په پېښور کې یوې جرګې د پخواني نومیالي وکیل او پښتون ملتپاله سیاستوال عبداللطیف اپرېدي او د پخواني قاضي افتاب اپرېدي د کورنیو ترمینځ روغه کړې ده. دواړو کورنیو له اته کلونو راهیسې دښمني لرله چې پر مهال یې د لطیف اپرېدي او افتاب اپرېدي په ګډون د دواړو خواوو اووه تنه ووژل شول. د جولای ۳۰مې جرګې ته یوشمېر سیاستوالان او ګڼ خلک ورغلي ول. تفصیل په ویډیويي رپورټ کې.
د خوست په ورزې سیمه کې د جولای پر ۲۸مه د "ټن غر" په نوم کلنۍ دودیزه مشاعره وشوه چې پکې لسګونه شاعرانو او د ادب مینه والو ګډون وکړ. ټن غر مشاعره له تېرو څلورو کلونو راهیسې کې کېږي. نور په ویډیويي رپورټ کې.
د پاکستان د بهرنیو چارو وزارت د جولایي پر ۲۹مه په بیان کې ویلي چې د چین د ولسمشر شي جېنپینګ ځانګړی استازی او مرستيال وزیراعظم د جولایي له ۳۰مې د اګست تر لومړۍ نېټې د پاکستان سفر کوي.
د موسمياتو محکمي د وړاندوينې له مخې، په راتلونكو دوو ، درو ورځو کې په خېبر پښتونخوا، پنجاب، اسلام اباد او د پاکستان تر واک لاندې ګلګت بلتستان او کشمیر کې د باران امکان دی.
په غونډه کې د امریکا له خوا د افغانستان لپاره د امریکا ځانګړی استازی تامس وېسټ او د افغان ښځو، نجونو او بشري حقونو په چارو کې د امریکا ځانګړې استازې رینا امیري برخه اخلي. د طالبانو له خوا به د هغوی د حکومت د بهرنیوچارو د سرپرست وزیر امیر خان متقي په مشرۍ پلاوی د طالبانو په استازولۍ ګډون کوي.
د پښتون ژغورنې غورځنګ مشر منظور پښتين، د جنوبي وزیرستان پارلماني استازی او د غورځنګ مخکښ علي وزیر او نور ګڼ کسان په جلسه کې د ګډون لپاره هلته تللي دي.