د اکتوبر میاشت په نړۍ کې د ښځو د سینې سرطان په اړه د پوهاوي خپرولو ته ځانګړې کېږي. په پاکستان کې هم ډاکتران په دې میاشت کې د پوهاوي غونډې کوي. د پېښور د رحمان میډیکل انسټیټیوټ له ارقامو سره سم، په پاکستان کې هر کال ۱۰۰،۰۰۰ ښځې د سینې سرطان ښکار کېږي چې ورڅخه یې ۱۵،۰۰۰ د خیبر پښتونخوا وي. نور په رپورټ کې.
په افغانستان کې د طالبانو حکومت د دفاع سرپرست وزیر ملا محمد یعقوب مجاهد له پاکستانه د افغان کډوالو د ایستلو پرېکړه "غیر عادلانه" بللې ده. مجاهد نن (د اکتوبر پر پينځمه) په کابل کې یوې غونډې ته د وینا پر مهال له ملګرو ملتونو، د پاکستان له ولس او دیني علماوو غوښتنه وکړه چې د پاکستان حکومت له خپلې پریکړې راوګرځوي. "د پاکستان حکومت چې د افغانانو په هکله کومه پرېکړه کړې ده، چې کډوال به د نومبر تر لومړۍ نېټې له پاکستانه وځي، دا پرېکړه موږ غندو، دا پرېکړه غیر عادلانه او بې انصافه پرېکړه ده." د پاکستان... Читать дальше...
د سرفراز بګټي تر دې څرګندونو څو ورځې وړاندې د رسنيو د ازادۍ لپاره کار کوونکو ۱۶ ادارو او تنظيمونو د سېپټېمبر پر ۲۸مه د پاکستان پر نګران حکومت او ګوندونو غږ وکړ چې د راتلونکو انتخاباتو په درشل کې دې د بیان ازادي يقيني کړي.
د خوست د غرغښت مرکزي لېسې زده کوونکو د کیمیا او بیولوژۍ یا ژوپوهنې په څانګو کې د جوړو کړیو ماډلونو نندارتون کړی دی. زده کوونکو د اکتوبر پر دویمه د نندارتون پر مهال یوشمېر تجربې یا ازموینې هم وکړې. نندارتون ته ګڼ زده کوونکي او ښوونکي ورغلي ول. ویډيويي رپورټ.
دا اوونۍ مو په مشال مرکه کې د اردو ژبې له استاد راشد حسين سره خبرې کړې دي. نوموړی په پېښور پوهنتون کې د اردو ژبې او ادبیاتو استاد دی. حسين وايي، په مورنۍ ژبې کې زده کړې خورا زیاتې مهمې دي. له نوموړي سره بشپړه مرکه واورئ.
مجاهد داراز د پاکستان د ځینو چارواکو دا دعوه هم رد کړې چې ګواکې هلته اوسېدونکي افغانان د ناامنۍ په پېښو کې ککړ دي. "افغان کډوال د پاکستان په امنيتي ستونزو کې ښکېل نه دي او تر [هغو] چې په خپله خوښه له پاکستانه لاړ نه شي باید هغه هېواد يې وزغمي."
په اسلام اباد کې د لوبو حق (رایټ ټو پلې) په نوم یو سازمان د نجونو د والیبال د سیالیو تابیا کړې ده. هغه سازمان وايي، د دې سیالیو موخه د نجونو لوبو ته وده ورکول دي. ویډیويي رپورټ.
افغان لوبغاړي په چین کې په اسیايي لوبو کې تر ګډون وروسته هېواد ته ستانه شوي دي. دوی په ووشو او تایکواندو کې د ژیړو درې مېډالونه ګټلي دي. اسیايي لوبې د چین په هانګژو کې شوې دي. په اړه یې د رویټرز اژانس له ویډیو جوړ رپورټ وګورئ.
د پوځ عامه اړیکو دفتر (ای اېس پي ار) د اکتوبر پر څلورمه په بیان کې وویل چې د طالبانو یو حکومتي سرتېري د چارشنبې (شورو) پر مازیګر د "دوستۍ له وره" سره نېږدې "له پاکستانه افغانستان ته پر اوښتونکو پلي یا پیاده کسانو بې له پارونې، ناتاره ډزې وکړې" چې مرګژوبله یې واوړوله.
په اسلام اباد کې د ګرو اپ ټېکنالوجۍ په نوم د ځوانانو یوې ډلې، چې پکې پښتانه هم شامل دي، د ویډیويي لوبو داسې اپلیکېشن (ایپ) جوړ کړی دی چې د بدن د حرکت په اشارو کار کوي. د ۳۰ ځوانانو ډله وايي چې هغه ایپ یې پر ماشومانو او ځوانانو د ویډیويي لوبو د ناوړه اغېز مخنیوي لپاره جوړ کړی دی ځکه چې د ویډیو ګېم یا لوبو پر مهال اکثر کسان ناست وي او ورزش نه کوي. ویډیويي رپورټ.
اسلام اباد د اکتوبر پر درېیمه، له افغانستان سره په ټرانزېټ تجارت تړون (اپټا) کې بدلون وکړ او د افغان سوداګرو له خوا یېپر واردوونکو مالونو د ۱۰ فیصده تعرفې یا فیس تر څنګ د ځينو توکو پر لېږد بندیز ولګاوه.