Новости за 22.12.2020

(Чирмешән, 22 декабрь, «Татар-информ», «Безнең Чирмешән» , Кадрия Гамирова). Чирмешән районының Түбән Кәминкәдәге табиблык амбулаториясе киләсе елда яңа бинага күчәчәк. Авылның уртасында, кибет янында төзелгән блок-модульле амбулаториядә вак-төяк җитешсезлекләрне төзәтәсе һәм документ эшләрен төгәллисе генә калган. Бу турыда район басмасы хәбәр итә. Зур булмаган, 108 квадрат метрлы, яңа дәвалау учреждениясе — көндезге стационар биш урынга исәпләнгән. «Стационарда елга 200ләп авыру дәва ала, ә кабул итүдә 1700ләп кеше була. Читать дальше...

(Казан, 22 декабрь, «Татар-информ», Алинә Айдарова). «Киләчәккә иман белән» хәйрия фонды җитәкләгән «Яшьләр бистәсе» проекты кысаларында Россия Ислам университеты һәм «Мөхәммәдия» мәдрәсәсе студентлары Татарстан авылларында «Ислам нигезләре» дәресләрен укыта. Бу фондка ике ел булуга багышланган тантанада хәйрия фонды җитәкчесе Морат Әхмәров хәбәр итте. «Әлеге проектка биш ел. Фонд проектны матди яктан тулаем каплый. Бүгенге көндә студентлар унике авылда укыта. Аларның барысына да, авыл мәчетләрендә укыткан өчен билгеләнгән стипендия түләнә. Читать дальше...

(Казан, 22 декабрь, «Татар-информ»). Татарстан авыл хуҗалыгы һәм азык-төлек министры Марат Җәббаров «Теләкләр чыршысы» Яңа ел акциясен хуплады. Республика вице-премьеры 10 яшьлек Оливиянең хыялын чынга ашырды, ул бүләккә кар чанасы (снегокат) алырга теләгән. Бу турыда министрлыкның матбугат хезмәте хәбәр итә. «Марат Җәббаров 21 декабрьдә «Корстон»да узган Татарстан Муниципаль берәмлекләре советы съездында чыршыдан открытканы алган. Шул ук көнне баланың хыялы чынга ашырылды, аңа бүләкне тапшырдылар», — диделәр министрлыкта. Читать дальше...

(Казан, 22 декабрь, «Татар-информ», Алинә Айдарова). Казанда сәүдә үзәкләрендә намаз бүлмәләре ачыла башлады. Бу хакта «Киләчәккә иман белән» хәйрия фондына ике ел булуга багышланган тантанада хәйрия фонды җитәкчесе Мурат Ахмеров хәбәр итте. Намаз бүлмәләре «Киләчәккә иман белән» хәйрия фонды һәм Мөселман эшкуарлары ассоциациясе тарафыннан Казанның җәмәгать урыннарында ачыла. Чыгымнарны ассоциация һәм хәйрия фонды каплый. Фонд вәкилләре сүзләренчә, бер намаз бүлмәсен ачу өчен чама белән 100 меңнән 300 меңгә кадәр акча таләп ителә. Читать дальше...

(Казан, 22 декабрь, «Татар-информ», Гөлия Хәсбиуллина). Бүген Мәскәүдә «Ак Барс» хоккейчылары «Спартак» командасы белән көч сынашты. Уенда 3:0 исәбе белән «Ак Барс» отты. Бу җиңү Казан командасы өчен рәттән җиденчесе булды. Беренче период. Җиденче минутта «Ак Барс» һөҗүмчесе Станислав Галиев, командасы күпчелектә уйнаганда, исәпне ачты (0:1). Икенче периодның беренче минутында «Ак Барс»ка әле декабрьдә генә күчеп килгән сакчы Тревор Мёрфи Казан командасы өчен тәүге голын кертте (0:2). Өченче период. Читать дальше...

(Казан, 22 декабрь, «Татар-информ»). Ульяновск өлкәсе губернаторы Сергей Морозов авыл хуҗалыгы һәм эшкәртү промышленносте хезмәткәрләре көненә багышланган тантанада хезмәт алдынгыларына Хөкүмәт бүләкләрен тапшырды. Бүләкләнүчеләр арасында Чардаклы районы «Алга» авыл хуҗалыгы производство кооперативы (колхозы) рәисе Самат Насыров та бар. Бу турыда Бөтендөнья татар конгрессы хәбәр итте. Самат Насыров Ульяновск өлкәсенең Почет медаленә лаек булды. Аның төбәктә авыл хуҗалыгы тармагы үсешенә зур өлеш кертүе... Читать дальше...

