Казан телеманарасы Ураза Гаете көнне төсле утларын кабызачак
20 апрельдә Казан телеманарасында бәйрәм утлары кабына. Анда якынлашып килүче Ураза гаете белән котлау да булачак. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.
Бәйрәм утлары 19:00 сәгатьтән 23:00 сәгатькә кадәр янып торачак.
Искәртик, Татарстанда 21 апрель, Ураза гаете, эш көне булмаган бәйрәм көне дип игълан ителде.