Бројот на загинати од пожарот во затворот во Иран се искачи на осум
Иранското правосудство соопшти дека во вчерашниот пожар во озлогласениот затвор Евин во Техеран, загинале осум затвореници, додека националните протести продолжуваат поради смртта во притвор на млада жена уапсена поради неправилно носење задолжителна исламска шамија. Сè уште се оскудни деталите за пожарот во затворот Евин, во кој се сместени и политички затвореници и антивладини демонстранти. Веб-страницата на правосудството Mizan.news го опиша инцидентот како „тепачка меѓу затворениците“, иако не понуди докази за да го поткрепи тврдењето. Активисти надвор од Иран велат дека и понатаму се скептични за тврдењата на иранската влада.
Иран со критика до Бајден поради поддршката за демонстрантите
Иранскиот претседател Ебрахим Раиси го обвини Вашингтон за поттикнување хаос откако претседателот Џо Бајден изрази поддршка за петнеделните протести кои го потресоа Иран поради смртта на 22-годишната Махса Амини во полициски притвор. Државните медиуми првично објавија дека биле повредени девет лица, но потоа Mizan.news објави дека четворица затворениците умреле од задушување со чад, додека шеесетина други биле повредени.