газетасы «ВКонтакте» челтәрендә тәкъдим итә.

Петербургта Una төркеме солистын үтергәннәр. 37 яшьлек хатын өчен романтик кичә фаҗига белән тәмамланган. Бу турыда «Комсомольская правда» яза.

Җырчы Салават Миңнеханов «Эфир» телекомпаниясен судка биргән. Ул аларны гаиләсенә яла ягуда, исемнәрен пычратуда, мәгълүматны тикшермәгән килеш сюжет чыгаруда гаепли. Җырчы бу турыда Телеграм-каналында сөйләгән.

14-19 майларда барган «Россия – Ислам дөньясы: KazanForum» икътисад форумы кысаларында күптөрле чаралар үтә. Алар арасында матбугат һәм массакүләм мәгълүмат чаралары әһелләре өчен медиасессияләр дә бар. «Интертат» журналисты әлеге чараларда булып кайтты.

Кукмара районының Түбән Арбаш авылында туып-үскән гвардиянең кече сержанты Габдрахманов Рөстәм Мөнир улын соңгы юлга озаттылар. Рөстәмгә 22 майда 36 яшь тулган булыр иде. Аның хатыны – тол, кызы ятим калды, дип яза «Хезмәт даны» газетасы журналисты Алсу Сәләхетдинова.

Бу атнада Уфада режиссер, 3 бала анасы, 38 яшьлек Альмира Ибраһимова вафат булды. Ул берничә ел дәвамында яман шеш белән көрәшкән. Альмираның соңгы көннәре турында NewsBash сайты яза.

18 майда Татарстанда аязучан-болытлы һава торышы була. Көндез урыны белән бераз яңгыр явачак. Төньяктан, төньяк-көнчыгыштан уртача тизлектә, урыны белән 14 метр тизлектә көчле җил. Төнлә һава температурасы +4..+9˚, көндез +12..+17˚ градус.

Казанның «Алтаң» мәчете телеграм-каналында һәр атна саен «Җомга коймагы» чыга. Бу атнада кешенең озын гомергә һәм малга кызыгуы турында Риза Фәхретдин сүзләре китерәләр.

Оборона буенча Дәүләт Думасы комитеты өч балалы әтиләрне мобилизациядән кичектерү закон проектын кире кагарга киңәш итте. Бу хакта «База» Телеграм-каналы яза.

Словакия премьер-министры Роберт Фицога һөҗүмнән соң, ил гражданнар сугышы чигендә калган. Бу хакта эчке эшләр министры Матуш Шутай-Эшток әйтте, дип яза LIFE сайты.

Бакчачы Рәмзия Әхмәдуллина май салкыннарында кырау суккан үсемлекләрне тергезү буена киңәшләр бирә.

Питрәч районы Күн авылы мәдәният йортына Татарстанның халык артисты Айдар Хафизов исеме бирелде. Тантаналы вакыйга белән авыл халкын Галиәсгар Камал исемендәге Татар дәүләт Академия театры артистлары котлады. Чарада «Интертат» хәбәрчесе дә бар иде.

Татар сәхнәсендәге иң универсаль җырчы Артур Исламов Фирдүс Тямаевның «Әйдә, сайра сандугач» җырын башкара.

Чаллыда йортның мессенджердагы гомуми чатында бер укытучыны мыскыл иткәннәр. Бу хакта шәһәр судына сылтама белән «Челнинские известия» сайты яза.

«Татарча хәдисләр» телеграм-каналында «Намаздан соң «Аятел көрси»не укырга онытмыйк» дигән пост чыкты.

Оренбургта яшәүче ир-ат дустын балта белән чабып үтергән һәм мәетен ташландык су чокырына яшергән. Бу турыда Тикшерү комитетына сылтама белән «Вести» каналы хәбәр итте.

Казанда яшәүче аш-су блогеры Рәмзия Вәлиеваның бердәнбер кызы авырып киткән. Бу хакта ул социаль челтәрдәге сәхифәсендә хәбәр итә.