Новости за 25.08.2023

Татарстан Әлмәт муниципаль районы башлыгы Тимур Нагуманов «Авангард» үзәгендә булды. Үзәк директоры Дарья Борисова экскурсия үткәрде, анда торак корпусларны, уку биналарын, башлангыч хәрби әзерлек белән шөгыльләнү өчен инфраструктураның иң кызыклы элементларын күрсәтте, аерым дисциплиналарны укыту методикасы һәм белем бирү процессын оештыруда гомуми алым белән таныштырды. Бу хакта «Әлмәт таңнары» хәбәр итә.

Салих Сәйдәшев исемендәге Зур концертлар залында Муса Җәлил исемендәге «Шагыйрь һәм музыка» I һәм II музыкаль-шигъри фестиваль лауреатларын бүләкләү концерты булды.

Аны террорчылыкка чакыруда гаеплиләр

ТР Рәисе Рөстәм Миңнеханов Хәрби махсус операциядә катнашучы өлкән лейтенант Рәсим Баксиковка телеграмма җибәрде. Ул аны Россия Федерациясе Герое исеменә лаек булуы белән котлады.

Драматург һәм дәүләт эшлеклесе Туфан Миңнуллинның Кама Тамагы районы Олы Мәрәтхуҗа авылындагы музей-утар территориясе төзекләндерү эшләреннән соң быел тәмамланган төс алды. Белгечләр язучының туган йорты тәрәзәләреннән күренгән күлне кабат торгызган, камыш һәм өрәңге куаклыкларын чистарткан. Туфан Миңнуллин чишмәсен, музей-утар һәм авылның яңа клубын яңартылган юллар тоташтырды. Эш Татарстан Республикасы Дәүләт Советы депутатлары инициативасы белән башкарылган.

Екатеринбургта 26 август көнне Татар мәдәнияте көне уза. Чара Татарстан Республикасы көнен бәйрәм итү кысаларында «Орджоникидзе» мәдәният үзәгендә оештырыла. Бу хакта Бөтендөнья татар конгрессы матбугат хезмәте хәбәр итә.

2024 елда бердәм дәүләт имтиханы тапшырганда үзгәрешләр, математиканың база өлеше һәм химия фәненнән кала, башка барлык дисциплиналарга да кагылачак. Имтихан бланкларының күрсәтмә вариантлары Федераль педагогик үлчәүләр институты (ФИПИ) сайтында дөнья күргән.

Мәскәү мэры Сергей Собянин «Tatarstan Today. Дөньяга ачык» программасы авторы һәм алып баручысы Динә Газалиевага Рәхмәт хаты тапшырды. Бүләкне ул Татарстан һәм Мәскәү элемтәләре турында тапшырулар циклы һәм ике төбәкнең дуслык һәм хезмәттәшлеген ныгытуга зур шәхси өлеш керткәне өчен алды.

ТР башкаласында Идел буе язучылары арасында конкурс үткәреләчәк. Профессиональ журналистлар һәм блогерлар катнаша ала. Конкурска рус телендә моңарчы басылмаган эшләр кабул ителә. Алар тикшерү, репортаж, интервью, мәкалә жанрында язылырга мөмкин. дип хәбәр итә Казан мэриясе матбугат хезмәте.

Татарстанда урып-җыю кампаниясе төгәлләнү алдында: бүгенгә 1 млн 333 мең гектар мәйданда бөртекле культуралар суктырылган, ул планның 92 процентын тәшкил итә. Бу хакта Хөкүмәт Йортында узган киңәшмәдә Татарстан авыл хуҗалыгы һәм азык-төлек министрының беренче урынбасары Ленар Гарипов хәбәр итте.

Республика көне алдыннан Казан Кремлендә Татарстан Рәисе Рөстәм Миңнеханов һәм аның хатыны исеменнән иң яхшы гаиләләрне кабул иттеләр. Ел саен оештырылучы бу чара инде унынчы тапкыр үтте. Быел республиканың төрле районнарыннан 47 гаилә хөрмәтләнде.

