Новости за 31.05.2023

1 июньдә Түбән Камада Габдулла Тукай исемендәге уку һәм ял паркында «Минем тартарика» бәйрәме узачак. Чара Балаларны яклау көненә һәм Милли мәдәниятләр һәм гореф-гадәтләр елына багышлана. Бу хакта Татарстан РеспубликасыТүбән Кама муниципаль районы рәсми сайтында хәбәр ителә.

30 майда күренекле татар композиторы Салих Сәйдәшев истәлегенә багышланган «Халык мәхәббәте лауреаты» IX музыка сәнгате бәйрәме узды. Проектның авторы һәм режиссеры – Россиянең халык артисты, Татарстанныж атказанган сәнгать эшлеклесе, профессор Лима Кустабаева.

Теләче районының «Туган авыл» ял итү комплексында дини очрашу булды. Аны хәйриячелек белән шөгыльләнүче район кешесе Рифкать Шәфыйков уздыра.

Май ае кызу торганда парсыз ефәк күбәләге тиз үрчи. Мондый аномаль эссе көннәрнең яз аенда безнең якларда булганы бар инде. Шуңа күрә корткычлы афәткә юл куймау максатыннан Актаныш районы урманчылары ефәк күбәләгенә каршы көрәшкә вакытында күтәрелде, алар профилактика йөзеннән 36 гектар мәйдандагы агачларны биологик препаратлар белән эшкәртеп чыкты. Бу хакта «Актаныш» сайтында хәбәр ителә.

Чистайда агачлар утырту буенча акция булып узды. Үзәк универмаг янындагы фонтан янындагы скверда алмагачлар утырттылар. Бу хакта «Чистай-информ» хәбәр итә.

Балаларны яклау көне алдыннан Чирмешән үзәк район хастаханәсендә дәваланучы балалар өчен күңелле бәйрәм оештырылды. Бу хакта Татарстан Сәламәтлек саклау министрлыгының матбугат хезмәте хәбәр итә.

2023 елның беренче өч аенда Татарстанга килгән туристлар саны, узган елның шушы чоры белән чагыштырганда, 15 процентка арткан. Чит илгә чыгу мөмкинлеге азаю сәбәпле, Татарстанга килүче туристлар саны арта, әмма Казанда татарлык җитми ди туризм белгечләре.