Новости за 11.07.2023

Аяз Гыйләҗев исемендәге Чаллы татар дәүләт драма театры Кирилл Крок бәйгесендә җиңү яулады. Аның «Матур» фотокүргәзмәсе проекты театр өлкәсендә Вахтанг премиясенә лаек булды. Бәйгедә Диана Сәфиулина һәм Луиза Сафина катнашты, дип яза «Шәһәри Чаллы» газетасы.

Мәскәү Биоорганик химия институты директоры Александр Габибов фосфорорганик химия өлкәсендә Халыкара Арбузов премиясе лауреаты булды. Бүләк бирү турындагы карарны бүген Татарстан Рәисе Рөстәм Миңнеханов имзалады.

8 июльдә Г.Р.Державин музей-утарында шигърият бәйрәме узды. Аның урыны очраклы сайланмаган. Быел күренекле шагыйрь, дәүләт эшлеклесе Гавриил Романович Державинның тууына 280 ел тулды. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге хәбәр итә.

2023 елда Горбунов исемендәге Казан авиация заводы Россия Кораллы көчләренә дүрт Ту-160 ракета йөртүче очкычын тапшырачак. Бу хакта РИА Новости Саклану министрлыгына сылтама белән хәбәр итә.

2023 елда Горбунов исемендәге Казан авиация заводы Россия Кораллы көчләренә Ту-160 ракета йөртүче очкычын тапшырачак. Бу хакта РИА Новости Саклану министрлыгына сылтама белән хәбәр итә.

Татарстан Республикасы Рәисе Рөстәм Миңнеханов Берләшкән металлургия компаниясе директорлар советы рәисе Анатолий Седых белән очрашты. Бу хакта Татарстан Республикасы җитәкчесенең матбугат хезмәте хәбәр итә.

Яшел Үзән районындагы Октябрьский бистәсендә 70 яшьлек ир-ат батып үлгән. Бу турыда «Татар-информ»га Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә хәбәр иттеләр.

Татарстан Экология һәм табигый байлыклар министрлыгында бу җәйдә Казансу елгасының саегу сәбәпләрен аңлаттылар. Шәһәр халкы социаль челтәрләрдә су кимүе турында фотолар урнаштырган. Ведомствода билгеләп үтелгәнчә, елгада су дәрәҗәсе Казан тирәсендә кими.

«Казань» журналы җәйге кичләр сериясен дәвам итә һәм теләге булганнарны «Июль киче»нә чакыра. Ул традиция буенча Казан Кремленең Гавәми урыннар (Присутственные места) ишегалдында узачак. Чара 18 июльдә була, 19.00 сәгатьтә башлана.

Россия Саклану министрлыгы башлыгы Сергей Шойгу Татарстанда булды, ул анда дәүләт оборона заказын үтәү барышын тикшерде, дип хәбәр итә ТАСС Саклану министрлыгына сылтама белән.

Татарстан Дәүләт Советы Рәисе урынбасары Марат Әхмәтов авыл хуҗалыгы продукциясе җитештерү белән кызыксындыру өчен халыкка ярдәм итүнең яңа формаларын уйлап табарга тәкъдим итте. Бу хакта депутат «Куллану кооперациясе системасы резервлары: әзерлек эшчәнлеге» дигән эксперт сессиясендә белдерде.

Питрауның баш батырына ни өчен машина бирелмәвен Русиядә машиналарның кыйбатлануы белән бәйле дип фаразларга мөмкин. Күптән түгел долларның артуы автомобиль базарында ажиотажга сәбәпче булды. Хәзер Lada Granta 1-1,1 млн сумга җитте. Әле ике-өч ай элек кенә аларны 800 мең сумга сатып алып була иде.

Татарстан Премьер-министры Алексей Песошин һәм «Сбербанк» ААҖ президенты һәм идарә рәисе Герман Греф бүген Идел буе физик культура, спорт һәм туризм университеты объектларында булды. Бу хакта Татарстан Рәисенең матбугат хезмәте хәбәр итә.

Татарстан мәдәният министры Ирада Әюпова ТР Министрлар Кабинетында узган брифингта республика мәдәни тармагының өч төп проблемасын әйтте.

БМОда аңлатуларынча, температураның моңарчы булмаган югары дәрәҗәләргә күтәрелүе климат үзгәрүе һәм Эль-Ниньо дигән һава торышы күренеше белән бәйле.

Татарстанда ашлык ташый торган Volvo машинасы юл кырына ауган, дип хәбәр иттеләр «Татар-информ»га Республика Дәүләт автоинспекциясендә.

Во второй половине дня и вечером 11 июля, с сохранением ночью 12 июля 2023 г. на территории Республики Татарстан местами ожидаются грозы, сильный дождь, град, шквалистые усиления ветра 15-20 м/с, локально до 24 м/с.

Татарстанда июльнең беренче декадасында булган аномаль эссегә алмашка салкынча һава торышы якынлаша. Ул яңгырдан башланачак, бүген төнлә Казанда яңгыр яварга мөмкин. Бу хакта КФУ профессоры, география фәннәре докторы Юрий Переведенцев хәбәр итте.

На реализацию проектов «Культура» и «Культурная среда» в Татарстане направят суммарно свыше 2 млрд рублей.

Республикакүләм «Питрау» бәйрәме 2023 елның 15 июлендә Мамадыш районы Җөри авылында узачак.

Татарстан Фәннәр академиясенең яңа президенты сайлану белән «республикада академик фикер яңа сулыш алачак», дип белдерде Татарстан республикасы Дәүләт Советы Рәисе, ТР Фәннәр Академиясенең мөстәкыйль әгъзасы Фәрит Мөхәммәтшин оешманың гомуми җыелышында. Академиклардан эшне көчәйтүне таләп итә торган мәсьәләләр арасында ул җитештерүне илебездәге эшләнмәләр нигезендә киңәйтү кирәген әйтте, дип хәбәр итә Дәүләт Советының матбугат хезмәте.

Во втором квартале 2023 года уровень занятости населения в Татарстане составил 61,9% при аналогичном показателе по России в 60,3%, в ПФО — в 59,7%.

9 һәм 10 июльдә Кыргызстанның Бишкәк шәһәрендә Чыңгыз Айтматов исемендәге Кино йортында Татарстан киносы көннәре уза. Кыргыз тамашачысына «Сөмбел», «Тарлан», «Әпипә» һәм «823 километр» фильмнары тәкъдим ителә. Бу хакта республиканың Мәдәният министрлыгы сайтында хәбәр итәләр.

Россия мөселманнары Диния нәзарәте рәисе урынбасары Рәфик Фәттахетдиновка Россия Федерациясе Хөкүмәтенең Мактау грамотасы бирелде. Указны Россия Премьер-министры Михаил Мишустин имзалаган, дип хәбәр итә Россия Мөфтиләр шурасы.

Сентябрьдә Төркиянең Казандагы Генераль консулы вазифасыннан китәчәк Исмәт Эрикан Татарстанның Дәүләт Киңәшчесе Минтимер Шәймиев белән очрашты. Бу хакта Татарстан Рәисенең матбугат хезмәте хәбәр итә.