Новости за 22.11.2021

Казакстандын Алматы шаарында 28 жаштагы келин үч баласы менен тогузунчу кабаттан боюн таштады. Төртөө тең жеринде көз жумганын шаардык полиция департаментинин маалымат кызматы билдирди. "Окуя «Жетысу» кичи районундагы көп кабаттуу үйлөрдүн биринде болгон. 28 жаштагы келин алты, беш жана эки жашар балдары менен кошо секирген. Келин жана эки бала ошол жерден көз жумган. Ал эми бир бала тез жардам автоунаасында үзүлдү", - деп жазылат полициянын билдирүүсүндө. Күбөлөрдүн айтымында, келин алгач үч баласын ыргытып, анан өзү боюн таштаган. Читать дальше...

Расмий бийликтин маалыматына караганда, Армениянын мурдагы президенти Серж Саркисянга жемкорлук боюнча жаңы кылмыш иши ачылды. Бул маалыматты анын адвокаты Амрам Макинян дагы ырастады. Анын айтымында, иш Сильва аттуу аялдын Саркисянга каршы берген көрсөтмөсүнө байланыштуу козголгон. Макинян айтып жаткан ишкер аял Сильва Амбарцумяндын ысымы Армениянын дагы бир мурдагы президенти Роберт Кочарянга каршы коррупциялык иште да аталган. "Ошол иштин алкагында Серж Саркисян эки жыл мурда күбө катары суралган. Читать дальше...

Ош шаары менен Папан айыл өкмөтүн байланыштырган негизги жолдогу көпүрө 11-ноябрдан тарта колдонулуп баштады. Бул тууралуу "Азаттыкка" айыл өкмөттүн башчы Нурзаман Алимбеков билдирди. Анын айтымында, көпүрөнү курууга 5 миллион сом жумшалып, аны Транспорт жана коммуникациялар министрлиги бөлгөн. Жаңы көпүрө 15 тоннага чейин жүк көтөрөт. Ак-Буура дарыясынын үстүндөгү көпүрө 11-октябрда көмүр ташыган автоунаа өтүп бара жаткан кезде урап, жүк ташыган машине сууга түшүп кеткен. Айдоочу менен жүргүнчү аман калган. Читать дальше...

Вашингтон орус аскерлеринин украин чек арасына жакын аймактарга топтолуп жатышына тынчсыздануусун билдиргенден кийин Москва кескин жооп кайтарды. Ишембиде украин чалгын кызматы Орусия чек арага 92 миңден көп аскерин жайгаштырганын, жыл башында сокку урууга даярданып жатканын билдирген. 21-ноябрда Кремлдин басма сөз катчысы Дмитрий Песков Батыш жок жерден "чыңалууга" жем таштап жатканын билдирди. Мамлекеттик телеканал тартуулаган комментарийде Песков "өз куралдуу күчтөрүн океандын аркы жагынан алып... Читать дальше...

UFC чемпиону Валентина Шевченко бүгүн Бишкектеги күйөрмандарына жолугуп, кызыктырган суроолорго жооп берип, ой-пикири менен бөлүштү.

UFC уюмунун аялдар арасындагы эң жеңил салмактагы чемпиону, кыргызстандык Валентина Шевченко 21-ноябрда Кыргызстанга келген. 22-ноябрда күйөрмандары менен жолугуп, жеке жашоосу, спорт жана башка суроолорго жооп берди.  Валентина Шевченко UFC уюмунун аялдар арасындагы эң жеңил салмактагы чемпиондук наамын 2018-жылдын 9-декабрында польшалык Йоанна Ежейчикти жеңгенден кийин алган. Андан бери алты жолу чемпиондук курун ийгиликтүү коргой алды.

Европа Биримдигинин жана Борбор Азия мамлекеттеринин тышкы иштер министрлеринин 17-жолугушуусунда Ооганстандагы кырдаалга көңүл бурулду. Тажикстандын баш калаасы Дүйшөмбү шаарында 22-ноябрда өткөн жыйында Ооганстандагы окуялардын чөлкөмдөгү ыктымалдуу кесепети да талкууланды. Катышуучулар ооган жергесинде кыз-келиндердин, этникалык топтордун, балдардын, жалпы адам укуктарын, эркиндиктерин сактоого чакырышты. Жолугушууга Кыргызстандын, Казакстандын, Өзбекстандын, Түркмөнстандын, Тажикстандын тышкы иштер министрлери... Читать дальше...

Кыргызстандагы жалгыз аялдар абагы Чүйдүн Степное айылында жайгашкан. Бул жердеги аялдардын 25% "Киши өлтүрүү" беренеси менен соттолгон. Расмий маалыматта алардын жарымынан көбү күйөөсүн же зомбулук көрсөткөн башка адамды өлтүрүп алгандар. Соңку алты жылда 100дөн ашык аял үй-бүлө зомбулугунун курмандыгы болгон. Ошол эле учурда ушунча аял күйөөсүн же зомбулук көрсөткөн тарапты өлтүргөнү үчүн соттолгон.

