Новости за 22.02.2019

Венесуэланын президенти Николас Мадуро өлкөгө чет элден гуманитардык жардамдын киришине жол бербеш үчүн Бразилия менен чек арасын жапты. Буга чейин ушундай эле максатта Колумбия менен чек ара жабылган.  Жакында Мадуронун бийлигин таануудан АКШ жана башка бир нече мамлекет баш тарткан.  Негизинен Венесуэланын тургундары үчүн АКШдан жиберилген тонналаган азык-түлүк жана дары-дармектер учурда чек арага жакын жердеги Колумбиянын Кукута шаарындагы кампаларда сакталууда.   Мадуро өлкө эли "кайырчы... Читать дальше...

Казакстан Кыргызстандагы эки суу сактагычка видео көзөмөл орнотууну сунуш кылган. Бул тууралуу бүгүн "Республика - Ата-Журт" фракциясынын жыйынында айыл чарба министри Нурбек Мурашев билдирди.  Анын айтымында, казак делегациясы менен болгон февраль айындагы жолугушуу учурунда эки тарап жазгы сугат иштери тууралуу кеп курган. Анда казак тарап агызылып жаткан суунун көлөмүн түз эфирде көрүп туруу максатында Орто-Токой жана Киров суу сактагычтарына видеокамера орнотууну сунуш кылган. Кыргыз тарап мындай сунушка макул болбой турганын айткан. Читать дальше...

Бүгүн, 22-февралда Кыргызстандын премьер-министри Мухаммедкалый Абылгазиев буйрукка кол коюп, жүктөлгөн милдеттерин талаптагыдай аткарбаганы үчүн саламаттык сактоо министри Космосбек Чолпонбаевге, Экологиялык жана техникалык коопсуздук боюнча мамлекеттик инспекциянын директору Жолдошбек Жунушевге, Миграция боюнча мамлекеттик кызматтын төрагасы Болотбек Ибраимжановго, Айлана-чөйрөнү коргоо жана токой чарба мамлекеттик агенттигинин директору Абдыкалык Рустамовго эскертүү берди. Бул маалыматты өкмөттүн басма сөз кызматы таратты. Читать дальше...

Жогорку Кеңештин депутаты Аида Исмаилова Бишкек ШИИБинин убактылуу кармоочу жайында эки өспүрүм мыйзамсыз кармалып турганын 21-февралда билдирген. Ал бул боюнча ИИМ кызматкерлеринен түшүндүрмө талап кылган.  Анын маалыматына ылайык, 12-февралда Октябрь райондук ички иштер бөлүмүнүн тергөөчүлөрү 16 жана 17 жаштагы эки өспүрүмдү убактылуу кармоочу жайга камап, 48 сааттын ичинде аларды сотко алып келбей койгон.  Депутат Аида Исмаилова бул окуя боюнча тергөөчүлөрдүн жана прокурорлордун жоопкерчилиги... Читать дальше...

Коопсуздук кеңешинин тоо-кен тармагы боюнча чечимдери анда иштеген ишкерлерди жана инвесторлорду тынчсыздандырууда.

Америкалык аскерлер чыгарылгандан кийин Сирияда кайсы бир убакытка чейин 200 жоокерден турган "анча чоң эмес тынчтык орнотуучу топ" калат.  Бул тууралуу бейшембиде Ак үйдүн басма сөз катчысы Сара Сандерс билдирип, муну "Сириядагы тынчтыкты коргоо аракети" катары түшүндүрдү.  АКШ президенти Дональд Трамптын бул чечими бейшембинин кечинде ал түркиялык кесиптеши Режеп Тайып Эрдоган менен телефон аркылуу сүйлөшкөндөн кийин белгилүү болду.  Мындай кадам АКШнын эл аралык коалициядагы европалык өнөктөштөрүнө... Читать дальше...

