Новости за 28.07.2023

Әлмәттә сусаклагычны актив төзекләндерү дәвам итә. Аны булдыру районның өстенлекле бурычларының берсе булып тора. Район башлыгы Тимур Нагуманов төзелештә булачак сусаклагыч территориясендә эшләрнең алга китешен бәяләү өчен булды. Бу хакта «Әлмәт таңнары» районы башлыгы матбугат хезмәтенә сылтама белән хәбәр итә..

Бүген, 28 июль көнне, Курган өлкәсе губернаторы Вадим Шумков һәм Россиянең Гадәттән тыш хәлләр министры Александр Куренков янгыннан зыян күргән Курган өлкәсенең Йолдыз (Эчкен) авылында булды. Алар янгыннан зыян күрүчеләр өчен яңа йортлар төзү барышын бәяләде һәм авыл халкы белән очрашты. Бу хакта Бөтендөнья татар конгрессы матбугат хезмәте хәбәр итә.

Россиянең өч яклы комиссиясе 2024 елның 1 гыйнварыннан минималь хезмәт хакы күләмен (МРОТ) 18,5 процентка арттыруны хуплады, дип хәбәр итә «Интерфакс» вице-премьер Татьяна Голикова аппаратына сылтама белән.

Татарстан Африка илләренә машина төзелеше һәм нефть химиясе продукциясен тәкъдим итә ала. Тагын бер перспективалы юнәлеш – мәгариф өлкәсе, дип билгеләп үтә КФУның Социаль-фәлсәфи фәннәр һәм массакүләм коммуникацияләр институтының конфликтология кафедрасы мөдире Андрей Большаков. Ул бу хакта «Россия – Африка» саммитының республика өчен әһәмияте турындагы комментариендә белдерә.

29 июльдә Казан ипподромында Россиянең милли мәдәниятләре һәм атчылык традицияләре буенча уникаль «Беренчеләр йолдызлыгы» фестивале узачак. Аны Атчылыкны үстерү ассоциациясе оештыра. Фестивальнең тантаналы ачылышында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров катнашачак. Бу хакта ТР Авыл хуҗалыгы һәм азык-төлек министрлыгы матбугат хезмәте хәбәр итә.

Быел Татарстанда талпан тешләгән 6 809 кеше табибларга ярдәм сорап мөрәҗәгать иткән. Бу хакта «Татар-информ»да узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде.

Татарстанда җиде пляж санитар нормаларга туры килми. Аларны «Татар-информ»да узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина санап чыкты.

Татар герое турында «Туган батыр» мультфильм сериалы сентябрьдә төшерелә башлаячак. Бу хакта «Татар-информ»га «Туган батыр» проектына нигез салучы, «Туган Авылым» милли-туристик комплексын булдыручыларның берсе Радик Габдрахманов хәбәр итте. Аның сүзләренчә, сценарий расланган, хәзер әзерлек эшләре алып барыла.

Татарстан атлантик циклонның җылы секторы йогынтысында калды. Өстәвенә, республикада хәзер температураны өстәмә күтәрә торган көньяк һава агымнары өстенлек итә, дип аңлатты КФУның метеорология, климатология һәм атмосфера экологиясе кафедрасы профессоры Юрий Переведенцев. Киләсе атна башында ул республикага салкын киләчәген вәгъдә итте, дип хәбәр итә КФУның матбугат хезмәте.

29 июльдә 17:00 сәгатьтән 19:00 сәгатькә кадәр Ульяовскиның Н.М.Карамзин исемендәге скверында 17нче модель китапханә Халыкара халыклар дуслыгы көненә багышланган «Идел салават күпере» («Волжская радуга») дип аталган танып белү-уен программасын тәкъдим итәчәк. Бу хакта Ульяновск хакимиятенең матбугат хезмәтенә сылтама белән Бөтендөнья татар конгрессы хәбәр итә.

