Новости за 06.05.2024

9 Майда Мәскәүдә Кызыл мәйданда узачак Җиңү Парадында Бәйсез Дәүләтләр Берлеге илләре лидерлары — Беларусь лидеры Александр Лукашенко, Казахстан лидеры Касым-Жомарт Токаев, Кыргызстан лидеры Садыр Җапаров, Таҗикстан лидеры Эмомали Рахмон һәм Төркмәнстан лидеры Сәрдар Бәрдемөхәммәдов, шулай ук Куба, Лаос һәм Гвинея-Бисау президентлары Мигель Диас-Канель Бермудес, Тхонглун Сисулит һәм Умару Сисоку Эмбало катнашачак. Бу хакта журналистларга РФ Президенты ярдәмчесе Юрий Ушаков сөйләде, дип хәбәр итә ТАСС. Читать дальше...

Иртәгә, 7 майда, Татарстанда кабат һава шартлары начарлануы фаразлана. Бу хакта ТР Гидрометеорология үзәге хәбәр итә.

Бүген РФ Дәүләт Думасы пленар утырышта икенче һәм өченче укылышта алимент түләмәүчеләрнең ачык реестрын булдыру турында закон кабул итте. Бу хакта Федераль Җыенның түбән палатасы матбугат хезмәте хәбәр итә.

ТР Рәисе Рөстәм Миңнеханов үзенең Telegram-каналында республикадан мобилизацияләнгәннәр хезмәт итүче 430 һәм 1232 номерлы мотоукчылар полклары хәрбиләрен «ТР каршындагы казанышлары өчен» ордены медальләре белән бүләкләү турында әйтте.

РФ Хөкүмәте Россия Президенты Владимир Путин командасының бер өлеше булуы белән горурлана. Бу хакта илнең премьер-министры Михаил Мишустин белдергән. Ул Министрлар Кабинеты, үз чиратында, шушы вакыт дәвамында гел дәүләтне уңайсыз хәлгә куймаска дип тырышты, дип ассызыклаган.

Дәүләт Думасы депутаты Айрат Фәррахов «Татар-информа»га Владимир Путинның Россия Президенты вазифасына керешү тантанасына чакыруны күрсәтте.

Казан Башкарма комитеты карары нигезендә иртәгә, 7 майда, Җиңү Парады репитициясе аркасында 16.00 сәгатьтән 23.30 сәгатькә кадәр Татарстан башкаласы үзәгендә транспорт хәрәкәте чикләнәчәк. Бу хакта шәһәр дәүләт автоинспекциясендә хәбәр итәләр.

14-19 майда Татарстан башкаласында узачак «Россия — Ислам дөньясы: KazanForum» халыкара икътисади форумында Әфганстан бизнес-берләшмәсеннән 100гә якын вәкил катнашырга ниятли. Шул исәптән Ислам Республикасы татарлары да катнашачак.

Казанда май аенда түбән температура булу аркасында социаль объектларда – хастаханәләрдә, балалар учреждениеләрендә техник мөмкинлек булган очракта кабат җылылык бирергә карар иттеләр.

Агымдагы атнада Татарстанда тотрыксыз һава торышы сакланачак, республикага чираттагы салкыннар дулкыны килә. Бу ТР Гидрометеорология үзәге тараткан фараздан аңлашыла.

Бөтендөнья татар конгрессы Башкарма комитеты җитәкчесе Данис Шакиров фикеренчә, Изге Болгар җыенының төп максаты – халыкның рухи азык алуында. Бу хакта ул «Татар-информ»да матбугат очрашуында сөйләде.

Төркиянең Эрзурум шәһәрендә икенче сыйныфта укучы татар кызы Ахсен Селин Бастабан, Татарстанда өч ай булып кайтканнан соң, сыйныфташларын татар биюләренә өйрәткән. Бу хакта Төркиянең Анадолу агентлыгы хәбәр итә.

Омскида татар мәдәнияте һәм сәнгате өлкәсендәге казанышлар өчен өченче тапкыр оештырыла торган төбәк премиясенә гаризалар кабул ителә. Премия белән татар мәдәниятен, гореф-гадәтләрен, туган телне саклауга һәм үстерүгә зур өлеш керткән кешеләр билгеләп үтеләчәк. Бу хакта ВКонтакте социаль челтәрендәге «Омск татарлары» сәхифәсендә хәбәр ителә.

