Новости за 08.08.2023

Әлки районының Татар Борнаенда туып үскән, Татарстанның халык, Россиянең атказанган артисты Мирсәет Сөнгатуллинга 25 июльдә 70 яшь тулды. Шул уңайдан ул район мәдәният йортында иҗат кичәсе үткәрде. Бу хакта «Әлки хәбәрләре» яза.

Казанда 2023 елның 1 маеннан башлап ашыгыч ярдәм бригадалары «суга баткан» дигән хәбәр алып, сулыкларга 20 тапкыр барган. Бу хакта «Татар-информ»га Шәһәрнең сәламәтлек саклау идарәсе матбугат хезмәтендә сөйләделәр.

Камал театры 118нче сезонын ачарга җыена. Колумбиядән режиссер Алехандро Гонсалес Пуче Казанга килүен ел ахырына кичектергән. Театр аксакалы Әзһәр Шакиров исә "бәхетсез елда" яшәешне үзгәртергә чакыра.

Республика буенча һава торышы фаразларына күз салсак, иртәгә алмашынучан болытлы һава торышы күзәтелә. Явым-төшем күренми, дип җиткерә Татарстан Республикасы Гидрометеорология һәм әйләнә-тирә мохит мониторингы идарәсе.

Актаныш районында Чөгәнә авылы янындагы Чөгәнә күлендә батып үлгән ир-ат мәетен тапканнар, дип хәбәр иттеләр ТР буенча Россия Гадәттән тыш хәлләр министрлыгы матбугат хезмәтендә.

Татарстанда быел «Авыл территорияләрен комплекслы үстерү» РФ Дәүләт программасы буенча финанслау күләме 803 млн сум булган биш эре проект гамәлгә ашырыла. Саба районының Байлар Сабасы бистәсендә 500 урынга исәпләнгән мәктәпкә керү юллары төзеләчәк, ә Кукмара районының Манзарас авылында урам юлы челтәре төзелешенең икенче этабы узачак.

«Интертат» сайтының «Вконтакте» төркемендә туры эфирда уза торган «Әйтер сүз» рубрикасында «Ватаным Татарстан» газетасының баш мөхәррире Гөлнара Сабирова журналистикада ни өчен хатын-кызлар күп булуы турында әйтте.

М12 Мәскәү - Казан трассасы төзелеше тәмамланды диярлек, дип белдерде РФ вице-премьеры Марат Хөснуллин бүген төзелеш тармагын үстерү буенча Президент Владимир Путин үткәргән киңәшмәдә.

Татарстанда яшь укытучылар «Безнең яңа укытучыбыз» гранты конкурсында катнаша алачак. Бу ярдәм чарасы беренче тапкыр 2011 елда гамәлгә куелды һәм бу эш Татарстан Республикасы Рәисе Рөстәм Миңнеханов хуплавы белән яңадан башлана. Грантның төп максаты – мәктәпләргә яшь педагогларны җәлеп итү, дип яза «Республика Татарстан» газетасы.

Узган ел йомгаклары буенча Россиядә торак төзелеше күләме 102,7 млн квадрат метр тәшкил итте – бу ил тарихында абсолют рекорд, дип белдерде РФ Президенты Владимир Путин төзелеш тармагы мәсьәләләре буенча киңәшмәдә.

«Казан Кремле» музей-тыюлыгы территориясендә Татарстан сынлы-сәнгать музееның филиалы булган «Хәзинә» милли сәнгать галереясендә 9 август көнне Бөтендөнья каллиграфия көненә багышланган күргәзмә ачылачак. Бөтендөнья татар конгрессы матбугат хезмәтендә хәбәр итүләренчә, бәйрәм 2017 елда гамәлгә куелган, бу уңайдан күргәзмә Казанда беренче тапкыр уза.

Татарстанда яшәүче 400 меңгә якын кешенең күз авырулары бар. Бу хакта «Татар-информ»да узган матбугат конференциясендә Казан Сәламәтлек саклау идарәсенең штаттан тыш баш белгече-офтальмологы, Республика клиник офтальмология хастаханәсенең поликлиника бүлеге буенча баш табиб урынбасары Елена Жиденко хәбәр итте.

Әлмәт театры Муса Җәлилнең «Алтынчәч» либреттосы мотивлары буенча спектакль чыгарачак. Премьера ноябрь ахыры яки декабрь башында булыр дип көтелә.

Казан Кремленең Спас манарасын реставрацияләү тәмамланып килә. Казан халкы һәм туристлар өчен шәһәр символы булган истәлекле объектны ачу август ахырында-сентябрь башында ниятләнә.

Һиндстанда Eris дип аталган коронавирусның яңа штаммы табылган. Ул хәзер Бөекбританиядә тиз тарала, дип хәбәр итә Economic Times. Бу хакта РИА Новости яза.

Иртәгә Кабан күле яр буенда «Алтын тәлинкә» төбәкара кинопремиясе каталогының экология җыентыгыннан ике фильм күрсәтәчәкләр. Бу хакта Казан мэриясе матбугат хезмәте хәбәр итә.

Озакка сузылган авырудан соң 60 яшендә Самара өлкәсе башкортлары корылтае рәисе, танылган җәмәгать эшлеклесе Сафиулла Наил улы Вилданов вафат булды, дип хәбәр ителә «Самара татарлары» сайтында.

Сегодня в отделе ЗАГС будущий участник СВО Евгений и его возлюбленная Татьяна заключили брак.

Татарстанның Кукмара районында үлем очрагы белән тәмамланган юл-транспорт һәлакәте булды, дип хәбәр иттеләр республика Дәүләт автоинспекциясендә.

Ата-аналар фикеренчә, Казан мәктәп яшендәге балалар белән яшәү өчен иң яраклы булган өч лидер-шәһәрләр исемлегенә керә. Татарстан башкаласы рейтингта Мәскәү һәм Санкт-Петербургтан соң өченче урында, дип яза РИА Новости әлеге тикшеренүләргә сылтама белән.

В среду, 9 августа, в Нурлатском районе ожидается переменная облачность. Без существенных осадков.

«Мәдәни җомга» газетасы баш мөхәррире, язучы Вахит Имамов Актаныш районы Байсар авылына 450 ел икәнлеген исбатлаган. Ул әлеге истәлекле датаны билгеләп үтәргә кирәк дип саный.

Узган якшәмбедә Лаеш районы Пиголи авылындагы йортларның берсендә 52 яшьлек ир-атның мәетен тапканнар, ул мылтыктан атып үтерелгән булган. Йорт хуҗасының мәетен якындагы урманда тапканнар. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә.

Самое протяженное искусственное сооружение на всей трассе М12 строится в рамках национального проекта «Комплексный план модернизации и расширения магистральной инфраструктуры».

В мировом суде Нурлатского района вынесли решение водителю, управлявшему автомобиль в нетрезвом состоянии.