Айыл чарба министрлигинде иштеген беш миң кызматкерди беш жүзгө чейин кыскартса болот. Бул тууралуу Жогорку Кеңеште өтүп жаткан органикалык айыл чарбасынын абалын өнүктүрүү боюнча конференция учурунда Кыргызстандагы Күнөсканалар ассоциациясынын төрагасы Тилек Токтогазиев билдирди. - 2017-жылы Айыл чарба министрлигине 1 млрд. 700 млн. сом бөлүнүптүр. Анда 5 миң киши иштейт. Биз коммунизмден капитализмге 1991-жылы өттүк элек, бирок министрликте коммунизм калып калгандай эле болуп көрүнөт. Ал жакта 5 миң киши эмне кылып жатканын билбейбиз. Читать дальше...

Пара менен кармалганы кабарланган транспорт министринин орун басары Азимкан Жусубалиевдин иши боюнча тергөө уланууда. Бул тууралуу "Азаттыкка" Улуттук коопсуздук боюнча мамлекеттик комитеттин (УКМК) басма сөз кызматы кабарлады. 2018-жылдын 5-декабрында министрдин орун басары Азимкан Жусубалиев 50 миң доллар пара менен кармалганы кабарланган. Андан кийин Коопсуздук кеңешинин жыйынында президент Сооронбай Жээнбеков бул окуя үчүн мурдагы министр Жамшитбек Калиловду катуу уяткарган. Көп өтпөй министр өз арызы менен кызматтан кеткен. Читать дальше...

Башкы прокуратура мамлекеттик кызматкерлердин декларациясын текшерип бүттү.

Орусиянын тышкы иштер министринин орун басары Сергей Рябков европалыктар INSTEX боюнча Ирандын алдында өз милдеттемелерине бекем турарына үмүт артарын билдирди.

Ливандын Al-Binaa гезити ливандык саясатчы Вафик Ибрагимдин “Америкалыктар ИШИМди Ирандын айланасына көчүрүүнү баштадыбы?” деген макаласын жарыялады.

Картөшкө боюнча Кыргызстандын Айыл чарба министрлиги Казакстанга кат жөнөтөт. Казакстан бул маселени саясатка айлантып жатат. Бул тууралуу айыл чарба министринин орун басары Эркинбек Чудуев билдирди: - Буга чейин "картөшкөдөн курт чыкты" деген бир да эскертүү болгон эмес, нота берилген эмес. Азыр картөшкө чыга турган убакта ушундай чечим чыгарууда. Казакстан бул маселени саясатка айландырып жатат.  Бүгүн Кыргызстандын Айыл чарба министрлиги, министрликтин карантин департаменти, ошондой эле Экспортерлор... Читать дальше...

Тажик бийлиги Сирия менен Ирактагы аялдар менен балдарды кайтара турганын жарыялады.

Бомба коюу менен чагымчылык жаратууга аракет кылып жатышкан 2 террордук топтун элементтери аныкталды.

Кыргызстандын тышкы иштер министри Чыңгыз Айдарбеков Кытайдагы расмий сапарынын алкагында бул өлкөнүн Өнүгүү жана реформалар боюнча мамлекеттик комитетинин төрагасы Хэ Линфэн менен жолукту. Бул тууралуу министрликтин басма сөз кызматы кабарлады. Жолугушуунун алкагында министрлер экономика жана инвестиция жаатындагы эки тараптуу кызматташтык жөнүндө баарлашып, Кытайдын "Бир куур - бир жол" долбоорунун алкагындагы долбоорлорду ишке ашырууну талкуулашты.  21-февралда Чыңгыз Айдарбеков Кытайдын коммерция министри Чжун Шань менен жолуккан. Читать дальше...

Европада бозгунда жүрүп, өткөн жумада Дүйшөмбүгө "өз эрки менен кайтып келгени" айтылган тажик оппозиционери камакка алынганы кабарланууда.

Жогорку Кеңештеги КСДП фракциясында Алмазбек Атамбаевди колдогондор азчылыкты түзөт. Бул тууралуу партиянын төрагасынын орун басары Асел Кодуранова "Азаттыктын" кабарчысынын суроолоруна жооп берип жатып билдирди. - Бүгүн Жогорку Кеңештеги КСДП фракциясында экс-президент Атамбаевди колдогондор азчылыкты түзүп калды. Бизди колдогондор көп, бирок кайсыл бир жагдайлардан улам алар аны ачык билдире албай жатат.  Жогорку Кеңештин депутаты Ирина Карамушкина Атамбаевди колдогондорго карата кысым көргөзүлүп... Читать дальше...