Бүген Татарстан Милли музеенда Бөек Ватан сугышында Җиңүнең 79 еллыгын бәйрәм итүгә багышланган «Байрак – Җиңү символы» традицион акциясе узды. Татар АССР территориясендә оештырылган һәм Берлинны штурмлауда катнашкан 146 укчы дивизиясенең 280 артиллерия полкы байрагын музей экспозициясенә почет каравылы алып чыкты. Бу турыда «Татар-информ» хәбәрчесе Александр Хевронин яза.

Бу атнада кояш активлыгының артуы галимнәр өчен көтелмәгән хәл булган. Бу хакта «Татар-информ»га Россия Фәннәр академиясенең космос тикшеренүләре институты космик плазма физикасы бүлегенең Кояш астрономиясе һәм гелиофизик приборлар төзү лабораториясе җитәкчесе Сергей Богачев сөйләде.

Татарстан мөфтиенең беренче урынбасары Илфар хәзрәт Хәсәнов «Изге Болгар җыены»нда «Тәүбә» чарасы – җәмәгать белән тәүбә кылу кульминацион мизгел булыр дип саный.

5 май көнне «Сөйдәш» мәдәният үзәгендә узган «Балачак» IV Халыкара вокал бәйге-фестиваленең гала-концертында «Яхшылык янәшә» хәйрия фонды җитәкчесе Радик Габдрахманов бишенче-юбилей сезоны тагын да масштаблырак һәм әһәмиятлерәк булачагын әйтте.

Татарстанның авыл хуҗалыгы һәм азык-төлек министры Марат Җәббаров хәбәр иткәнчә, быел хуҗалыкларда 4 бәхетсезлек очрагы булган, соңгысы үлем белән тәмамланган. Бу хакта ул ТР Министрлар Кабинетында узган брифингта сөйләде.

Казанда «Бердәм Россия Яшь гвардиясе» гуманитар үзәге эшли башлады, ул волонтерлар әзерләү белән шөгыльләнәчәк. Бу үзәктә пилотсыз оча торган аппаратлар белән идарә итүгә курсларын узарга мөмкин була. Тантаналы чарада «Бердәм Россия» партиясенең Татарстан бүлеге секретаре урынбасары Юрий Камалтынов чыгыш ясады.

19 майда Болгарда Идел буе Болгар дәүләтендә ислам динен рәсми кабул итү көненә багышланган «Изге Болгар җыены» тантаналы чарасы була. Чарада Татарстан Диния нәзарәте Гаилә һәм хәләл яшәү рәвеше елы кысаларында өч гаиләгә хаҗга юлламалар уйнатачак. Аларның Изге Болгар җыенында катнашуы шарт итеп куела.

Татарстан Дәүләт Советы Рәисе Фәрит Мөхәммәтшин «Татар-информ»га әтисе турында сөйләде, ул «Минем Герой – Минем гаилә» акциясенә кушылды.

Татарстанның авыл хуҗалыгы һәм азык-төлек министры Марат Җәббаров республика элеваторларында калган ашлык күләмен әйтте. Бу хакта ул ТР Министрлар Кабинетында узган брифинг барышында сөйләде.

19 майда Болгарда Идел буе Болгар дәүләтендә Ислам динен рәсми кабул итүгә багышланган «Изге Болгар җыены» тантаналы чарасы узачак. Быел бәйрәм «Россия – Ислам дөньясы: KazanForum» ХѴ халыкара икътисади форумының мәдәни программасы кысаларында була.

Татарстанның Санкт-Петербургтагы һәм Ленинград өлкәсендәге Даими вәкиллегендә Казан ханлыгы ханбикәсе Сөембикәгә багышланган күргәзмә ачылды. Бу хакта Даими вәкиллек матбугат хезмәте хәбәр итә.

Чиләбедә «Татар кызы. Нәни энҗеләр», «Татар егете. Нәни батырлар», «Татар кызы. Яз чәчәкләре», «Татар егете. Шаян батырлар», «Татар кызы» милли проектларының финалы була. Бу хакта ВКонтакте социаль челтәрендә «Чиләбе татарлары конгрессы» сәхифәсендә хәбәр ителә.