Новости за 09.05.2024

Бүген Зәйдә Җиңү бәйрәме уңаеннан үткәрелгән чараларда катнашучыларны солдат боткасы белән махсус операциядән кайткан хәрби сыйлады. Бу хакта «Зәй яңалыклары» сайтында Энҗе Әгъләмова яза.

21 майда Г. Камал исемендәге Татар дәүләт академия театры бинасында Татарстанның халык язучысы Әмирхан Еникинең тууына 115 ел тулуга багышланган искә алу кичәсе була. Бу хакта ТР Язучылар берлеге матбугат хезмәте хәбәр итә.

Николай Бауман исемендәге Казан дәүләт медицина ветеринариясе академиясенең Бөтенроссия коткаручы студентлар корпусы бүлеге вәкилләре Бөек Җиңү көне уңаеннан Казанның Меңьеллык мәйданында үткәрелгән кичке концерт барышында тәртипне саклауга үз өлешләрен кертә.

Россия мөселманнарының рухи лидеры, мөфти шәех Равил Гайнетдин Бөек Ватан сугышында Җиңүнең 79 еллыгында, Россия Федерациясе Президенты чакыруы буенча традицион рәвештә Кызыл мәйдан трибуналарында Җиңү Парадында катнашты.

2024 елның 6 маенда Кыргызстынның Жалал-Абад өлкәсе буенча «Идел» татар-башкорт мәдәни үзәгенең иҗтимагый берләшмәсе ярдәме белән Советлар Союзы герое Азимов исемендәге 13 нче урта мәктәптә шагыйрь Габдулла Тукайның туган көненә багышланган чара үтте, дип хәбәр итә Бөтендөнья татар конгрессы матбугат хезмәте.

Казанның Меңьеллык мәйданында Бөек Җиңү бәйрәме уңаеннан тантаналы чаралар көн буена дәвам итә. 18.00 сәгатьтә кичке концерт башланды. Бәйрәм тамашасында республика сәнгать әһелләре, музыкаль төркемнәр чыгыш ясаячак.

Татарстан мөфтие Камил хәзрәт Сәмигуллин Җиңү көне уңаеннан халыкка мөрәҗәгать итте, дип яза нәзарәт матбугат хезмәте.

Әлмәт драма театрында Бөек Ватан сугышында Җиңүнең 79 еллыгы уңаеннан тантаналы кабул итү булды. Чарада махсус операциядә катнашучыларны хөрмәтләделәр.

Яшел Үзәнгә Җиңү парадына Россия Финанс министры урынбасары Алексей Лавров килде. Ул Яшел Үзән мэры Михаил Афанасьев, РФ Дәүләт Думасы депутаты Илдар Гыйльметдинов һәм республика Дәүләт Советы рәисе урынбасары Юрий Камалтынов белән Мәңгелек утка чәчәкләр куйды.

Татарстан Рәисе Рөстәм Миңнеханов Казан Кремлендә Бөек Ватан сугышында Җиңүнең 79 еллыгы уңаеннан узган тантаналы кабул итүдә 9 Майны илнең төп бәйрәме дип атады һәм үткәндә күрсәткән батырлыкны хәзерге катлаулы геосәяси вәзгыять белән бәйләде.

Бүген кич һәм иртәгә Татарстанда һава шартларының шактый начарлануы көтелә. Бу хакта ТР Гидрометеорология үзәге кисәтә.

Татарстан Рәисе Администрациясе җитәкчесе Әсгать Сәфәров Казанда узган «Кара урман» хәрби драмасын премьера алдыннан күрсәтүгә килгән. Бу хакта республика җитәкчесе матбугат хезмәте хәбәр итә.

Менделеевск районында Җиңү көнен бәйрәм итүне махсус операциядә һәлак булган катнашучылар истәлегенә аллеяларда мемориаль объектлар ачудан башладылар. Биредә һәлак булган геройларның символы буларак «Күгәрченнәр» арт-объектлары урнаштырылды. Бу турыда «Татар-информ» хәбәр итте.

9 майда Башкортстан башлыгы Радий Хәбиров Уфаның Җиңү паркында Мишкә районында туган Бөек Ватан сугышы катнашучысы Гази Заһитовка һәйкәл ачу тантанасында катнашты. Бу хакта Бөтендөнья татар конгрессы хәбәр итә.

Бөек Ватан сугышында Җиңүнең 79 еллыгы уңаеннан Татарстан башкаласының ун билбордында ветераннарның фотолары урнаштырылды. Бу хакта Казан мэриясенең матбугат хезмәте хәбәр итә.

Россия Хөкүмәте Рәисе вазифаларын башкаручы Михаил Мишустин ветераннарны Бөек Ватан сугышында Җиңүнең 79 еллыгы белән котлады. Котлау тексты РФ Хөкүмәте рәсми сайтында басылып чыккан.

Бүген 100 яшьлек Бөек Ватан сугышы каһарманы Әсхәт Минһаҗетдинов Уфа шәһәрендә Җиңү көнен билгеләп үтә. Ул Җиңү парадында катнашты. Бу турыда Бөтендөнья татар конгрессы хәбәр итте.

Бүген Казан Кирмәнендә Жиңү бәйрәменә багышланган чаралар кысаларында Казан Кремлендәге «Туп сарае» ишегалдында «Җиңүне сурәтлибез» дип аталган иҗади акция узды.

Махсус хәрби операция зонасында хезмәт итүче Татарстан хәрбиләре Җиңү көне уңаеннан видеокотлау яздырып республика халкына мөрәҗәгать итте.

9 Май – халкыбызның ныклыгын, батырлыгын һәм патриотлыгын символлаштыручы бәйрәм. Туган илгә мәхәббәт, намус һәм бурычка тугрылык безнең халык өчен бар нәрсәдән өстенрәк. Бу хакта Татарстан Республикасы Президенты Рөстәм Миңнехановны Җиңү көне белән котлавында Россия Президенты эшләре белән идарә итүче Александр Колпаков белдергән.

Бүген Казанда «Ак Барс Арена» стадионының медиафасадында «Үлемсез полк» акциясенә кушылу максатыннан Бөек Ватан сугышы ветераннарының портретларын күрсәтәләр.

Җиңү көне – изге бәйрәм. Аның геройлары турында истәлек һәр гаиләдә саклана. Совет халкының батырлыгы турындагы хакыйкатьнең киләчәк буыннарга да тапшырылуы мөһим, дип белдерә Дәүләт Думасы Рәисе Вячеслав Володин ТР Рәисе Рөстәм Миңнехановка котлавында.

Безнең илдә Бөек Ватан сугышы кагылмаган гаилә юк. Бу хакта Россия Премьер-министры Михаил Мишустин Җиңү көне уңаеннан Татарстан Рәисе Рөстәм Миңнехановка котлау телеграммасында белдерде.

Россия Президентының Идел буе федераль округындагы Тулы вәкаләтле вәкиле Игорь Комаров Татарстан Рәисе Рөстәм Миңнехановны «Бөек Җиңү бәйрәме» белән котлады.

Казанда Бөек Ватан сугышында Җиңүнең 79 еллыгына багышланган хәрби парад сугыш чоры җырлары белән тәмамланды.