Бино ба гузоришҳо, писари Қурбонқулӣ Бердимуҳаммадов, раиси ҷумҳурии Туркманистон, ният дорад, барои дарёфтии курсии падараш вориди корзор бишавад. Сардор Бердимуҳаммадови 40-сола то ин дам дар чанд мансаби давлатӣ, аз ҷумла раиси вилояти Ахал кор кардааст.
Ба иттилои Кумитаи кор бо занон ва оила, дар як соли охир дар Тоҷикистон "хушунати хонаводагӣ бештар шудааст". Аммо омори Вазорати корҳои дохилӣ, баръакс, аз камтар шудани он мегӯяд. Омори духела рӯзи 14-уми феврал дар нишасти матбуотии раиси Кумитаи кор бо занон садо дод.
Мақомот мегӯянд, соли гузашта қарзи аҳолӣ аз истифодаи барқ 41 миллион сомонӣ зиёд шуд. Ба гуфтаи намояндагони “Шабакаҳои тақсимоти барқ”, қарзи умумии аҳолӣ 1 миллиарду 384 миллион сомонӣ мебошад. Вале шубҳаву гумонҳо дар бораи қарздории аҳолӣ аз барқ зиёд аст.
Як гуруҳ аз шаҳрвандони Узбекистон, ки тавассути Вазорати меҳнат ва муносибатҳои кории ин кишвар барои кор ба вилояти Смоленски Русия фиристода шуда буданд, мегӯянд, бе ҷои кор ва бе пул мондаанд.
Викрам Рузахунов, навозандаи қирғиз, ки дар Қазоқистон бо гумони даст доштан дар бетартибиҳо боздошт шуда буд, баъди раҳоӣ ва баргашташ ба ватан мегӯяд, барои тантанаи адолат мубориза хоҳад бурд.
Бо вуҷуди мухолифатҳо, таҷлил аз "Рӯзи ошиқон" дар Тоҷикистон ба монанди кишварҳои дигар "муд" шудаааст. Тарафдорон онро рӯзи хурсандӣ ва изҳори муҳаббат медонанд. Мухолифон мегӯянд, ин ҷашн ҷузъи фарҳанги бегона аст. Бархеи дигар бовар доранд, ошиқӣ санаву сарҳад ва фарҳанг надорад. Таърихи "Рӯзи ошиқон" ба давраҳои аввали масеҳият бармегардад ва ба номи роҳиби насронӣ Валентини Муқаддас пайвандӣ дорад, ки бо фармони императори Рим Клавдийи 2 барои даъвати динӣ дар байни ҷавонон ба қатл маҳкум шуд. Читать дальше...
Ҷо Байден, президенти Амрико ва Владимир Зеленский, раиси ҷумҳури Украина, бо ишора ба таҷаммӯи нерӯҳои Русия дар марз бо Украина ба аҳамияти ҷустуҷӯйи роҳҳои ҳалли дипломатӣ таъкид кардаанд.
Захираи сармояи Афғонистон дар ИМА ба ду тақсим мешавад. Президенти ИМА тасмим гирифт, ки сармояи Афғонистонро, ки ба 7 миллиард доллар баробар аст, барои ёрӣ ба мардуми афғон ва ҷуброни қурбониҳои ҳамлаҳои моҳи сентябри соли 2001 болои шаҳрҳои ИМА тақсим кунад.
Хушунати хонаводагӣ дар Тоҷикистон афзоиш ёфт ё кам шуд? Маълумоти ниҳодҳои давлатии Тоҷикистон дар ин бора яксон набудааст.
Дастаи мунтахаби футзали ҷавонони Тоҷикистон (U-19) дар мусобиқаи қаҳрамонии CAFA (Ассотсиатсияи футболи Осиёи Марказӣ), ки дар Бишкеки Қирғизистон ҷараён дорад, аз тимҳои Узбекистон (1:3) ва Эрон (1:2) мағлуб шуд.
Ширкати “Барқи тоҷик” ҷузъиёти созишномаи имзошуда бо ширкати “Брешно”-и Афғонистонро шарҳ дод.
Як намояндаи Толибон гуфтааст, ба шимол ва шимолу шарқи Афғонистон даҳ ҳазор нерӯ мефиристанд, вале далели чунин тасмимро шарҳ надодааст. Шимоли Афғонистон бо Тоҷикистон ва Узбекистон ҳамсарҳад аст.
Сабаби сӯхтор дар бинои собиқ ҷамоати деҳоти Кӯлоб таҳқиқ мешавад. Гузориши маҳмудҷон Раҳматзода.
Франк-Валтер Штайнмайер рӯзи 13-уми феврал дигарбора президенти Олмон интихоб шуд. Ба ҷонибдорӣ аз вай аксари аъзои Маҷлиси федералӣ раъй доданд, ки президенти Олмонро ҳамин Маҷлис интихоб мекунад.
Русия дар посух ба Украина гуфтааст, ки дар қаламрави худ ҳеч гуна "фаъолияти ғайриодии низомӣ" анҷом намедиҳад. Маскав, баръакс, Киевро барои омодагӣ ба амалиёте дар Донбасс гунаҳкор кардааст.
Сафорати Арабистони Саудӣ дар Душанбе иддаои ситондани 500 доллар барои боҷу раводид ё визаи сафар ба ҳаҷҷи умраро рад кард. Сафорат дар вокуниш ба матлаби Радиои Озодӣ дар бораи монеаҳои сафар ба ҳаҷҷи умра навишт, раводид ё виза ба Арабистони Саудӣ, ба хоҳишмандони сафари ҳаҷ ройгон дода мешавад.
Қарзи ширкати "Барқи тоҷик" аз нерӯгоҳи "Сангтӯда -1" дар як соли 2021 тақрибан 500 миллион сомонӣ афзоиш ёфтааст. Дар умум, ҳоло қарзи ширкат дар назди нерӯгоҳи барқи обӣ ба беш аз 2 миллиард сомонӣ расидааст.
Як марди гумонбар ба оташ задани Қуръонро дар Покистон сангсор карда куштаанд. Полиси Покистон рӯзи 13-уми феврал гуфт, ҳодиса дар деҳаи Ханевали вилояти Пунҷоб рӯй дод.
Додгоҳи ҳакамии варзишӣ дархости Кумитаи байналмилалии олимпӣ ва Оҷонсии ҷаҳонии зиддидопингиро қонеъ накард ва бо ин ба Комила (Камила) Валиева, раққосаи рӯи ях аз Русия иҷоза мешавад, ки дар мусобиқаҳо иштирок кунад. Рақобати раққосони рӯи ях дар Олимпиада аз 15-уми феврал шурӯъ мешавад. Кумитаи байналмилалии олимпӣ ва Оҷонсии ҷаҳонии зиддидопингӣ дар аризаи худ ба додгоҳ гуфтанд, ки озмоиши тиббӣ вуҷуди триметазидин - як маводи тиббии манъшуда дар хуни варзишгари русро ҳанӯз пеш аз шурӯи бозиҳои Олимпии Пекин ошкор кардаанд. Читать дальше...
Рӯзи 14-уми феврал қарор аст дар шаҳри Киев мулоқоти садри аъзами Олмон Олаф Шолтс бо президенти Украина Владимир Зеленский баргузор шавад. Нигарониҳо аз тавсеаи нирӯҳои Русия дар сарҳад бо Украинаву хатар аз ҳамла ба ин ин кишвар мавриди нигаронии Ғарбу Аврупо мебошад. Фардо, 15-уми феврал Шолтс ба Маскав меравад ва бо президенти Русия Владимир Путин дидору гуфтугӯ мекунад. Шолтс дирӯз гуфт, ки аъзои НАТО ва Иттиҳоди Аврупо аллакай феҳристи таҳримҳои сахту сангинеро омода кардаанд, ки дар сурати ҳуҷуми Русия ба Украина татбиқ мешавад. Читать дальше...