(Казан, 22 декабрь, «Татар-информ», Надежда Гордеева). Татарстан шәһәрләрендә һәм районнарында җәмәгать транспортының торышы кагыйдәләрдә һәм законнарда күрсәтелгән нормаларга туры килә. Бу хакта «Татар-информ» мәгълүмат агентлыгында узган матбугат конференциясендә Татарстан транспорт һәм юл хуҗалыгы министры Фәрит Хәнифов хәбәр итте. «Пассажирлар транспортны үзләре сайлый. Кайсы уңайлырак, шуннан файдаланырга кирәк. Бездә барысы да ышанычлы», — диде Татарстан транспорт һәм юл хуҗалыгы министры.... Читать дальше...

(Казан, 22 декабрь, «Татар-информ», «Ватаным Татарстан» , Фәния Арсланова). Коронавирус инфекциясе белән авырган кеше озак вакыт рәткә керә алмый. Хәтта җиңелчә формасы эләксә дә. Хәлсезлек, күңел төшенкелеге, йокысызлык озакка сузыла. Элек, их та димичә, тиз генә башкарган эшләрне эшләү дә кыен. Әйтеп, аңлатып булмастай халәт бу. Шуннан ничек чыгарга һәм элеккечә ничек яши башларга? Хәлсезлек — Ковидның нәрсәләргә сәләтле икәнен аңлый башладык. Коронавирус инфекциясе еш кына бүтән тын юллары вируслы чирләре кебек үтә дисәк тә... Читать дальше...

(Казан, 22 декабрь, «Татар-информ», Гадел Әхмәтҗанов). Россия Гадәттән тыш хәлләр министрлыгының Татарстан буенча баш идарәсе Яңа ел бәйрәмнәрендә пиротехника чараларын сак һәм дөрес кулланырга чакыра. Бу турыда «Татар-информ»да матбугат очрашуында Татарстанның Янгын күзәтчелеге буенча баш дәүләт инспекторы урынбасары Максим Трущин хәбәр итте. «Пиротехника чараларын бары тик махсус кибетләрдән сатып алырга кирәк. Кулланыр алдыннан фейерверк һәм салютларның инструкциясен һәм саклау таләпләрен укып чыгу зарур. Читать дальше...

(Казан, 22 декабрь, «Татар-информ»). Быел Санкт-Петербург Хөкүмәте Татар милли-мәдәни автономиясе өчен шәһәр үзәгендә бина бүлеп бирелгән. Татарстан Республикасы Хөкүмәте әлеге бинаны реставрацияләү һәм ремонт эшләрен башкаруда ярдәм итәчәк. Бу турыда Бөтендөнья татар конгрессы хәбәр итте. Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразиев Санкт-Петербургка эшлекле сәфәр кылды. Ул Татарстан Республикасының Санкт-Петербург һәм Ленинград... Читать дальше...

(Казан, 22 декабрь, «Татар-информ», Эвелина Киселёва). Казанның вакытлыча оештырылган йогышлы авырулар госпитальләрендә эшләүчеләргә туңдырма бүләк иттеләр. Бу турыда «Татар-информ» агентлыгына Татарстан Сәламәтлек саклау министрлыгының матбугат хезмәтендә сөйләделәр. Мәскәү компаниясе «Медицина хезмәткәрләре өчен пломбир туңдырмасы» хәйрия акциясен тәкъдим иткән. «Казанга биш хастаханәгә 4 мең порция туңдырма китергәннәр», — диделәр ведомствода. Шулай итеп, Республика клиник хастаханәсе, Сугыш ветераннары госпитале... Читать дальше...

