Gazak deputatlary 7 ýyllyk prezident möhletini goldaýar, paýtagtyň adyny üýtgedýär
Gazak parlamentiniň aşaky palatasy Mažlis yzygiderli iki gezek bäş ýyllyk prezidentlik möhletini ýekeje ýedi ýyllyk prezidentlik möhletine çalyşmak baradaky prezident teklibini tassyk etdi.
Şeýle-de, deputatlar parlament toparynyň 16-njy sentýabrda, prezident Kasym-Žomart Tokaýewiň "täze Gazagystany" döretmek kampaniýasynyň çäginde Merkezi Aziýa döwletiniň paýtagtynyň adyny Nur-Soltandan Astana üýtgetmek barada eden teklibini tassykladylar.
Bu teklipler 2019-njy ýylda paýtagtyň adyny ýurduň ilkinji prezidenti Nursoltan Nazarbaýewiň hormatyna Nur-Soltan diýip üýtgeden Tokaýewiň gol çekmegine garaşylýan konstitusiýa üýtgetmeleri taslamasynyň bir bölegi bolup durýar.
Tokaýew 1-nji sentýabrda, öňki prezidentden çeke durmak bilen, gelýän aýlarda ikinji möhlete saýlanmagyna garaşylýan irki saýlawy geçirmäge çagyrdy we şol bir wagtyň özünde-de prezidentlik möhletini bäş ýyldan ýedi ýyla çenli uzaltmagy we diňe bir möhlete prezident bolmagy teklip etdi.