ბელა ჩეკურიშვილი: არ მინდა ისეთ კონკურსში მონაწილეობა, სადაც ხელისუფლება მწერლობის გაკონტროლებას ცდილობს
0
News. ge გთავაზობთ პოეტისა და პროზაიკოსის, გერმანისტის ბელა ჩეკურიშვილის სტატუსს:
“ლიტერატურული პრემიები თუ კონკურსები რომ ყოველთვის სუბიექტურია, ამას არასდროს ვაპროტესტებ, რადგან ვთვლი, რომ ჭეშმარიტება, როგორც ასეთი, არ არსებობს და რეალობის აღქმაც ყოველთვის სუბიექტურია.
და ამავე სუბიექტური აღქმის გამო ვიტყვი, რომ არ მინდა ისეთ კონკურსში მონაწილეობა, სადაც ხელისუფლება მწერლობის გაკონტროლებას ცდილობს.
მინდა, რომ “ლიტერა” თავისუფალი კონკურსი იყოს. და თუ ვიჩხუბებთ, კონკურსანტებმა ვიჩხუბოთ ერთმანეთში…
ამიტომ ვხსნი ჩემს კანდიდატურას წლევანდელი კონკურსიდან.
და თუ ვინმე გულში იტყვის, რომ მე და ჩემისთანებს კალთებს არავინ დაგვახევს, ალბათ მართლები იქნებიან, უბრალოდ, მე მათ გვერდით არ ვიდგები…”.
შეგახსენებთ, რომ კონკურს „ლიტერას“ თეა წულუკიანის მიმართ პროტესტის გამო უკვე რამდენიმე კონკურსანტი გამოეთშა.
ცნობისათვის, “ლიტერა“ კულტურის სამინისტრომ და მწერალთა სახლმა 2015 წელს დააარსა. მას შემდეგ პრემიას სხვადასხვა ნომინაციაში ყოველ წელს გასცემენ.