Новости за 07.05.2024

Бүген кич җырчы, концертлар оештыручы, мәҗлесләр алып баручы Вилдамир Баһау (Вильдамир Бахау) вафат булды. Ул 7 шәһәр хастаханәсендә йөрәге тотып үлгән. Аны җирләү иртәгә, 09.00 сәгатьтә хастаханәдә була. Ул бик күп татар җырчылары белән бергә эшләгән. Вилдамир Баһау 1967 елгы, аның кечкенә кызы ятим калды. (Беренче гаиләсендәге улы инде олы яшьтә).

Татар эстрадасы артисты Вилдамир Баһау (Вильдамир Бахау) вафат булган, дип хәбәр итә «Шәһри Казан».

Гүзәл Уразова Казан аэропортыннан видео урнаштырган. Ул Мәскәүдә операция ясаткан иде.

Татарстанның Тәтеш районында яшәүче хатын дус кызы сурәтләнгән интим видео тараткан өчен хөкем ителгән. Суд аңа штраф салган. Бу турыда «Татарстан 24» каналы хәбәр итте.

«Чаллы ТВ» телеканалындагы «Ачыктан-ачык сөйләшү» тапшыруында Лилия Хәмитова үзенең «Мәхәббәт шушыдыр» дигән җырын Азат Абитов белән Гөлсирин Абдуллинага бирергә мәҗбүр булуы турында сөйләде.

8нче тапкыр Актаныш районы Байсар авылы җирлегендә үткәрелүче Джип-спринт, ягъни автокросс буенча ярышларны «Сабантуйга әзерлек» дип атарлык иде. Машина ярышларын Актаныш халкы гына түгел, чит төбәкләрдән килгән кунаклар да күзәтте. «Интертат» хәбәрчесе куркыныч та, кызыклы да машиналар узышыннан репортаж тәкъдим итә.

6 кешене атып үтергән Тимур Бекмансуров, «башы киткәнен» һәм гомерлеккә иректән мәхрүм ителү карарын гамәлдән чыгарырга кирәк икәнен исбатларга тырышып, Югары судка кадәр барып җиткән. Ул үзенең акылсыз булуын һәм психоз белән авыруын белдерә. Аның фикеренчә, медицина экспертлары моны ялгышлык аркасында аңламаган.

● ● ● Сөйгән кызымның телефонына хәбәр җибәрдем:

– Хәерле төннәр!

Җавап булып мондый СМС килде:

– Ә нигә шундый тәкәббер тон белән?

● ● ●

– Карагыз әле, ир кеше, сез өйләнгәнме?

– Хәзерме, әллә гомумәнме?

● ● ●

Сәрхушлектән дәвалау хастаханәсенең төп ялгышлыгы шунда: палаталар өч кешелек булуда.

● ● ●

– Ә ул сиңа үзенең элеккеге мөнәсәбәтләрен сөйләдеме?

– Юк.

– Вәт сарык! Ә син аңа?

– Юк.

– Акылың бар икән әле! Читать дальше...

8 майда Татарстанда аязучан-болытлы һава торышы була. Яңгыр явачак, кайбер районнарда яшенле яңгыр була. Көнбатыштан, көньяк-көнбатыштан 9-14 метр тизлектә, урыны белән 15-20, 23 метр тизлектә көчле җил. Төнлә һава температурасы +3..+8˚, көнчыгыш районнарда +11˚ градус. Көндез +13..+18˚, көнбатыш районнарда +6..+11˚, көньяк-көнчыгыш районнарда +19..+21˚ градус була.

Бүген Мәскәүдә Зур Кремль сараенда Владимир Путинның Россия Федерациясе Президенты вазифасына керешү тантанасы узды.

Хәрбиләр утырган автобус Воронеж өлкәсендә җиңел автомобиль белән бәрелешкән. 1 кеше һәлак булган, 9 кеше зыян күргән. Урында төшерелгән видеолар «База» телеграм-каналында чыкты.

Коръәнне укыганнан соң «Садакаллаһү-л-Гәзыйм» дип әйтүнең хөкеме турында «Татарча хәдисләр» телеграм-каналында аңлаталар.

