د پوځ د عامه اړیکو دفتر (ای اېس پي ار) په بیان کې ویلي دي چې د پوځ مشر جنرال سید عاصم منیر د جولای پر ۱۴مه د کوټې چاوڼۍ ته سفر وکړ چې پر مهال یې ورته امنیتي چارواکو د بلوچستان په پښتون مېشته سیمو کې د ژوب د وروستي "ترهګر" برید په اړه معلومات ورکړل.
په پاکستان کې د قانون له مخې منتخب حکومت خپله پینځه کلنه موده تر پوره کولو وروسته واک نګران حکومت ته سپاري چې هغه بیا د ټاکنو له کمېشن سره په ګډه په ۹۰ ورځو کې انتخابات کوي او چارې نویو واکدارانو ته سپاري.
په عراق کې د ښځو د خپلواکۍ او ځواکمنتیا لپاره کارکوونکی ناحکومتي سازمان وايي، د اکثرو عربي هېوادونو په څېر په عراق کې هم خلک محافظه کاره دي چې له کبله یې ځینې مسلکونه د سړیو لپاره ځانګړي بلل کېږي. خو پر دې سربېره په بغداد کې یوه ښځه د ترکاڼۍ یا نجارۍ کار کوي. له هغې پرته نورې ښځې هم شته چې پخواني دودونه ماتوي. د اسوشيېټېډ پرېس اژانس له ویډیو جوړ رپورټ.