Новости за 21.10.2023

دا اونۍ مو په مشال مرکه کې د انتخاباتي کمېشن د خیبر پښتونخوا صوبې وياند سهيل احمد ميلمه کړی دی. نوموړي په صحافت کې لوړې زده کړې کړي او له تېرو ۱۹ کلونو راهیسې په خيبر پښتونخوا کې د ټاکنو د کمېشن د وياند په توګه کار کوي. سهيل احمد وايي، له تېرو هغو پرتله راتلونکي عام انتخابات به په هر لحاظ په ښه طريقه ترسره شي او د دې لپاره په ټولو اړخونو باندې کار روان دی. د ده په خبره که چیرې په قبايلي ضلعو کې په حلقه بنديو باندې د خلکو اعتراضات وي نو د اکتوبر اخرۍ اوونۍ پوري خپل اعتراضات کمېشن سره جمع کولي شي.... Читать дальше...

د درخواستونو وروستۍ اورېدنه د سپریم کورټ شپږ کسيزه بنچ د اګست پر دریمه کړې وه او د ډيرو درخواست ورکونکو  وکيلانو خپل دلايل وړاندې کړي ول.

نواز شریف د ۲۰۱۹م کال د نومبر پر ۱۹مه د علاج لپاره لندن ته لاړ چې د ۲۰۲۳م کال د اکتوبر پر ۲۱مه پاکستان ته ستون شو.

د پاکستان مسلم لیګ نون ډلې قاید نواز شریف درې ځله د ملک وزیراعظم پاته شوی دی. د هغه ګوند هیله من دی چې که راتلونکي انتخابات وګټي نو نوموړی به پاکستان له روانو اقتصادي ستونزو وباسي. بوریوال کاکړ د رویټرز او فرانس پریس اژانس د ویډیوګانو پر اساس د نواز شریف سیاسي ژوند ته کتنه کړې ده.

د سیند د کورنیو چارو نګران وزیر حارث نواز د اکتوبر پر ۲۱مه، په کراچۍ کې خبري غونډې ته وویل چې له عدالتي کارروايي پرته ناقانونه افغان کډوال نیسي او خپلو هېوادونو ته به یې لېږي.

د ملګرو ملتو د سرمنشي مرستیال ویاند فرحان حق د اکتوبر د ۲۰مې نېټې په ماښام مشال راډیو ته وویل، د پاکستان دا هڅه ستایي چې افغانانو ته یې پناه ورکړې ده خو د ده په وینا، هیڅ کډوال باید په زوره و نه ایستل شي

په نیپال کې په ۲۰۱۵ز کال کې زلزله شوې وه چې د مرګژوبلې تر څنګ یې ډېرو ودانیو ته هم زیان رسولی وو. په هغو ودانیو کې د هېواد لرغوني اثار هم ول چې حکومت یې اوس د بیا جوړولو کار پیل کړی دی. دې اقدام بې روزګاره کسانو ته د کار لاره پیدا کړې ده. له دې سره د ودانیزو چارو پخواني دودونه هم ژوندي شوي دي. تفصیل د اې اېف پي اژانس په دې ویډیويي راپور کې.