د ملګرو ملتونو په راپور کې ويل شوي دي چې دی هېوادونو کې ۲۲۰ کسان او ۲۵ سازمانونه د اقوام متحده سره د بشري حقونو په خوندي کولو کې د مرستې کولو په وجه د خطر سره مخ دي. دا راپور د ملګرو ملتونو د بشري حقونو کونسل په غونډه کې وړاندې شو. غونډه به تر ۶ اکتوبر پورې په جينيوا کي دوام لري.
پاکستان به خپله لومړۍ لوبه د اکتوبر پر شپږمه له نېدرلېنډ سره کوي او افغانستان به د اکتوبر پر اوومه د خپلې لومړۍ لوبې لپاره د بنګله دېش په وړاندې میدان ته وځي.
په روغتیا او درملنه خپرونه کې نن پر وایرسي لچ یا اشوب چشم غږېدلي یو. په وروستیو کې په پاکستان کې د سترګو په دې ناروغۍ ګڼ خلک اخته شوي دي. روغتیاپالان وايي، وایرسي لچ یا اشوب چشم مشخص علاج نه لري خو له یو کسه بل ته خپرېدای شي. په خپرونه کې د دې رنځ په اړه تفصیلي معلومات درکوو او ورڅخه د ځان ساتلو پر لارو چارو هم غږېدلي یو. بشپړه خپرونه د غږ په ځای کې واورئ.
د بلوچستان په مستونګ او د خیبر پښتونخوا په هنګو کې د جمعې پر ورځ د شویو بریدونو ضد د اکتوبر پر لومړۍ نېټه په کوټه، کراچۍ او نورو ښارونو کې احتجاجونه وشول. احتجاج کونکو له حکومته په پېښو کې د ککړو کسانو د نیولو او د پېښې قربانیانو سره د مالي مرستو غوښتنه کوله. د سېپتېمبر پر ۲۹مه په مستونګ او هنګو کې په دریوو جلا جلا بریدونو کې لسګونه ووژل شول. تفصیل په دې ویډیوراپور کې.
تاسو به د پهلوانۍ، غېږنیونې، رېسلېنګ یا کبډي مقابلې عموماً په مخصوصو میدانونو کې لیدلې وي خو په جاپان کې بیا په یو چټک ځغلېدونکي اورګاډي کې دا مقابلې شوي. د دې مقابلو لپاره یو اورګاډی ځانګړی کړل شوی وو چې د سر ښار ټوکیو نه ناګویا ته یې سفرکاوه او ۷۵ مساپر پکې سپاره ول. په مقابله کې برخه اخیستونکو ټول هغه کرتبونه کارول چې د دې لوبې لپاره ځانګړي دي. په دې اړه نور تفصیل په د اسوشيېټېډ پرېس او رویټرز اژانسونو په دې راپور کې: