امریکا ته د کډوالۍ کېس لرونکي افغانان وایي، وروستیو پېښو اندېښمن کړي دي. په دوی کې ګڼ هغه افغان دي چې په ویزه پاکستان ته تللي خو د پروسیې د اوږدېدو له وجې لا هم هلته مېشت دي او د پاکستانۍ ویزو موده یې ختمه شوې ده.
پښتون ژغورنې غورځنګ (پي ټي اېم) پر چمن پوله د تګ راتګ لپاره د پاسپورټ او ویزې شرط لازمي کولو پرضد د کوټې پر لوري لاریون ته دوام ورکړی دی. دا لاریون د نومبر پر ۱۷مه له چمنه پیل شوی وو. دا په داسې حال کې ده چې د پاکستان حکومت د نومبر پر لومړۍ نېټه پر چمن د تګ راتګ لپاره د ویزې او پاسپورټ شرط عملي کړی او وايي دا کار د امنیت ټینګښت او قاچاق مخنیوي لپاره کوي. ویډیويي رپورټ.
په کراچۍ کې پولیس پر هغو ځایونو چاپې وهي چې افغانان پکې له کلونو راهیسې اوسېږي. پولیس وایي دوی یوازې هغه افغانان ستنوي چې هلته د اوسېدو قانوني اسناد نه لري. بلخوا افغان کډوال وایي اوس په افغانستان کې یخني زیاته شوې ده او په خېمو کې به له وړو ماشومانو سره ژوند کول ورته ګران شي. د فرانس پرېس اژانس ويډيو
د خوست ولایت د صبریو او یعقوبیو ولسوالۍ اړوند د څپري غره په لمن کې مشاعره شوې ده. د نومبر ۱۷مې مشاعرې ته لسګونه شاعران او د ادب مینه وال ورغلي ول. د خوست ولایت په هغه سیمه کې پخوا ناامني وه خو اوس پکې ټولنیز او فرهنګي فعالیتونه پیل شوي دي. تفصیل په ویډیویي رپورټ کې.
له پاکستانه افغانستان ته ستانه شوي افغان کډوال وايي، له نوي سر نه د ژوند پیلولو چارې ورپغاړه دي. په دوی کې یې ځیني د خپل سباوون په اړه اندېښمن دي خو ځیني بیا هیله لري چې یو ښه ژوند به پیل کړي. په دې اړه نور تفصیل د اې اېف پي په دې ویډيويي راپور کې.
د بلوچستان چارواکو د نومبر له پیل راهیسې پر چمن بې له پاسپورټ او ویزې تګ راتګ درولی دی او وایي چې دا ګام یې په هېواد کې د امنیت ساتلو او قاچاق د مخنیوي په خاطر اخیستی دی.
د پېښور په اېډورډز کالج کې د پښتونخوا رنګونو په نوم یوه ورځنۍ کلتوري مېله شوې ده. د نومبر ۱۸مې په مېله کې زده کونکو د خیبر پښتونخوا د بېلابېلو سیمو دودیزې جامې او خواړه نندارې ته ایښي ول. دا راز ګډونوالو د پنجاب، بلوچستان، چترال او نورو سیمو فرهنګي توکي هم خوښ کړل. په مېله کې د موسیقۍ پروګرام هم وو چې پکې ځوانانو اتڼونه وکړل. ویډیويي رپورټ.
د نومبر پر ۱۸مه د ځوانو ډاکترانو د ټولنې یوشمېر مخکښه مشرانو او غړو د کراچۍ د خبریالانو د مرکز مخې ته مظاهره وکړه او چارواکو ته یې ۴۸ ساعته وخت ورکړ چې ډاکتر محمد اسماعیل اڅکزی پیدا کړي.
په کراچۍ کې د افغان کډوالو د نیونو او په زور له پاکستانه د ایستلو ضد یو ځل بیا احتجاج شوی دی. د نومبر ۱۸مې د احتجاج تابیا د افغان کډوالو د مرستو لپاره جوړې کمېټۍ کړې وه چې د ګوندونو غړو، وکیلانو او د بشري حقونو فعالانو هم پکې ګډون وکړ. مظاهرچیانو د پاکستان پر حکومت غږ وکړ چې د افغان کډوالو له نیونو او ایستلو لاس واخلي. د پاکستان حکومت د نومبر له لومړۍ نېټې د بې اسناده افغان کډوالو ایستلو ته دوام ورکړی دی او وایي، دا کار د هېواد امنیت لپاره کوي. تفصیل په ویډیو کې.
د هند او اسټرالیا لوبډلې د کرکټ ۵۰ اووره نړیوال جام په پایلوبه کې یو بل ته مخامخ شوې دي. د نومبر ۱۹مې سیالي د پېښور له وخت سره سم ماسپښین یوه نیمه بجه او د کابل پر وخت یوه بجه پیل شوه چې پچه یې اسټرالیا وګټله او هند ته یې د بیټېنګ (توپوهنې) بلنه ورکړه. دا لوبه د هند د ګجرات ایالت د احمد اباد په نرېندرا مودي نړیوال لوبغالي کې کېږي چې پکې ۱۳۲،۰۰۰ نندارچیان ځایېدای شي. هغه په نړۍ کې د کرکټ تر ټولو لوی لوبغالی بلل کېږي. هند په نیمه پایلوبه کې نیو زيلینډ ته او اسټرالیا جنوبي افریقا ته ماتې ورکړه او په دې توګه دواړه لوبډلې پایلوبې ته ورسېدې. Читать дальше...
د جاپان د هغه سپی د زوکړې ۱۰۰ کاله پوره شوه چې د وفاداری سېمبول یا علامت بلل کېږي. سيلګر په ټوکيو ښار کې د هوچيکو نومي هغه سپي مجسمې ليدو ته ورځي او ورسره تصويرونه اخلي. د اې اېف پي له ویډیو جوړ رپورټ.