Әмма белгечләр Башкортстаннан Африка илләренә ашлык чыгару отышлы булмаячак, дигән фикердә. "Ашлыкны диңгез, диңгез-елга аша җибәрү иң арзан ысул булып тора. Башкортстаннан диңгез портларына ашлык китерү, аннан аларны Африкага җибәрү -  катлаулы. Бу – ерак та, кыйбат та”, дип саныйлар.

Табиблар кичә Чаллыда машина бәрдереп киткән 12 яшьлек җәяүленең хәле турында сөйләде. Баланың хәле хәзер тотрыклы, аны реанимация бүлегеннән күчерергә әзерләнәләр. Бу хакта «Татар-информ»да узган матбугат конференциясендә ТР Сәламәтлек саклау министрлыгының Казан Катастрофалар медицинасы үзәге җитәкчесе Марина Воронцова сөйләде.

Теләче бистәсендә ир-ат электр самокатыннан егылып имгәнгән, дип хәбәр иттеләр республика Дәүләт автоинспекциясендә.

Якын көннәрдә Казанның иҗтимагый киңлекләрендә планлаштырылган көндезге чаралар кичкә күчерелә. Бу ял көннәрендә республикада һәм аның башкаласында нык эсселек көтелүе белән бәйле.

Республика тире-венерологик диспансерының баш табиб урынбасары Гүзәл Вафина сүзләренчә, хәзерге вакытта сифилис йоктыручыларның 86 процентында авыруның бернинди билгеләре дә юк, шуңа кешеләр үзләрен сәламәт дип уйлый.

Хәзер Россиядә дүрт көнлек эш атнасын кертү зарурлыгы юк. Бу хакта РФ хезмәт һәм социаль яклау министры Антон Котяков белдерде, дип хәбәр итә РИА Новости.

Завтра во дворе домов №№82, 84, 88 по проспекту Ямашева пройдут первые в городе «Дворовые игры».

Татарстанда кызамык йоктырган кешеләр белән аралашкан 20 723 кешене ачыклаганнар. Бу хакта «Татар-информ»да узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде.

В Татарстане наблюдается напряженная ситуация с инфекционными заболеваниями, передающимися половым путем.

Уфада танылган җәмәгать эшлеклесе, РСФСР халык мәгарифе отличнигы, Башкортстанның мактаулы туган як тарихын өйрәнүчесе, мәгърифәтче, педагог-методист һәм Уфа шәһәренең туган якны өйрәнүчеләр җәмгыятенең оештыручысы булган Флюра Әхмәрова (1928-2004) истәлеген мәңгеләштерделәр. Бу хакта «Башинформ» хәбәр итә.

На закрытии 7-дневной смены, включающей в себя изучение основ религии и активный отдых, в мечети Кривого Озера побывала наша съемочная группа.

Видеога Казан үзәгендә автобусның джип белән бәрелешү мизгеле эләккән.

КФУ профессоры, әдәбият галиме Хатыйп Миңнегулов «Габдулла Тукай, татар һәм төрки телле әдәбиятчылар әсәрләрен тәрҗемә итүнең актуаль проблемалары һәм перспективалары» дигән түгәрәк өстәлдә әдәбият тарихында тәрҗемәнең гаять зур урын алып торуын әйтте.

Пенза өлкәсе Урта Әләзән авылында кызамык (корь) авыруы таралып, авылда карантин игълан ителгән иде. Җирле хакимият авылда туй мәҗлесләре, корбан ашларын үткәрү, массакүләм чаралар үткәрүне тыйды, дип язган идек. Хәзер авылда вазгыять яхшы якка үзгәргән.

Россия саклану министры урынбасары Николай Панков армиягә чакыру яшен арттырганнан соң хәрби хезмәткә чакыру тәртибен аңлатты. Хәрби хезмәткә чакырылырга тиешле һәм 2023 елда 27 яше тулган гражданнар запаска җибәреләчәк. 2024 елда хәрби хезмәткә чакыру аларга кагылмаячак, дип искәртте ул. Бу хакта «Интерфакс» агентлыгы хәбәр итә.