Төркиянең «Yeni Şafak» газетасы хәбәр иткәнчә, Согуд Гарәбстанында тәхеткә утырасы принц Мөхәммәт бен Салман әс-Саудка һөҗүм иткәннәр.

Владимир Путин Россия Федерациясе Президенты вазифаларына кереште. Ул инаугурация тантанасында Россия Федерациясе Конституциясенә кулын куеп, ант бирде.

Татарстанның атказанган артисты Чулпан Йосыпова «Татарстан – Яңа гасыр» телеканалының социаль челтәрдә алып барыла торган «Ә син» тапшыруында кунак булды. Алып баручы Әбри Хәбриев аннан машинасына ут төрткән кешенең җәза алу-алмавы турында сорады.

Җырчы Айгөл Бариеваның каенанасы вафат булган. «Бүген иртәнге 4тә әни китеп барды... Аңа 9 июньдә 87 яшь тулган булыр иде. Соңгы 2 елны бик каты авырды шул, урын өстендә ятты… Урының оҗмахта, рухың шат булсын.

Бердәнбер, көтеп алган язгы гөмбә – сморчок, ягъни кәҗә гөмбәсе. Аны бәрәңге белән кыздыру рецепты бик гади.

Стәрлетамак районының бердәнбер сугыш ветераны Габдрәшит Әһлиуллин олы яшьтәмен дип тормый – машинасы белән үзе идарә итә. Ветеранның машинада җилдергән видеосын «Безнең Башкортостан» сәхифәсенә урнаштырганнар.

«Болгар Радиосы» һәм «Мәйдан» каналында продюсер булып эшләүче Ленар Кәшафетдинов гаиләсенә ел башында зур хәсрәт килгән иде. Аларның кечкенә кызлары Сәмирә йөрәк авыруыннан мәңгелек йортка күчте.

Телеграм-каналларда җырчы Азат Абитовның 3 чиләк кәҗә гөмбәсе (сморчок) белән төшкән фотосы чыккан иде. Азат оста гөмбәчеме икән әллә, моны кадәр гөмбәне кайдан җыйганнар дип, үзенә шалтыраттык. Азат әлеге фотоның инде бик күптәнге фото булуын әйтте.

РФ халык артисты Филипп Киркоров социаль челтәрләрдә үзенең 57 яшьлек юбилеенда төшкән фотоларын күрсәтте, ул туган көнен 30 апрельдә билгеләп үткән. Ялтыравыклы киемдә төшкән фотоларның берсе артистның тамашачысын гаҗәпкә калдырган. Аңа бик күп комментарийлар язарга тотынганнар. Кайберәүләр фотоны әдәпсез дип тә тапкан.

Әлмәтнең Шевченко урамында юл кагыйдәләрен бозып йөрүче машинаны видеога төшергәннәр. Әлеге вакыйга шәһәр халкын һәм хакимиятне борчуга салган. Видео социаль челтәрләрдә таралган. Бу турыда «Татарстан 24» каналы хәбәр итте.

Юмор остасы, җырчы Данир Сабиров бөек фәлсәфәче, шагыйрь Гомәр Хәйямның: «Без кайвакыт кирәксез теләкләр белән тулы: бер кулда – бокал, икенчесендә – Коръән... Менә шулай зәңгәр күк астында яшибез без – ярым динсезләр һәм ярым мөселманнар» дигән канатлы сүзенә ияреп, үзе турында түбәндәге сүзләрне язып калдырган: «Көндез – спортсмен, кичен, кайвакыт, спиртсмен. Арасында – артист, җомга көнне – мөселман. Булдыралганча яхшылыклар да эшлим, гөнаһлары да җитәрлек... И Ходаем, кичер минем иске гөнаһларымны, бир көч яңаларына». Читать дальше...

Нәсел җепләре Апас районына барып тоташкан, бүгенге көндә Башкортстанның Уфа районының Шамонино авылында яшәүче уңган бакчачы Ризида Мөхәммәтҗанова белән «Интертат» журналисты әңгәмә корды.