Татарстан Республикасы һәм Казан шәһәре көненә багышланган чараларда иминлекне тәэмин итәргә кирәк. Татарстан Республикасы Хөкүмәт Йортында узган республика киңәшмәсендә Рөстәм Миңнеханов шундый йөкләмә бирде.

Бүген Мәскәүдә каһарман-шагыйрь Муса Җәлил һәм аның көрәштәшләрен хөрмәтләп искә алдылар. Күренекле татар әһеле һәйкәленә чәчәкләр салдылар. Бу хакта Татарстан Республикасының Россия Федерациясендәге Тулы вәкаләтле вәкиллеге хәбәр итә.

Татарстанның Мамадыш районында эшче үлеменнән соң тикшерүчеләр җинаять эше кузгаткан. Бу хакта Татарстан Республикасы буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә.

Габдулла Кариев исемендәге Казан татар дәүләт яшь тамашачы театры яңа сезонга әзерләнә. «Татар-информ»да узган матбугат конференциясендә театрның проблемалары турында сөйләштеләр. Кариев исемендәге яшь тамашачы театры баш режиссеры Ренат Әюпов төп проблемаларның берсе дип, репетицияләрнең башка телдә баруын әйтте. «Күп театрларда туган телдә сөйләшү, репетицияләр ниндидер чит-ят телдә баруы – ул зур проблема», – диде режиссер.

6 сентябрьдә М12 тизйөрешле трассасының Мәскәүдән Арзамаска кадәр участогын ачу планлаштырыла, ә декабрьдә Казанга кадәр юлның бер өлеше төзелеп бетәргә тиеш. Бу хакта Россия вице-премьеры Марат Хөснуллин ТАССка биргән әңгәмәдә хәбәр итә.

Казанда Муса Җәлил музей-фатирында герой-шагыйрь һәм аның көрәштәшләрен искә алдылар. «Апуш» татар балалар театры студиясе шәкертләре Муса Җәлилнең кызына язган хатларын укыды. Чулпан Җәлилова хатларны кадерләп саклавы турында сөйләде.

Ул ике атна вакытлыча тотарлау урынында утырып, бүген иреккә чыккан иде.

Бүген Казан Кремлендә Татарстан Республикасының иң яхшы гаиләләрен кабул иттеләр. Чара Татарстан Рәисе Рөстәм Миңнеханов һәм аның хатыны Гөлсинә Миңнеханова исеменнән оештырылды.

Татарстан Рәисе Рөстәм Миңнеханов Яшел Үзән районына сәфәре вакытында Васильево бистәсендә Советлар Союзы Герое Николай Волостнов исемендәге кадет мәктәп-интернатында булды. Бу хакта республика җитәкчесе матбугат хезмәте хәбәр итә.

На этот раз денежные сертификаты вручили комбайнёрам, перешагнувшим рубеж в 3 тысячи тонн. Награду получили 6 экипажей.

«Мелодия» фирмасы Татарстанның һәм Россиянең халык артисты Илһам Шакировның «Туган моңнар» альбомын чыгарган.

Татарстан Рәисе Рөстәм Миңнеханов һава шарлары фестивалендә катнашучылар төшергән фотоны үзенең язылучылары белән уртаклашты. Зөя күренешләре сурәтен ул үзенең телеграм-каналында күрсәтте.

Cегодня в Татарстане создано 6 885 госпабликов с общей численностью подписчиков более 2,8 млн человек.

Татар җәмәгатьчелеге Яңа татар бистәсе зиратында Каюм Насыйри каберен зиярәт кылды. Каюм Насыйринең энесе Габделкавиның оныгы – галим Илдар Бариев Каюм Насыйри турында фикерләре белән уртаклашты. Ул оныгы Артур белән килгән иде.