ТIаьххьарчу 24 сахьтехь Къилбаседа Кавказехь 88 стаг велла коронавирусах
ТIаьххьарчу дийнахь-буса Къилбаседа Кавказехь коронавирусан уьнах кхелхина 88 дархо, керла ун къаьстина 1335 стагаца.
Iедалшкара болчу хаамца, Краснодар-махкахь уьнан велла 31 вахархо, Дагестанехь -21, Нохчийчохь а, Ставропол-махкахь а – ворхI-ворхI, Кхарачой-Чергазийчохь а, ГIебарта-Балкхаройчохь а, ГIалмакхойчохь а – пхиппа, Къилбаседа-ХIирийчохь – кхоъ, ГIалгIайчохь а, Адыгейхь а шишша кхелхина.
Верриг а пандемин муьрехь COVID-19 цамгарх белларш бу Къилбаседа Кавказехь 12 997 стаг, боху официало.
Дийнахь-буса массанхьачул дукха ун хаькхаделла нах бу Ставропол-махкахь, лахара – Адыгейхь а, ГIалгIайчохь а.
Ставрополь-мохк+ 312 (64 282 ву пандеми яьржичхьана)
Краснодаран кIошт + 263 (58 787)
Дагестан + 198 (41 512)
Нохчийоь + 122 (15 834)
ГIалмакхойчоь + 118 (24 702)
ГIебарта-Балкхаройчоь + 87 (26 917)
Къилбаседа-ХIирийчоь + 65 (18 693)
Кхарачой-Чергазийчоь + 58 (22 326)
Адыгей + 56 (16 238)
ГIалгIайчоь + 56 (17 578)
Таханенна Къилбаседа Кавказехь коронавирус кхетта ларало 306 859 стаг. Ерриг Оьрсийчохь Товбеца-беттан 30-чу денна и терахь ду 6 242 066*.
*Оьрсийчоьнан официалан статистико шена чулору аннекси йинчу ГIирмера хьал а.