Новости за 14.07.2023

Велосәяхәт кылып йөрүче Валерий Сморчков кичә Актанышта булган. Аны Актанышка керү урынындагы стела янында чәк-чәкләр белән районның танылган һәм һәвәскәр велосипедчылары каршылады. Алар арасында Актаныш районы Башкарма комитетының яшьләр эшләре, спорт һәм туризм бүлеге җитәкчесе Ленис Вәлиев, блогер Алмаз Нурлыев та бар иде, дип хәбәр итә «Актаныш-информ» сайты.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев Питрәчтә журналистларның Сабан туе - «Медиа Сабантуй» турында сөйләде.

Солдат, матрос, сержант, старшина, прапорщик һәм мичман хәрби дәрәҗәләре булган гражданнар өчен запаста булуның чик яше 50 яшьтән 55 яшькә кадәр артачак. Дәүләт Думасы икенче укылышта шундый закон проекты кабул итте. «Российская газета» шул турыда яза.

Татарстан Республикасы Рәисе Рөстәм Миңнеханов ВЭБ.РФ үсеш дәүләт корпорациясе рәисе Игорь Шувалов белән очрашты. Яклар сөйләшүдә зур уртак проектларга, аерым алганда, моношәһәрләрдә инфраструктураны үстерүгә кагылды, дип хәбәр итә республика җитәкчесенең матбугат хезмәте.

Татарстан Рәисе Рөстәм Миңнеханов мәктәп укучылары һәм студентлар – эковолонтерлар, «PROинтерес» фестивалендә һәм «Тарихны кешеләр ясый» проектында катнашучылар белән очрашты. Чара Әлмәттә Халыкара нефть-газ яшьләр форумының нефть саммиты кысаларында узды, дип хәбәр итә Татарстан Республикасы җитәкчесенең матбугат хезмәте.

15 июль көнне Тобольск шәһәрендә «Могҗиза базары» дип аталган татар мәдәнияте фестивале узачак. Бу хакта Төмәндә чыгучы «Яңарыш» газетасының телеграм-каналы хәбәр итә.

2024 елда Россиядә автомобильләр, алкоголь һәм тәмәкегә акцизлар индексацияләнәчәк. Аларның суммасы инфляция дәрәҗәсенә арттырылачак. Бу хакта Россия Финанс министрлыгы башлыгы урынбасары Алексей Сазановка сылтама белән ТАСС хәбәр итә.

Кеше капиталы икътисад үсешендә төп рольне башкара. Ә төрле тармакларда эшче кулларга кытлык булмасын өчен, яшь кадрларга шартлар тудыру мөһим, дип билгеләп үтте Әлмәттә нефть саммитын ачуда Татарстан Рәисе Рөстәм Миңнеханов.

Татарстанда Гавриил Романович Державин исемендәге Республика премиясе тапшырылды. Быел бүләкне журналист, документаль телефильмнар авторы Айрат Бик-Булатов «Очерки истории казанской журналистики (1758-1918)» китабы өчен алды.

Нефть сәнәгате Татарстан икътисадының нигезен тәшкил итә. Нефть чыгару, эшкәртү һәм яңа технологияләрне куллану киләчәктә дә республиканың көндәшлеккә сәләтлелеген тәэмин итәчәк. Бу хакта Татарстан Республикасы Рәисе Рөстәм Миңнеханов Әлмәттә нефть саммиты ачылышында белдерде.

Иртәгә, 15 июльдә, Татарстанда болытлы һава көтелә, көндез — бераз яңгыр. Бу хакта ТР Гидрометеоүзәге хәбәр итә.

Питрәчтә узган «Медиа Сабантуй»ның төрле спорт ярышларында җиңүчеләре бүләкләнде.

В Нурлатском районе на прошлой неделе приступили к уборке ячменя, который проходит плющение и закладывается на корм.

Бу елның май аенда гына да 279 кеше "хәрби" инвалидлык рәсмиләштергән, ә июньдә – 322 кеше.

Регистрация молодой пары Таймуллиных прошла сегодня в отделе ЗАГС Нурлатского района в рамках Года национальных культур и традиций.

Брак Владимира и Марины Таймуллиных оформлен с соблюдением чувашских национальных обрядов.

"Минзәлә" газетасы баш мөхәррире, "Минзәлә-информ" җитәкчесе Илдус Шаһиев Питрәчтә «Медиа Сабантуй»да таяк тартышу ярышында беренчелекне алды.

Россиядә тикшеренүчеләр өчен мегагрантлар программасы кабат эшли башлаячак. Ил хөкүмәте һәм Дәүләт Думасы аны 2026 елга кадәр финанслауны күзаллап куярга тиеш булачак. Бу хакта РФ Президенты Владимир Путин «Исәпләп чыгару һәм элемтә. Квант дөньясы» дигән I Киләчәк технологияләр форумының пленар утырышында белдерде, дип хәбәр итә Кремльнең матбугат хезмәте.

Сегодня в Зеленодольске прошло выездное заседание Правительственной комиссии Республики Татарстан по обеспечению безопасности дорожного движения.

Башкортстанда «Дюртюлимелиоводстрой» төбәк операторының хезмәт күрсәтү зонасына кергән берничә районда һәм шәһәрдә гадәттән тыш хәл режимы кертелде. Шул хактагы указны республика Башлыгы Радий Хәбиров имзалаган. Документ хокукый мәгълүмат порталында урнаштырылган. Бу хакта «Башинформ» агентлыгы хәбәр итә.

Трансгендер кешеләргә канун балаларны уллыкка алуны тыя, шулай ук никахта бер кеше җенесен үзгәрткән очракта, ЗАГС оешмалары бу никахны гамәлдән чыгара ала.

Фильм «УЯВ» – праздник народных традиций и обычаев.

29 июльдә Самара өлкәсенең Иске Ярмәк авылында Авыл бәйрәме узачак. Бу турыда «Самар татарлары» сайтында хәбәр ителә.

Питрәчтә оештырылган журналистлар Сабан туе - «Медиа Сабантуй»да көрәштә җиңгән батырлар исемен игълан иттеләр.

2024 елдан гражданнарның социаль ярдәмгә мохтаҗлыгын исәпләгәндә гаилә парларының һәм гаиләдәге балигъ булмаган балаларның (яки көндезге бүлектә укучы 23 яшькә кадәрге студентларның) керемнәре генә исәпкә алыначак. Бу хакта Татарстаннан Дәүләт Думасы депутаты Татьяна Ларионова телеграм-каналында хәбәр итте.