Новости за 22.05.2024

Бүген, 22 майда, хуҗалык җитәкчеләре катнашында «Чишмә» хуҗалыгында булып узган семинар-киңәшмә нәкъ тә мал баш санын саклауга багышланды да инде. Бу хакта «Актаныш» сайтында Ләйсән Газизова яза.

Казанда «Киноҗәй» проектының яңа сезоны башланды. Шәһәр халкы Аксенов скверында, Горький паркында һәм торак комплекслар территорияләрендә ачык һавада фильмнар һәм мультфильмнар карый алачак. Бу хакта Казан мэриясе матбугат хезмәте хәбәр итә.

Татарстан тормыш сыйфаты буенча Россиянең иң яхшы 5 төбәге арасына керде. Беренче бишлектә Мәскәү, Санкт-Петербург, Төмән өлкәсе, Ханты-Манси автоном округы һәм Татарстан. Бу хакта Стратегик инициативалар агентлыгының күзәтү советы утырышында агентлыкның генераль директоры Светлана Чупшева белдерде, дип хәбәр итә ТАСС.

Татарстан Рәисе Рөстәм Миңнеханов Мәскәүдә Бәһрәйн короле Хәмад бен Исә Әл Халифә белән очрашты, ул бүген Россиягә Президент Владимир Путин чакыруы буенча эш сәфәре белән килде. Бу хакта ТР Рәисенең матбугат хезмәте җитәкчесе Лилия Галимова хәбәр итә.

Татар эстрадасы йолдызлары аллеясы Казанның Бауман җәяүлеләр урамына июнь аенда, ремонт эшләре тәмамланганнан соң кайтарылачак. Бу хакта «Миллиард.Татар» яза.

Россия Президенты Владимир Путин Стратегик инициативалар агентлыгы махсус премиясен булдырырга тәкъдим итте, аны ил һәм җәмгыять өчен югары кыйммәткә ия булган проект лидерларына тапшырачаклар. Бу хакта ул «Яңа проектларны алга этәрү буенча Стратегик инициативалар агентлыгы» коммерцияле булмаган автоном оешмасының Күзәтчелек советы утырышында әйтте, дип хәбәр итә Кремль матбугат хезмәте.

КФУның Журналистика һәм медиакоммуникацияләр югары мәктәбе деканы Леонид Толчинский Татарстан Журналистлар берлегенең XXI съездында мәгариф өлкәсендәге үзгәрешләр һәм аларның уку-укыту эшчәнлегендәге йогынтысы турында сөйләде.

Җир кишәрлекләре хуҗаларына өч ел дәвамында булган җирләрен куллана башларга йөкләмә биреләчәк. Росреестрның тиешле закон проекты закон проектлары эшчәнлеге буенча Хөкүмәт комиссиясе тарафыннан хупланган, дип яза «Ведомости».

Кушма Штатлар Дәүләт секретаре Энтони Блинкенның Иран Президенты Эбраһим Рәисинең үлеменә шатлануына ышану авыр. Бу хакта Россия лидерының матбугат сәркатибе Дмитрий Песков әйтте. Спикер сүзләренчә, мондый белдерүләрне уңайсыз һәм тупас дип атарга мөмкин.

«Казанские ведомости» газетасының баш мөхәррире, Татарстан Республикасы басма продукциясен нәшер итүчеләр һәм таратучылар ассоциациясе президенты Венера Якупова Татарстан Журналистлар берлегенең XXI съездында Татарстанда басма тармагы проблемалары турында сөйләде.

КФУның Журналистика һәм медиакоммуникацияләр югары мәктәбе деканы Леонид Толчинский Татарстан Журналистлар берлегенең XXI съездында белем бирү эшчәнлегеннән алган керем турында сөйләде.

Татарстан вице- премьеры - Татарстан Республикасының Россия Федерациясендәге Тулы вәкаләтле вәкиле Равил Әхмәтшин Мәскәүдә Иран Илчелегендә булды. Әхмәтшин авиаһәлакәттә Президент Ибраһим Рәиси, Тышкы эшләр министры Хөсәен Әмир Абдоллахиян һәм алар даирәсендәгеләр һәлак булу сәбәпле, гадәттән тыш һәм Тулы Вәкаләтле илче Казем Җәләлигә һәм Иранның барлык дус халкына татарстанлылардан кайгы уртаклашу һәм ярдәм сүзләрен белдерү өчен кайгы уртаклашу китабында язма калдырды.