Соли гузашта Тоҷикистон ба кишварҳои ҳамсоя беш аз 2,4 миллиард киловат соат барқ фурӯхтааст, ки назар ба як соли пеш 911,6 млн. кВт. бештар аст. Аммо ба гуфтаи ширкати "Барқи тоҷик", ҳаҷми пуле, ки аз ҳисоби фурӯши барқ ба хориҷ ба даст омад, назар ба як соли пеш 20 миллион доллар камтар аст.
Кумитаи забон ва истилоҳоти Тоҷикистон мегӯяд, ки муассиса ва ширкатҳо дар соли гузашта барои риоя нагардидани муқаррароти қонуни забон, ба маблағи 48 ҳазору 660 сомонӣ ҷарима шудаанд. Масъулини ин ниҳод рӯзи 14-уми феврал дар нишасти хабарӣ гуфтанд, ки дар ин робита 57 парвандаи ҳуқуқвайронкунӣ боз шуда, мавриди таҳқиқ қарор гирифт. Ҳамчунин дар соли гузашта ин ниҳод ба 1184 муроҷиати шаҳрвандон оид ба номгузории фарзанд хулоса пешниҳод намудааст, ки аз он 74 муроҷиат аз ҷониби аққалиятҳои миллӣ буда... Читать дальше...
Дастаи мунтахаби футболи наврасони Тоҷикистон (U-16) дар мусобиқаи 18-уми байналмилалии «Ҷоми рушд-2022», ки рӯзи якшанбеи 13-уми феврал дар шаҳри Мински Беларус ба поён расид, аз медали биринҷӣ бенасиб монд. Футболбозони навраси тоҷик бо раҳбарии сармураббӣ Зайниддин Раҳимов дар рӯзи охирини мусобиқа дар Минск дар бозӣ барои ҷойи сеюм бо дастаи наврасони Беларус (U-17) рақобат карда, бо ҳисоби 0:4 шикаст хӯрданд. Қаблан мунтахаби наврасони Тоҷикистон (U-16) дар сабқати гурӯҳии “Ҷоми рушд-2022)”... Читать дальше...
Дар Бозиҳои XXIV зимистонаи олимпӣ, ки дар Пекини Чин ҷараён доранд, баъди натиҷагирии нӯҳ рӯзи мусобиқот мунтахаби Норвегия бо касби 21 медал (9 тилло, 5 нуқра ва 7 биринҷӣ) дар ҳисоби умумидастаӣ бо дарназардошти ҳам сифати медалҳо ва ҳам теъдоди онҳо дар ҷойи аввал аст. Мунтахаби Олмон бо касби 14 медал (8 тилло, 5 нуқра ва 1 биринҷӣ) мақоми дуюмро азони худ кардааст. Мунтахаби Иёлоти Муттаҳидаи Амрико бо касби 14 медал (7 тилло, 6 нуқра ва 1 биринҷӣ) мақоми сеюмро соҳиб шудааст. Дар байни даҳгонаи аввал... Читать дальше...
Нархи гази моеъ дар Тоҷикистон каме пойин рафтааст. Агар як ҳафта пеш арзиши як литр гази моеъ 7 сомону 40 дирам буд, пас рӯзи 13-уми феврал арзиши он то 6 сомону 80 дирам пойин омад. Бархе аз фурӯшандаҳо арзон шудани ин навъи сӯзишвориро ба афзоиши воридоти он аз Қазоқистон рабт доданд. Бештари нақлиётҳои сабукрав дар Тоҷикистон аз гази моеъ истифода мекунанд ва болову пойин рафтани нархи ин навъи сӯзишворӣ ба ҷайби аксар мардуми миёнҳол дар кишвар таъсир дорад. Соли гузашта нархи гази моеъ дар Тоҷикистон ба таври бесобиқа боло рафта... Читать дальше...