Автобуси на ЈСП и натаму пред Владата, се чека намирување на долгот кон претпријатието

Улицата пред Владата се уште е блокирана со автобуси на Јавното сообраќајно претпријатие - Скопје, додека останатите автобуси утрово функционираат нормално. Претседателот на синдикатот на ЈСП, Миќо Стојановски синоќа изјави дека по налог на градоначалничката Данела Арсовска пред Владата останале 15 автобуси. „Тоа е еден вид притисок врз Владата за што побрзо да го реши тој нивен клинч околу долговите што Владата ги има кон ЈСП за блок дотациите за превозот на средношколците и студентите во градот Скопје“, рече Стојановски.

Скопјани повторно добија јавен превоз

Од Град Скопје тврдат дека Министерството за образование и наука им должи 120 милиони денари за субвенциите за вршење превоз за студенти и ученици во средно образование.