Грчки навивачи предизвикале помал инцидент во центарот на Скопје

Во центарот на главниот град навивачка група на грчкиот ракометен ПАОК предизвикале помал инцидент при што интевенирала полицијата. Според видеата објавени на социјалните мрежи група навивачи која од автобус се симнала во центарот на градот прво вербално а потоа и физички нападнале момче облечено во дрес на клубот Вардар.

Од МВР потврдуваат дека имало пријава за нарушување на јавен ред и мир.

Како резултат на пријавата, има зголемено полициско присуство на  прометната сообраќајница во центарот на Скопје позната по локалот „Рекорд“. Според дел од видеата објавени на социјалните мрежи полицијата ја изолирала групата и ја испратила до автобусот.