Ескобар во Приштина на средба со косовските лидери
Специјалниот пратеник на Соединетите Американски Држави за Западен Балкан Габриел Ескобар денеска во Приштина ја повтори американската поддршка за членството на Косово во евроатлантските институции.
Посетата на Ескобар на Косово доаѓа во време кога во јавноста се зборува за „француско-германскиот“ предлог за нормализација на односите меѓу Косово и Србија.
„Горд сум што можам да кажам дека Косово придонесе многу за нашата заедничка агенда“, изјави Ескобар по средбата со претседателката на Косово, Вјоса Османи.
Вучиќ: На маса е предлог Србија да дозволи влез на Косово во ОН во замена за брзо членство во ЕУ
Османи на прес-конференцијата изјави дека Приштина отсекогаш била конструктивна страна во дијалогот со Србија и дека е подготвена дополнително да се ангажира во тој процес со цел да се интензивираат разговорите. Од друга страна, таа го обвини Белград дека не ги спроведува досега постигнатите договори, дека продолжува да ги „заплашува Србите на Косово“ и да финансира „паралелни“ структури.
Косовскиот премиер Албин Курти по средбата со Ескобар го повтори ставот дека е подготвен да постигне договор со Србија, со взаемно признавање.
Курти е оптимист за постигнување конечен договор со Србија
Во текот на денот Ескобар ќе се сретне и со лидерите на опозициските партии во Косово.