Ирандын тышкы иштер министрлигинин басма сөз катчысы Бангладештеги көп сандаган адамдардын курмандыгына алып келген өрткө байланыштуу бул өлкөнүн өкмөтүнө жана элине көӊүл айтты.

Бүгүн, 22-февралда КСДПнын лидери, Кыргызстандын экс-президенти Алмазбек Атамбаев партияны бир күнү башка бирөөгө өткөрүп берерин айтты.  - Атамбаев дайыма эле партияны башкарбайт. Мамлекетти башкаргандай эле бир күнү партияны да өткөрүп берем. Бирок партияны ким башкарса да мен ишенем, партия өзүнүн духун, жүрөгүн сактап калат, - деди Алмазбек Атамбаев.  Атамбаев басма сөз жыйындын ачылышына гана катышып, жакынкы эки-үч ай ичинде партияда бир катар өзгөрүүлөр болорун айтты. Бишкекте Кыргызстан... Читать дальше...

Баткендеги прокурордун өлүмү боюнча ишти президент Сооронбай Жээнбеков жеке көзөмөлүнө алмай болду. Мындай маалыматты Баткен облусунун прокурорунун өлүмүнө шектүү катары кармалып турган Мелис Калыковдун апасы Гүлбара Абдирашитова 22-феварлда “Азаттык” радиосуна билдирди. Анын айтымында, Мелис Калыковдун жакындары Сооронбай Жээнбековго 20-февраль күнү кайрылган. Бул күнү президент Кадамжай районунун жашоочулары менен жолугууга барган.  Кайрылууда бул иш боюнча акыйкат тергөө жүрбөй, шектүүнү кармоо... Читать дальше...

Улуттук коопсуздук боюнча мамлекеттик кызматынын Коррупцияга каршы кызматы (АКС) Бишкек шаарынын жана Жогорку соттун судьяларына кылмыш иши козголгонун кабарлады. Алардын чет элдик инвесторлордун жерин жана кыймылсыз мүлк объектилерин рейдерлик жол менен басып алууга тиешеси бар айрым кылмыштуу топтордун кызыкчылыктарына карата сот адилеттигине жатпаган чечим чыгарганы аныкталган. 2019-жылдын 8-февралында Башкы прокуратура Бишкек шаардык сотунун иштеп жаткан үч сотуна карата жана Жогорку соттун... Читать дальше...

Сузак районунун борборунда жана Жалал-Абад шаарында “Оюн клубу” деген атты жамынып алып, Интернет аркылуу кумар оюндары ойнотулган жай аныкталды. Бул тууралуу облустук милициянын басма сөз кызматы “Азаттыкка” билдирди. Ички иштер кызматкерлери кумар оюндарын уюштурган көмүскө жайларга тинтүү жүргүзүп, Сузактан тогуз компьютер, Жалал-Абад шаарынан 11 компьютер далил буюм катары алынып, тийиштүү экспертизалар дайындалды. Кылмыш-жаза кодексинин 212-беренеси менен ("Кумар оюндарын өткөрүү үчүн көмүскө жайды уюштуруу же күтүү... Читать дальше...

Өрттө балдарын куткарууга аракет кылган ата-эненин да жаралангандыгы жана дарылануу үчүн ооруканага жаткырылгандыгы маалымдалды.

Кыргыз өкмөтү “1992-жылдан 2000-жылга чейин берилген мамлекеттик зайымдык каражаттар боюнча карыздарды жөнгө салуу жөнүндө" мыйзам долбоорун Жогорку Кеңешке жөнөттү. Бул тууралуу маалымат парламенттин сайтында жарыяланды. Долбоордун маалыматтык негизинде жазылгандай, мыйзам кабыл алынса 25 ишкананын аталган жылдарда алган 2 млрд. 204 миллион сом карызы кечилет. Анын ичинен негизги сумма 1 млрд. 324 миллион сомду, пайыздар 676 миллион 647 миң сомду түзөт. Калган 203 миңден ашык сумма айыппул экени белгиленген. Читать дальше...

С. Лавров: Көз карандысыз бир өлкөгө кийлигишүү БУУнун белгилеген негиздерине каршы турат.