Новости за 25.04.2023

Лениногорск Мәдәният сараеның фойесында Габдулла Тукайның 137 еллыгына багышланган әдәби кичә узды. Кичәне алып баручы Регина Гиззатуллина чарага килгән балалар бакчасы нәниләрен шагыйрьнең тормыш юлы белән таныштырды, аның авыр язмышы турында сөйләде. Балалар бакчасы сабыйлары өчен зур экран аша «Туган тел» әкияте күрсәтелде.

Быел Казанны 3 млн чәчәк бизәячәк. Шуларның 1,5 миллионы «Горводзеленхоз» МУП тарафыннан утыртылачак, бу узган ел белән чагыштырганда ике тапкыр күбрәк. Татарстан башкаласы урамнарында ике меңнән артык чәчәк кашпосы урнаштырыла һәм чәчәкләрдән күләмле 50 фигура ясалачак, дип хәбәр итә шәһәр мэриясенең матбугат хезмәте.

Казанның 5нче музыка мәктәбендә Татарстанның атказанган сәнгать хезмәткәре, композитор Гөлнара Беляеваның «Халык энҗеләре» дигән концертында татар халык җырларының эшкәртмәләрен төрле уен коралларында уйнадылар. Пианино, балалайка, курай, скрипка, аккордеон өчен эшкәртмәләрне музыкант үзе эшләгән. Эшкәртмәләрне теләге булган һәр музыкант уйный ала.

Бүген «Ак Барс» - ЦСКА плей-офф сериясенең бишенче уенында җиңүне Казан хоккейчылары яулады. Матч исәбе – 2:1. Уен Казанның «Татнефть Арена» боз сараенда узды.

Чаллы мәгълүмат сәясәте һәм җәмәгатьчелек белән элемтәләр идарәсе

Чаллы хакимиятендә кыска вакытлы ялга кайткан махсус хәрби операциядә катнашучылар белән очрашу узды. Очрашудан кадрлар шәһәр мэриясенең Telegram-каналында басылып чыкты.

Утырышлар залына, аерым алганда, хәрбиләр һәм аларның гаилә әгъзалары белән эшләүдә катнашкан район хакимияте башлыклары, шулай ук Башкарма комитет җитәкчесе Фәрит Сәлахов килде.

Хәрби хезмәткәрләргә шәһәрдә нинди ярдәм күрсәтелүе турында сөйләделәр. Читать дальше...

Иртәгә, 26 апрельдә, Татарстанда көнбатыштан килгән циклонның атмосфера фронтлары аркасында һава шартларының начарлануы фонында температураның бераз төшүе көтелә. Бу хакта ТР Гидрометеорология үзәге хәбәр итә.

7 майда Чаллы шәһәрендә Нәзарәт Кубогына татарча көрәш һәм кул көрәше буенча XIV Бөтенроссия турниры узачак. Төп приз (хаҗга юллама) һәр авырлык категориясендә беренче урынны яулаучылар арасында җирәбә аша уйнатылачак. Бу хакта ТР Диния нәзарәте матбугат хезмәте хәбәр итә.

Диния нәзарәте ниятләгән 1800 урынның 70 процентын инде үзләштергән.

24-25 апрельдә ТР Фәннәр академиясендә Гаяз Исхакыйның тууына 145 ел булуга багышланган «Парадигмалар алмашыну шартларында татар белеме: теория, методология, гамәл» фәнни-гамәли семинар үтте. Чарада биш ил – Россия, Казахстан, Кыргызстан, Азәрбәйҗан, Төркия һәм Россиянең алты шәһәреннән килгән галимнәр чыгыш ясады. Семинар быел өченче тапкыр уздырылды. 

Бүген Казанның «Адымнар» полилингваль белем бирү комплексында «Ак калфак» укучы кызлар бәйгесенең җиңүчеләрен бүләкләү тантанасы узды. Бәйгегә 23 апрель көнне йомгак ясалды. Җиңүчеләрне БТК Башкарма комитеты җитәкчесе Данис Шакиров, Бөтендөнья татар хатын-кызлары иҗтимагый оешмасы рәисе Кадрия Идрисова тәбрикләде. Бу хакта Бөтендөнья татар конгрессы матбугат хезмәте хәбәр итә.

