Новости за 26.05.2024

Әлмәттә Р.Фәхреддин исемендәге гимназиянең үзенә генә хас хозурлык, тантана белән узучы «Сөембикә» бәйгесе татар җанлы яшьләребезне, милләттәшләребезне янәдән бергә җыйды. Бу хакта «Әлмәт таңнары» сайтында Резеда Исмәгыйлева яза.

Чирмешән районы лагерьларында 700 бала ял итәчәк. Җәйге каникул чорында «Кояшлы» ял һәм сәламәтләндерү лагереның дүрт сменасында 195 бала була. Бу хакта «Безнең Чирмешән» сайтында Кадрия Гамирова яза.

Түбән Кама Туфан Миңнуллин исемендәге Татар дәүләт театрында «Утырып сөйләшик» дип аталган әдәби-музыкаль кичә үтте. Кичәдә талгын милли музыка астында Алмаз, Нурсанә башкаруында Рәдиф Гаташ, Рәсимә Нәбиуллина, Гөлинә Шәйхинең лирик шигырь юллары яңгырады. Бу хакта https://nkamsk-rt.ru/ сайтында Рушания Габбасова яза.

Россия Президенты Владимир Путин яңа атнаны Үзбәкстанда башлый. Дәүләт сәфәре бүген башлана, ә дүшәмбе сөйләшүләрне дәвам итү планлаштырыла. Дәүләт башлыгының атналык графигы турында «Мәскәү. Кремль. Путин» тапшыруында белдерелде. Журналист Павел Зарубин Телеграм-каналында тапшырудан өзек куйды.

Microsoft корпорациясе киләсе 2025 елның 14 октябрендә Windows операцион системасы эшен туктата. Бу хакта компания сайтында хәбәр ителә.

Башкорт язучысы, Башкортстан Республикасының Язучылар берлеге рәисе, Корылтай депутаты Айгиз Баймөхәммәтов Салават Юлаев ордены белән бүләкләнде. Бу турыда «Казан утлары» журналы хәбәр итте.

Чиләбе шәһәрендә Зәйнулла ишан Рәсүлев исемендәге дини үзәктә ислам нигезләрен өйрәнүче кызлар төркемендә дәресләр тәмамланды. Укуда уңышлары өчен иң лаеклыларга үзәк җитәкчелегеннән грамоталар тапшырылды. Бу хакта Россия мөселманнары Дини җыены матбугат хезмәте хәбәр итә.

Татарстанда ике төн рәттән, 27 һәм 28 апрельдә кабат һава температурасы төшәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

22 май көнне Башкортстанның Чишмә район мәдәният йортында республика күләмендә өлкән яшьтәгеләр өчен «Мин тормышны яратам» дигән фестиваль үткәрелде. Бу турыда Башкорстан татарлары конгрессы «ВКонтакте»да сәхифәсендә хәбәр итте.

Гидрометеорология үзәге Татарстанда урманнарда янгын куркынычы югары булуы турында шторм кисәтүе игълан итте.

Самара өлкәсенең Яңа Усман авылында «Әүлия» чишмәсе янында Гаилә бәйрәме узды. Бу турыда Самара татарлары сайтында хәбәр ителә.

Балаларны яклау көне уңаеннан Тинчурин театры «Былтыр маҗаралары» интерактив спектаклен тәкъдим итә. Премьера 31 майда 11.00 сәгатьтә билгеләнгән.

Төмән өлкәсе Тубыл шәһәрендә «Себер-татар мәдәнияте үзәге» муниципаль автономияле мәдәният учреждениесе иҗат коллективларының һәм клуб берләшмәләренең хисап концерты булды. Бу хакта Вконтакте социаль челтәрендәге «Себер-татар мәдәнияте үзәге» сәхифәсендә хәбәр ителә.

«Каравон» рус халык бәйрәме елдан-ел матурая бара. Бу хакта Татарстан Рәисе Рөстәм Миңнеханов бәйрәмне ачу тантанасында белдерде. Бу турыда «Татар-информ» хәбәрчесе Александр Хевронин яза.

Татарстанда ике төн рәттән, 27 һәм 28 майда кабат һава температурасы төшәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Татарстан Рәисе Рөстәм Миңнеханов бүген Лаеш районы Никольское авылында «Каравон-2024» рус халык бәйрәмендә декоратив-гамәли сәнгать күргәзмәсен һәм халык-сәнгать кәсебе белән шөгыльләнүчеләрнең эшләрен карады. Бу турыда «Татар-информ» хәбәрчесе Александр Хевронин яза.

Майда 80 яшь тулган кешеләр, теркәлгән түләүне ике тапкыр арттыру хисабына, июньдә картлык буенча югары пенсия алачак. Бу хакта «Парламент газетасы» искәртә.

Минзәлә театры Равил Сабыр пьесасы буенча «Син генә җитмәгән идең!» комедиясен чыгарды. Драматургның 13 ел элек язылган әлеге пьесасы беренче мәртәбә дәүләт театрында куела.

Чиләбедә беренче Сабан туе 25 майда узды. Төбәктә язгы кыр эшләрен тәмамлануга багышланган 23 чара планлаштырылган. Бу хакта Бөтендөнья татар конгрессы матбугат хезмәте «Чиләбе өлкәсе татар конгрессы»на сылтама белән хәбәр итә.

Татар меценаты Сара Садыйкованың нәсел йорты булган Әхмәтша бабай йортына мемориаль такта куярга тели.

Бүген Татарстан Республикасы Рәисе Рөстәм Миңнеханов Лаеш муниципаль районында эш сәфәрендә. Ул Караеш авылындагы аэродромда булды, «Академия 033» авиация уку үзәге эшчәнлеге белән танышты. Бу - коммерциячел, эшлекле һәм шәхси авиация өчен авиация белгечләре әзерләү үзәге. Төп юнәлеше инженер-техник состав белгечләренең квалификациясен арттыру. Бу турыда Татарстан Рәисе матбугат хезмәте хәбәр итте.

Татарстан Премьер-министры Алексей Песошин фармацевтика, нефть эшкәртү, химия һәм нефть химиясе сәнәгате хезмәткәрләрен Химиклар көне белән котлады. Республиканың гасырларлар дәвамындагы данлыклы фәнни традицияләре һәм илнең икътисади үсешен тәэмин итәргә мөмкинлек бирә торган югары сәнәгать потенциалы бар, дип билгеләп үтте ул.

Кичә, 25 майда, Россия Президентының Идел буе федераль округындагы Тулы вәкаләтле вәкиле Игорь Комаров 60 яшьлек юбилеен бәйрәм итте.

Татарстан Рәисе Рөстәм Миңнеханов Телеграм-каналына һәм «ВКонтакте» социаль челтәрендәге сәхифәсенә язылучыларына «Каравон» рус халык бәйрәме турында искә төшерә. Ул бүген билгеләп үтелә.

«Шәрыкъ клубы»нда ТАССРның атказанган артисты Әлфия Айдарскаяның туган көне билгеләп үтелде – күренекле шәхескә 99 яшь тулды.