Ел саен Казанның мәгариф өлкәсенә шәһәр бюджетының 70 проценты бүлеп бирелә

Ел саен Казан бюджетының 70 проценты мәгариф өлкәсенә бүленә. Бу хакта Татарстан башкаласы мэры Илсур Метшин педагогия хезмәткәрләрнең республика август киңәшмәсендә белдерде.

«Казан мәгарифе бүген — шәһәребез халкының биштән бер өлешен үз эченә алган глобаль система. Бу системаның эш сыйфатына шәһәребез һәм республикабызның киләчәге, ә иң мөһиме — һәр кешенең һәм гаиләнең киләчәге бәйле», — диде мэр.

Метшин сүзләренчә, быел Казанда «рекордлы санда объектлар»— 440 урынга исәпләнгән 2 балалар бакчасы һәм 4 мәктәп ачылачак. «Алар иң заманча [техника белән] итеп җиһазландырылган. Бу — бассейннар, актлар һәм тренажер заллары, иркен китапханәләр һәм лабораторияләр. Һәрберсенең үз «йөзе» һәм концепциясе бар», — дип билгеләп үтте ул.

Мәгариф учреждениеләренә капиталь ремонт дәвам итә. Ун ел эчендә 106 мәктәп һәм 88 балалар бакчасы капиталь төзекләндерелгән. Быел 17 мәктәп һәм 7 балалар бакчасында ремонт эшләре төгәлләнә.