Бүген төнлә, шулай ук 24 майда Татарстанда урыны белән кырау төшүе көтелә. Бу хакта республиканың Гидрометеоүзәгендә кисәттеләр.

Узган атнада Казанга Россиянең 77 төбәгеннән барлыгы 1000нән артык дин әһеле җыелды. Җыенның пленар утырышында Россия мөселманнары Дини Мәҗлесе рәисе, Мәскәү шәһәре, Үзәк төбәк һәм Чувашия республикасы мөфтие Әлбир хәзрәт Крганов чыгыш ясап, үз фикерләре белән уртаклашты.

Тележурналист, Татарстан Журналистлар берлегенең Әлмәттәге бүлекчәсе рәисе Наилә Әл-Айюби Татарстан Журналистлар берлегенең XXI съездында Татарстан Журналистлар берлеге әгъзаларының районнарда тәҗрибә уртаклашу, очрашулар уздыру мөмкинлеген булдыруны сорады.

Яңа төшереләчәк «Күперләр янганда» фильмы режиссеры Ника Пэрак татар фильмнарын бөтен дөньяга таныту теләге турында әйтте. Бу хакта ул фильмга багышланган матбугат очрашуында сөйләде.

«Максат» татар яшьләре лидер мәктәбе беренче тапкыр Ульяновск шәһәрендә узган. Бу хакта Бөтендөнья татар конгрессы хәбәр итә.

2025 елда Киров Бөтенроссия авыл Сабантуен уздыру урыны булачак. Бәйрәм программасы агымдагы елның 1 июненә кадәр әзерләнә, дип хәбәр итә Киров өлкәсе Хөкүмәте.

Татарстанның атказанган сәнгать эшлеклесе, драматург Раушан Шәриф фикеренчә, татар классикасында ир-атлар мескенрәк итеп күрсәтелә. Бу фикерен ул «Күперләр янганда» яңа татар фильмына багышланган матбугат очрашуында әйтте.

Илкүләм югары белем бирү системасы әкренләп яңартылачак. Билгеләнгән үзгәрешләр бакалавр дипломын алган яки хәзерге вакытта бакалавр программалары буенча белем ала торган кешеләр өчен бернинди зыян китерми. Бу хакта «Татар-информ» мәгълүмат агентлыгына ТР Мәгариф һәм фән министрлыгының матбугат хезмәтендә хәбәр иттеләр.

Россия Израиль белән Палестина арасындагы конфликтны ике дәүләтле чишелеш юлы белән җайга салырга кирәк дип саный. Мондый позиция эзлекле һәм транспарент булачак, дип сөйләде РФ Президентының матбугат сәркатибе Дмитрий Песков. Элегрәк журналистлар белән очрашу вакытында аннан Европа илләренең Палестинаны тану нияте турында сорадылар.

Бүген танылган сәясәтче һәм җәмәгать эшлеклесе, Татарстан Республикасы Дәүләт Советы Рәисе Фәрит Мөхәммәтшин үзенең туган көнен билгеләп үтә, аның 30 елга якын хезмәт биографиясе парламент эшчәнлегенә багышланган. Бу турыда Татарстан Дәүләт Советы матбугат хезмәте хәбәр итте.

Казанның Вахитов районы суды Буа дәүләт драма театры директоры Раил Садриевка чикләү чарасы билгеләде. Аны вазифаи вәкаләтләрен арттыруда гаеплиләр. Бу турыда «Татар-информ» хәбәрчесе Дмитрий Шатров яза.

Минзәлә районы суды Татарстанның элекке мәгариф һәм фән министры һәм Актаныш районының элеккеге башлыгы Энгель Фәттаховка карата чикләү чарасы билгеләде. Аны ришвәт алуда гаеплиләр. Фәттаховны 2 айга сак астына алдылар. Бу хакта «Татар-информ»га Минзәлә судының матбугат хезмәтендә хәбәр иттеләр.

Татарстан Рәисе Рөстәм Миңнеханов ТР Дәүләт Советы Рәисе Фәрит Мөхәммәтшинны туган көне белән котлады — бүген Татарстан парламенты спикерына 77 яшь тулды.