Бројот на загинати во експлозијата на рудникот во Турција се искачи на најмалку 40

Бројот на загинати во експлозијата на рудникот во Турција се искачи на најмалку 40.Ова го соопшти турскиот министер за внатрешни работи Сулејман Сојлу.

„Изброивме вкупно 40 мртви. 58 рудари можеа да се спасат“, изјави Сојлу, по една од најсмртоносните индустриски несреќи во Турција во последните години на 14 октомври.

Дел од локалните медиуми јавуваат дека постојат сомнежи дека пожарот во рудникот предизвикан од експлозијата се уште не е изгасен и со тоа се отежнува и спасувањето на преживеаните и заробени во рудникот.

Најмалку 28 загинати и десетици заробени под земја при експлозија во турски рудник

Вкупно 58 се спасени во рудникот во областа Амасра во црноморската провинција Бартин, изјави одделно министерот за внатрешни работи Сулејман Сојлу, јавува државната новинска агенција Анадолу.

Властите соопштија дека околу 110 луѓе работеле под земја кога на 14 октомври на зајдисонце се случи една од најсмртоносните индустриски несреќи во Турција во последните години.

Засега се уште не е јасна точната причина за експлозијата. Телевизиските снимки покажаа вознемирени толпи, на луѓе со солзи во очите, се собираат околу оштетената бела зграда во близина на влезот на јамата во потрага по вести за своите пријатели и најблиски.

Турскиот претседател Реџеп Таип Ердоган требаше да одлета на местото на несреќата подоцна на 15 октомври.