Новости за 03.04.2023

Балтач районы Сәрдек авыл клубыннан Ислам Әсхәдуллин Алабуга мәдәният һәм сәнгать көллиятендә яшүсмерләр арасында узган «Алло, без талантлар эзлибез» дигән бәйгедә катнашып, 3 дәрәҗә лауреат дипломы һәм имтиханнарсыз укырга керергә сертификат белән бүләкләнде.

Бүген «Ак Барс» - «Авангард» плей-офф сериясенең икенче уены Казан командасы җиңелүе белән тәмамланды. Матч исәбе – 2:3.

Бу атнада Татарстанда җылы һәм коры һава торышы көтелә. Атна уртасында гына кайбер районнарда яңгыр явачак, дип хәбәр итә ТР Гидрометүзәге.

2025 елга Татарстанда гомернең көтелгән озынлыгы 75,03 яшькә җитәргә тиеш. Татарстан Республикасы Хөкүмәте республикада дәүләт хакимияте органнары эшенең нәтиҗәлелеген һәм халыкның тормыш сыйфатын бәяләүнең шундый индикаторын билгеләде.

Владлен Татарский тәхәллүсе белән танылган хәрби корреспондент Максим Фомин вафатыннан соң Батырлык ордены белән бүләкләнде. Бүген Россия Президенты Владимир Путин шундый карар имзалады.

Россия Президенты Владимир Путин гражданнарга җәзаның катгыйрак төре урынына мәҗбүри эш билгеләү өчен максималь яшьне арттыру турында закон имзалады. Мәҗбүри эшләргә 65 яшькә кадәрге ир-атлар һәм 60 яшькә кадәрге хатын-кызлар җәлеп ителәчәк. Шул турыдагы документ хокукый мәгълүматның рәсми порталында урнаштырылган.

Россия Хөкүмәте каршындагы Закон чыгару һәм чагыштырма хокук белеме институты директоры, Казан федераль университетының Попечительләр советы әгъзасы Талия Хәбриева II дәрәҗә «Ватан алдындагы казанышлары өчен» ордены белән бүләкләнде. Россия Президенты Владимир Путин шул турыда карар имзалады.

Апрель аенда ТР башкаласында яшәүчеләрнең өстәмә ял көне булачак. Бу Ураза бәйрәме белән бәйле.

Бөгелмәдә мобилизацияләнгән хәрби хезмәткәр кызына көтелмәгән бүләк ясады. Махсус хәрби операция зонасыннан ялга кайткач, ул беренче сыйныфта укучы кызы янына мәктәпкә хәрби формадан, чәчәкләр тотып килде. Бу мизгелнең видеосын телеграмдагы каналында Бөгелмә мэры Линар Закиров урнаштырган.

Казанда 4 апрельдә яңгырсыз аязучан болытлы һава торышы булачак. Синоптиклар көньяк-көнчыгыштан секундына 5-10 метрга кадәр җил һәм +18 градуска кадәр җылы вәгъдә итә.

Татарстанда күпьеллык гадәт буенча Рамазан аеның беренче көнендә башланып киткән «Рамазан – изге гамәлләр ае» хәйрия марафоны дәвам итә. Изге айның беренче 10 көнендә 91 мохтаҗ гаилә азык-төлек җыелмалары алырга өлгерде һәм 5 авыру баланы дәвалау өчен акча җыелды. Бу хакта ТР Диния нәзарәте матбугат хезмәте хәбәр итә.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Пермь крае Барда авылына килде.

3 апрельдән 1 июльгә кадәр Шәехзадә Бабич исемендәге Дәүләт республика яшьләр премияләренә конкурс материаллары кабул ителә. Премия 2021 һәм 2022 еллардагы әдәбият, сәнгать һәм архитектура өлкәсендәге хезмәтләр өчен бирелә. «Башинформ»га Башкортстан Республикасының Яшьләр сәясәте буенча дәүләт комитетында шул турыда хәбәр иткәннәр.

«Татаркино» учреждениесенең Камал театры белән берлектә тормышка ашырылучы «Кино+Театр» проекты быел бөтен республиканы колачлаячак. Камал театры спектакльләренең видеоверсияләре рус субтитрлары белән татар телендә күрсәтелә.

7 февральдә Уфаның Совет районындагы кайбер йортларда яшәүчеләр (аларда узган елның ноябреннән газны өзгәннәр) "пычрак япмалар һәм кәстрүлләр перформансы" дигән чара уздырды. Аны видеога төшерүе өчен активистка 40 сәгать мәҗбүри эш бирелгән иде.

Пермь крае Барда авылында 2024 елда узачак XIV Бөтенроссия авыл Сабан туен әзерләү һәм үткәрү буенча Оештыру комитеты утырышы узды.

Казан спортчысы Рөстәм Солтанов Siberian Power Show 2023 көч спорт төрләре мультиспорт фестивале кысаларында бодибилдинг буенча халыкара чемпионатта чемпион булды.

Россия Президенты Владимир Путин производствода бәхетсезлек очрагы яки һөнәри авыру аркасында үлгән эшчеләр өчен түләнә торган иминият түләүләре күләмен арттырды. Сумма ике тапкыр артты һәм 2 миллион сумга кадәр җитте. Хокукый мәгълүматның рәсми порталында урнаштырылган законда шул турыда язылган.

Бу намзәт Путин булыр дип фаразлана. 2020 елда Русия Конституциясенә кертелгән үзгәрешләр аңа бишенче мөддәткә дә сайланырга мөмкинлек бирә. Путин үзе әлегә президент сайлауларында катнашу ниятләренә әйтмәде.

Соңгы тәүлектә Татарстанда коронавирус инфекциясенең 102 яңа очрагы ачыкланган – бу бер көн элеккегедән 12 очракка азрак. Стопкоронавирус.рф порталы шул хакта хәбәр итә.

Необычайно теплая встреча прошла сегодня в доме-интернате для престарелых и инвалидов с сотрудниками Нурлатского отдела ГИБДД и ТУ ГБУ «БДД».

1 апрельдә Ульяновск өлкәсе Димитровград шәһәрендә Бөтендөнья татар конгрессы бүләкләренә «Рамазан Кубогы» узды.

Турнир между командами «Грани» и «Килэчэк» прошел в последний день весенних каникул.

В рамках конкурса «Культурная столица Татарстана» в Культурном центре «Чулпан» Нурлатский муниципальный район представит программу, передающую всю красоту и колорит культурного наследия народов, проживающих на территории района.

Мобилизацияләнгән казанлыларның балалары өчен 12 шәһәр лагерында бушлай юлламалар бирелә, мондый гаризалар 15 майга кадәр кабул ителәчәк. Казанның Балалар һәм яшьләр эшләре комитеты рәисе Алия Заһидуллина эшлекле дүшәмбе киңәшмәсендә шулай дип белдерде.