(Казан, 22 декабрь, «Татар-информ»). Лия Дәүләтьярова «Әлли-бәлли» татар бишек җырын башкарды, ул аның башкаруында яңа музыкаль чагылыш алды. Видеоны Youtube видеосайтының «Яңа дулкын» порталында карарга мөмкин. LIA & BEN дуэтында катнашучы Лия Дәүләтьярова гармония язган һәм продюсер Максим Фролов белән берлектә халык классикасына аранжировка уйлап тапкан. Кызыклы татар проектларын тормышка ашыру өчен эшләнгән @ kami.tatar сайтының идея авторы Айрат Хәсәнов булган. Проект борынгы татар бишек... Читать дальше...

(Казан, 22 декабрь, «Татар-информ»). Бүген Татарстан мөфтие Камил хәзрәт Сәмигуллин Нәзарәттә Татарстанның Казахстандагы вәкаләтле вәкиле Денис Вәлиев белән очрашты. Алар ике тугандаш республика арасында мөселман мәгарифен үстерүдә элемтәләрне ныгыту хакында сөйләште. Бу турыда Татарстан Диния нәзарәтенең матбугат хезмәте хәбәр итте. Денис Вәлиев Казахстан Республикасына Казаннан теология һәм шәригать белгечләрен җәлеп итү мөмкинлеген карауны сорады. Камил хәзрәт хезмәттәшлек оештыруны хуплады. Казахстанга... Читать дальше...

(Казан, 22 декабрь, «Татар-информ»). Россия Премьер-лигасы чемпионатының беренче өлеше тәмамлангач, Казанның «Рубин» командасының баш тренеры Леонид Слуцкий Алтайга ял итәргә киткән. «Алтайның кабатланмас матурлыгы», — дип язган инстаграмда үз сәхифәсендә Казан клубы остасы. Ул Алтай табигате фотоларын куйган.

(Казан, 22 декабрь, «Татар-информ»). Коронавирус таралу сәбәпле, Кырым мөфтие Эмирали Аблаев төбәк мөселманнарын күп кеше җыеп туйлар үткәрүне кичектерергә, ярымутрау мәчетләрендә бер ярым метр дистанцияне сакларга, мәчеткә үз намазлыгың белән килергә, саклагыч битлек кияргә киңәш итә. Бу турыда Интерфакс хәбәр итә. «2020 ел тәмамлана. Кырымда коронавирус таралу аркасында без көн саен якыннарыбызны, туганнарыбызны, дусларыбызны, ватандашларыбызны югалтабыз. Бүгенге көндә куркыныч вазгыять саклана», диелә мөфтинең мөрәҗәгатендә. Читать дальше...

(Казан, 22 декабрь, «Татар-информ»). Бүген Екатеринбургта Татарстан рәссамы Альфрид Шәймәрдановның «Бәхет мәңгелеккә! Альфрид Шәймәрданов рәсемнәре» күргәзмәсе ачылды. Бу турыда Татарстанның Свердловск өлкәсендәге Даими вәкиллегенең матбугат хезмәте хәбәр итә. Татарстанның Свердловск өлкәсендәге Даими вәкиле Хәйдәр Гыйльфанов «Бәхет мәңгелеккә! Альфрид Шәймәрданов рәсемнәре» күргәзмәсен ачуда катнашты. Ул чарага килүчеләрне сәламләде һәм Екатеринбург рәсем сәнгате музеена, Альфрид Шәймәрдановка Рәхмәт хатлары тапшырды. Читать дальше...

(Казан, 22 декабрь, «Татар-информ»). 25 декабрьдә Түбән Новгородның Тимер юлчылар мәдәният сараенда «Татар мәдәнияте көннәре» фестивале була. Бу турыда оештыручылар nizgar.ru сайтында хәбәр итә. Анда Дамир Фәисханов җитәкчелегендәге «Туган як» моңнары ансамбле, Илдус Харрясов, Эмиль Абдулхалеков, Түбән Новгородның милли коллективлары, узган елгы бәйгеләр җиңүчеләре катнаша. Фестиваль чарасында татар халкының милли ризыгы чәкчәктән авыз итәргә мөмкин булачак, төрле күргәзмә һәм остаханә оештырылачак, диелә бу хәбәрдә. Читать дальше...

Бина Татарстан ярдәме белән төзекләндереләчәк.