Кыргызстандын Министрлер кабинетинин төрагасы Акылбек Жапаров менен Орусиянын өкмөт башчысы Михаил Мишустин Кыргызстанга билим берүү мекемелерин куруу долбоорун эртерээк баштоо маселесин сүйлөшүштү. Жапаров Мишустин менен Москвадагы иш сапаранынын алкагында 22-ноябрда жолугушту. Расмий кабарда бул жааттагы сүйлөшүүнүн чоо-жайы толук маалымдалган жок. Быйыл февралда президент Садыр Жапаров Орусияга барганда Москва Кыргызстанга орусча окута турган 44 мектеп курууга убада берген. Министрлер кабинетинин... Читать дальше...

Президент Садыр Жапаров Сокулуктагы «Ак-Ордо-3» конушунун тургундарына «кызыл китептер» 2022-жылдын май айына чейин берилерин айтты. Москвада «Бүтүн Кыргызстан» партиясынын тарапташтары кармалып, полиция аларга уруксат берилбеген акция уюштурду деген айып койду. АКШда майрамдык парадга чыккандарды машине сүзүп, беш киши каза болду.

«Талибан» кыймылы (Кыргызстанда тыюу салынган) Ооганстанда телекөрсөтүүгө чыккан аялдар үчүн жаңы эрежелерди киргизди. Кыз-келиндерге телесериалдарга тартылууга тыюу салынды. Ооган аялдары жана укук коргоочулар чет элдик өкмөттөр менен эл аралык уюмдарды талибдер менен жолугушууга эркектерден гана турган делегацияларды жиберип жатканын сынга алышууда. Жаңы эрежелер жарыяланды Ооганстандагы "Талибан" өкмөтү кабыл алган жаңы эрежеге ылайык, эми мындан ары журналист айымдар менен алып баруучулар экранга бети-башын жаап чыгууга тийиш. Читать дальше...

Ош облусунда тоннасы 3000 сомдон көмүр сатыла баштады. Бул тууралуу президенттин Оштогу өкүлчүлүгү 22-ноябрда билдирди. Көмүр Өзгөн ройонунун 15 жаш айылындагы кенден ташылат. Мекеменин маалыматында арзандатылган көмүр ар бир райондо буга чейин уюштурулган социалдык базаларда сатылууда. Алар төмөндөгү даректерде: Ноокат району — Мирмахмудов айыл өкмөтү, аэропорт участкасы жана Кулатов айыл өкмөтү, Абшыр-Ата айылы; Кара-Суу району — Жоош айыл өкмөтүнүн имараты жана Сарай айыл өкмөтүнүн имараты; Кара-Кулжа району ... Читать дальше...

Нарындагы №33 шайлоо округунан Жогорку Кеңештин депутаттыгына талапкерлигин койгон төрт кишиге 7,5 миң сомдон айып пул салынды.  Мелисбек Жунусов, Чынгыз Капаров, Алмазбек Баатырбеков жана Улан Бакасов эреже бузуу менен үгүт жарнамаларын мектепке жана мечитке жакын жерге илгени тууралуу маселе Борбордук шайлоо комиссиясында каралды. Жумушчу топ аталган талапкерлер "Президентти жана Жогорку Кеңештин депутаттарын шайлоо жөнүндөгү" Конституциялык мыйзамдын талаптарын бузган деп, аларга айыппул салууну сунуш кылды. Читать дальше...

Нидерланддын бир нече шаарында үч күндөн бери коронавирус чектөөлөрүнө каршы нааразылык акциялары өтүп жатат. Роттердамда демонстранттар тартип коргоочулардын машинелерин өрттөгөндө полиция эскертүү иретинде асманга карай ок атып, суу чачып таркатканга аргасыз болду. Жаракат алган төрт киши ооруканага жеткирилди. Жабыркагандардын арасында полиция кызматкерлери да бар. 21-ноябрда Нидерланд боюнча акцияга чыккан ондогон адам кармалды. Өткөн аптада өлкө бийлиги үч жумага жарым-жартылай карантин киргизген. Читать дальше...

Жаза аткаруу мамлекеттик кызматындагы коррупциялык иштер жана кыйноо тууралуу айтып чыккан Акжол Раимбердиев жумуштан алынганын билдирди. Бул тууралуу өзү элге видеокайрылуу жасап, "Ютубдагы" баракчасына 21-ноябрда жарыялады. Анын айтымында, "кызматкер маалыматтарды сыртка чыгарбашы керек" деген жүйө менен иштен алынган. Ал кызматтык кийимчен видеокайрылуу жасап, аны өзү иштеген мекеменин эшигинен киргизбей коюшканын белгиледи. Раимбердиев өзү иштеген Чүйдүн Аламүдүн районунда жайгашкан №31 түзөтүү колониясындагы кыйноо... Читать дальше...

