Иранските власти го уапсија раперот Томај Салехи поради учество во антивладините протести

Иранските власти го уапсија раперот Томај Салехи, еден од најистакнатите уметници во земјата кој е поддржувач на антивладините протести поради смртта на 22-годишната Махса Амини, која умре откако беше уапсена од полицијата за морал.

Безбедносните власти соопштија дека раперот бил уапсен на 30 октомври при обид да побегне од земјата, иако неговото семејство тврди дека не се обидувал да ја напушти земјата туку бил уапсен во југозападната иранска провинција Чахармахал Бахтијари.

Според иранското обвинителство Салехи „играл клучна улога во создавањето хаос и поттикнувањето на неодамнешните немири во провинцијата Исфахан и градот Шахиншахр“, пренесува државната новинска агенција „Мизан“.

Ирански студенти почнале протест со седење по жестоките судири со безбедносните сили

Салехи стана познат по своите песни за борбата против корупцијата, распространетата сиромаштија, државните егзекуции и убиствата на демонстрантите во Иран.

Неговите песни, исто така, го истакнуваат зголемениот јаз меѓу Иранците и раководството на земјата, обвинувајќи ги властите за „гушење“ на народот.