Миңнеханов Иминлек Советының транспорт куркынычсызлыгы буенча комиссия составын үзгәртте
Татарстан Рәисе Рөстәм Миңнеханов Татарстан Республикасы Иминлек Советының транспорт куркынычсызлыгы буенча ведомствоара комиссиясе составын үзгәртте. Карар хокукый мәгълүмат порталында дөнья күрде.
Әйтик, Татарстан Транспорт һәм юл хуҗалыгы министрлыгы башлыгы урынбасары Айрат Садыйков комиссия рәисе урынбасары, Ә Татарстан Транспорт министрлыгының транспорт идарәсе автотранспорт бүлеге башлыгы Мария Захватова секретарь итеп расланды.
Шулай ук комиссия составына (килешү буенча) Казан башкарма комитетының Тышкы төзекләндерү комитеты рәисе урынбасары Марсель Әхмәтҗанов, Россия Федераль куркынычсызлык хезмәтенең Татарстан буенча идарә бүлекчәсе җитәкчесе Алексей Бобков, Татарстан буенча Эчке эшләр министрлыгының ЮХИДИ идарәсе башлыгы Рөстәм Гарипов, Казан башкарма комитеты җитәкчесе урынбасары Илдар Шакиров һ. б. керде.
Ведомствоара комиссия республика Иминлек Советының карары белән 2010 елның сентябрендә оешты.