Бишкекте жол оңдоого бюджеттен каралган акчанын 360 млн. сом уурдалганы аныкталды. Бул тууралуу баш калаанын мэри Айбек Жунушалиев "Азаттыкка" билдирип, прокуратурага кат жолдонгонун айтты. Мэрия 1 миллиард сомго жакын акчанын эсебин таппай жатканы тууралуу "Азаттыктын" журналисти Айбек Бийбосунов 1-ноябрда "Жолдон жоголгон 934 миллион сом" деген иликтөө жарыялаган. Бюджеттен жоголгон бул каражат жолдордун курулушуна жумшалмак. Мэр Жунушалиев иликтөөдө аталган сумма дебитордук карыз экенин бышыктап... Читать дальше...

Кыргызстанда 28-ноябрда Жогорку Кеңешке шайлоо өтөт. Бул саясий жарыш азык-түлүк жана күйүүчү май кыйла кымбаттаган учурга туш келди. Экономикада өсүш анча эмес, экспорт кыскарып, мамлекеттик карыз көбөйүүдө. “Азаттык” шайлоо кандай экономикалык жагдайда өтүп жатканы тууралуу видео түшүндүрмө жасады.

Кыргызстанда 28-ноябрда Жогорку Кеңешке шайлоо өтөт. Бул саясий жарыш азык-түлүк жана күйүүчү май кыйла кымбаттаган учурга туш келди. Экономикада өсүш анча эмес, экспорт кыскарып, мамлекеттик карыз көбөйүүдө. “Азаттык” шайлоо кандай экономикалык жагдайда өтүп жатканы тууралуу видео түшүндүрмө жасады.

Бишкекте жол оңдоого бюджеттен каралган акчанын 360 миллион сомго жакыны уурдалганы аныкталды. Бул тууралуу баш шаарынын мэри Айбек Жунушалиев "Азаттыкка" билдирип, прокуратурага кат жолдонгонун айтты. Бишкек шаарынын бийлиги 1 миллиард сомго жакын акчанын эсебин таппай жатканы тууралуу "Азаттыктын" журналисти Айбек Бийбосунов 1-ноябрда "Жолдон жоголгон 934 миллион сом" деген иликтөө жарыялаган. Анда шаар ичинде акчасы бөлүнүп, бирок курулбай калган жолдор көп экени аныкталган.

Садыр Жапаров мамлекет спортко, спортчуларга, машыктыруучуларга жана алардын ата-энелерине көңүл бурууга милдеттүү экенин айткан.

Президент Садыр Жапаров Кыргызстанга келген UFC уюмунун чемпиону Валентина Шевченко менен жолугушту. Бул тууралуу президенттин басма сөз кызматы билдирди. Мамлекет башчысы спортчуну алтынчы жолу жеңил салмак боюнча UFC чемпиону наамын коргоп калышы менен куттуктаган. Садыр Жапаров чемпиондун ата-энесине жана машыктыруучусуна спортчуларды даярдоодогу жогорку чеберчилиги, алардын жеңишке карата болгон эрки жана эң жогорку натыйжаларга жетишкендиктери үчүн ыраазычылык билдирген.   Президент спортчуга 1 млн. Читать дальше...

UFCнин аялдар арасындагы эң жеңил салмактагы чемпиону, кыргызстандык Валентина Шевченко Бишкек шаарында журналисттерге маалымат жыйынын өткөрдү. Ал жеке жашоосу, спорт жана саясат тууралуу суроолорго жооп берди. 28-ноябрдагы парламенттик шайлоо тууралуу да пикирин айтып, спорт – саясаттан тышкары экенин билдирди.  Өзү Кыргызстандын жараны экенин, ошондуктан шайлоодо добуш бере аларын кошумчалады. Шевченко Кыргызстанга 21-ноябрда келген. Мекенинде бир жума болорун, бул убакытта туугандары жана күйөрмандары менен жолугарын билдирген. Читать дальше...

Орусиянын президенти Владимир Путин коронавируска каршы вакцинанын үчүнчү дозасын алганын билдирди. 21-ноябрда "Россия 24" мамлекеттик каналына маегинде: "Эки саат мурда мага ревакцинация кылды. Эч нерсе сезген жокмун. Абалым жакшы. Баары жакшы",-деди ал. Путин "Спутник V" вакцинасынын биринчи дозасын мартта, экинчи дозасын апрелде алган. Орусияда 146 миллион калктын 37% гана коронавируска каршы эмделген. Пандемия башталгандан бери COVID-19 инфекциясы 246 миң адамдын өмүрүн алды. Бирок Росстат... Читать дальше...

Президент Садыр Жапаров Баткен облусундагы Сүлүктү шаарынын мэри кылып Максат Кадыркуловду дайындады. Бул тууралуу президенттин расмий сайтында кабарланды. Максат Кадыркулов буга чейин Нарын облусунун Ат-Башы районунун акиминин биринчи орун басары болуп иштеп келген. "Жергиликтүү мамлекеттик администрация жана жергиликтүү өз алдынча башкаруу органдары жөнүндө" жаңы мыйзамга ылайык райондун администрация башчыларын жана облустук деңгээлдеги шаар мэрлерин президент дайындайт.