Түбән Кама чаңгычысы Алия Иксанова «Хакасия кубогы» ярышларында бронза медаль яулады

(Казан, 4 декабрь, «Татар-информ»). Түбән Кама чаңгычысы Алия Иксанова «Хакасия кубогы» бөтенроссия ярышларында 10 километрга узышта бронза медаль яулады. Бу турыда Түбән Кама муниципаль районы рәсми сайты нда хәбәр ителә. 2 декабрь көнне, «Вершина Тёи» бистәсендә чаңгы ярышлары буенча «Хакасия кубогы» кысаларында дүртенче ярыш узды. Ярыш нәтиҗәләре буенча Татарстан чаңгычылары 4 медаль яулады. Татарстан җыелма командасы капитаны Артем Николаев ирекле стильдә 15 километр арага узышта алтын медаль яулады. Шул ук ярышта Андрей Ларьков өченче урынны алды. Артем Николаев шулай ук классик стильдә 15 километрга узышта өченче урын алды. Денис Филимонов ирекле ярышта беренче булды. Классик стильдә 10 километрга узышта Алия Иксанова бронза медаль яулады.