29 апрельдә 10.30 сәгатьтә Сызрань шәһәренең «Азан» мәчетендә «Рамазан белән саубуллашу» балалар бәйрәме узачак. «Азан» мәчетендә балалар бәйрәмен үткәрү яхшы традиция булып тора. Бу хакта «Самар татарлары» сайты хәбәр итә.

Хөкүмәт Россия гаиләләренә комплекслы ярдәмне камилләштерүне дәвам итәчәк, дип белдерде РФ Премьер-министры Михаил Мишустин. Бу хакта Кабинетның Telegram каналында хәбәр ителә.

Яшел Үзән шәһәрендәге зур азык-төлек челтәренең бер кибетендә ир-атны йөк лифты басып үтергән.

Олимпиадада катнашучы илләр саны елдан-ел кими. Быел бары БДБ илләреннән генә укучылар үз көчен сынады.

Яз һәм хезмәт бәйрәмендә, 1 майда, Уфада «Уфа — дуслык һәм бердәмлек шәһәре» милли мәдәниятләр фестивале башлана. Бу хакта «Башинформ» хәбәр итә.

Кыр-Каентюба (Кыр Каентүбә авылы) — село в Актанышском районе Республики Татарстан, в составе Старокурмашевского сельского поселения, находится на реке Шабиз, в 28 км к юго-западу от районного центра, села Актаныш. Топоним произошел от оронимического термина татарского происхождения «кыр» (поле, степь),… Далее

Анда татар халкы милләте исеменнән Татар иҗтимагый үзәге Фәрит Зәкиев, Аида Габдрахманова, Иршат Хәбиев, Юлия Фәйзрахманова, башкорт халкы милләте исеменнән Руслан Габбасов чыгыш ясар дип көтелә.

2024 елдан минималь хезмәт хакын 18,5 проценка күтәрү 4,8 млн Россия гражданының хезмәт хакын арттырырга мөмкинлек бирәчәк. Бу хакта сишәмбе көнне РФ премьер-министры Михаил Мишустин «Гражданнарның иминлеген арттыру» стратегик сессиясендә чыгыш ясаганда белдерде, дип хәбәр итә ТАСС.

Дәүләт Думасы депутаты Дмитрий Кузнецов Россия Президенты Владимир Путинга яңа бәйрәм булдыру турында йөкләмә бирүне сорап мөрәҗәгать итте. Ул ел саен 25 апрельдә хәрби корреспондент көнен билгеләп үтәргә тәкъдим итә, дип хәбәр итә РИА Новости.

Эшкәртү сәнәгате, транспорт һәм төзелеш өлкәләре хезмәткәрләрнең иң күп имгәнү очраклары теркәлә торган Татарстанның топ-3 тармагына керә. Бу хакта бүген «Татар-информ»да узган матбугат конференциясендә ТР Хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

Әлмәт районындагы авыл хуҗалыгы җирләрендә нефть продуктлары аккан урын ачыкланган. Бу хакта Татарстан Республикасы прокурорының өлкән ярдәмчесе Руслан Галиев хәбәр итте.

Мероприятие прошло в сельском Доме культуры с участием жителей села, а также гостей.

Синоптиклар фаразлавынча, 26 апрельдә 9.00 сәгатьтән 21.00 сәгатькә кадәр Татарстанда һава шартларының кискен начарлануы көтелә. Көчле җил секундына 23 метрга кадәр җитүе ихтимал, яшенле яңгыр, боз яварга мөмкин.

Якутскида Кулаковский исемендәге Халыклар дуслыгы йортында «Татмедиа» республика матбугат һәм массакүләм коммуникацияләр агентлыгының бөтенроссия фотоконкурсы җиңүчеләренең «Россия халыкларының милли бәйрәмнәре» күргәзмәсе ачылды. Беренче тапкыр биредә аны узган ел Татарстан делегациясенең Якутиягә сәфәре вакытында тәкъдим иттеләр.

Ул Русиядә карап булмый торган мәдәният турындагы тапшырулар һәм програмнар белән танышырга мөмкинлек бирә. Анда документаль фильмнар, театраль  тамашалар, концертлар, балалар өчен белем бирүче програмнар табарга мөмкин.