(Казан, 22 декабрь, «Татар-информ», Эвелина Киселёва). Шампан шәрабе бик тиз канга сеңә, сәламәтлек өчен куркыныч нәтиҗәләр китереп чыгара. Бу хакта «Татар-информ» хәбәрчесе белән әңгәмәдә Татарстан Сәламәтлек саклау министрлыгының баш наркологы Резеда Хаева сөйләде. «Шампан шәрабе организмга бик тиз тарала. Ул канга тиз сеңә һәм, әлбәттә, нерв системасына, йөрәкнең кан белән тәэмин ителешенә, ашказаны асты бизенә йогынты ясый. Ә канга бик тиз сеңү агулануга китерә», — диде спикер. Нарколог сүзләренчә... Читать дальше...

(Казан, 22 декабрь, «Татар-информ»). «Самара татарлары» журналының кушымтасы — 2021 елда истәлекле көннәр һәм вакыйгалар календаре чыкты. Бу турыда «Самара татарлары» сайтында хәбәр ителә. Әлеге басмада танылган милләттәшләребезнең юбилей даталары һәм татарлар өчен мөһим тарихи вакыйгалар турында язылган. Төзүчеләр календарьны файдалы мәгълүмат белән тулыландырырга тырышкан. Аерым алганда, календарь битләрендә гамәлдәге татар иҗтимагый оешмаларының тулы исемлеге һәм аларның элемтәләре, Самара... Читать дальше...

(Казан, 22 декабрь, «Татар-информ»). Татарстан Президенты 22 декабрьдә Мәскәүгә эш сәфәре белән барды. Бу хакта Татарстан Президенты матбугат хезмәте хәбәр итә. Рөстәм Миңнеханов төзелеш һәм шәһәр мохите буенча утырышта булды. Ул эш төркемендә катнашучылар белән РФ Президенты Владимир Путин җитәкчелегендәге Россия Дәүләт Советының иртәгә булачак киңәйтелгән утырышы белән бәйле мәсьәләләр турында сөйләште. Кичә Владимир Путин указы белән Татарстан Президенты Рөстәм Миңнеханов Россия Федерациясе Дәүләт Советы президиумы составына кертелде .

YouTube’тагы «Яңа дулкын» каналында - яңа видео.

(Казан, 22 декабрь, «Татар-информ», Зилә Мөбәрәкшина). Казан дәүләт энергетика университеты ректоры Эдвард Габдуллаҗанов чыгарылыш студентлары энергетика системасында гына тукталырга тиеш түгел дип саный. «Энергетикалар — бар өлкәләрдә дә кирәкле профессия», — дип белдерде ул журналистлар белән очрашуда. «Сәнәгатьтә дә, төзүчелек өлкәсендә дә ихтыяҗ җитәрлек. Торак-коммуналь хуҗалык өлкәсенә дә катнашыбыз бар. Бүгенге көндә шушы өлкә өчен белгечләр әзерли торган юнәлеш юк. Шуңа күрә бездә махсус лабораторияләр булдырылды. Читать дальше...

(Казан, 22 декабрь, «Татар-информ», Гөлнар Гарифуллина). Бүген Татарстан Дәүләт Советы Рәисе урынбасары Марат Әхмәтов «Татар-информ» мәгълүмат агентлыгында булды, татар редакциясенең үсеш күрсәткечләре белән танышты. «Татар-информ» агентлыгының татар редакциясе баш мөхәррире Рәмис Латыйпов яңалыклар лентасы, «Интертат», «Атна вакыйгалары» газетасы сайтлары tatar доменында теркәлгәнен әйтте. «2015 елда 36 мең уникаль укучы булса, 2020 елда 8-9 тапкыр артып, 300 меңгә җитте», — диде. Марат Әхмәтов... Читать дальше...

(Казан, 22 декабрь, «Татар-информ», Гөлүзә Ибраһимова). Татарстанда ата-аналарга, фотографларга һәм аниматорларга балалар бакчасындагы яңа ел бәйрәмнәренә килү тыелды. Бу хакта ТР Министрлар Кабинетында узган брифингта Россия Кулланучы хокукларын яклау буенча күзәтчелек хезмәтенең Татарстан буенча идарәсе җитәкчесе Марина Патяшина сөйләде «Балалар бакчасындагы бәйрәмнәрдә ата-аналар, фотографлар һәм аниматорларның катнашуы рөхсәт ителми. Әлбәттә, бу ата-аналар арасында канәгатьсезлек уята, тик коронавирус инфекциясе таралу шартларында... Читать дальше...