Новости за 19.08.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 24067-ҩык ыҟоуп, ргәы бзиахеит 19408-ҩык, рыԥсҭазаара иалҵит 357-ҩык.

АҶА Гагратәи аҟәша аиҳабы Давид Бганба арадио Sputnik иаиҭаз аинтервиу аҿы еиҭеиҳәеит сынтәатәи аԥсшьараамҭа иалагӡаны амашәыр иақәшәаз аԥсшьаҩцәа рхыԥхьаӡара ахьынӡаҟоу, насгьы аиқәырхаҩцәа рымчқәа ахьынӡеизибархо.

Нанҳәа 6 рзы Аԥсныҟа иааргеит 5 000 доза алаҵа "Спутник Лайт". Аахәареи аагареи ихахьы игеит Москватәи Аԥсуа диаспора аиҳабы Беслан Агрба.

Анардадаҩ Акционертә еилазаара "Газпром промгаз" аделегациа Аԥсныҟа иаараны иҟоуп 2021 шықәса цәыббрамзазы атәыла газла аиқәыршәара апроект анагӡара азҵаарақәа рылацәажәаразы.

Апатреҭ Адунеизегьтәи амш азы Sputnik Аԥсны абильд-редактор, афотоҭыхҩы Марианна Кәыбрааԥҳа арадиоефир лхы алалырхәит.

Ҳашԥсытәи аиҩхаа иахьаҵанакуа иӡыз атурист иԥшаара напалакын нанҳәа 18 азы.

Аԥсны атәылауаа рҭаҩразы Аԥҟара ахарҭәаарақәа алагалоуп 2021 шықәса нанҳәа 12 рзы атәыла ахада инапы зҵеиҩыз Аусԥҟа инақәыршәаны.

Нанҳәа 19 рзы Аиашахаҵаратә уахәамаҿ иазгәарҭоит Анцәа Иҽеиҭакра аныҳәа. Аныҳәа аҵаки ауахәамақәа рҿы уи шазгәарҭои арадиоефир аҿы еиҭеиҳәеит Аҟәа араион Гәыма ақыҭан иҟоу Анцәа Иҽеиҭакра ауахәама амаҵ азызуа аб Никита.

Ахаҵа адокументқәа имамызт, аҳәаа ахысра игәҭакын аушьҭырҭатә ҭыԥ "Адлер" ала акәымкәа, дахыкәшаны.

Урыстәыла атәылахьчара аминистрра Аладатәи арратә округ хырхарҭарацәалатәи амобилтә госпиталь Аԥсныҟа иааит нанҳәа 18 рзы, раԥхьатәи COVID-19 злоу апациентцәа рыдкылара иалагеит нанҳәа 19 рзы.

Атурист дыӡит Гагра араион аҵакыраҿы, абри азы адырра ҟаҵан нанҳәа 18 асааҭ 19:45 рзы.

Аԥсныҟа иааит Урыстәыла арратә мобилтә госпиталь. Иабанӡахымԥадатәиу дырҩегьых уи Аԥсны аҟазаара, насгьы ҳарҭ ауааԥсыра ишьақәыргылоу аԥкрақәа ҳаҽрықәҳаршәар абанӡаҳахәҭоу, абри азы арадио Sputnik аефир аҿы игәаанагара иҳәеит Ауаажәларратә палата алахәыла Низам Ҳапат.

Урыстәылеи Аԥсни ртәылауаак еиҿыркааит Аԥснынтәи Урыстәылаҟа закәаншьаҭада амашьынақәа анаҩс рыҭиразы ралгара асхема.

Ақыҭанхамҩа аминистрраҿы ахықәкытә программа "2021 шықәсазы ақыҭанхамҩа аҿиара" алахәхаразы анаплакыҩцәа инарышьҭыз азыҳәақәа ҭырҵааит.

Аҟәатәи ақалақьтә еизара аилатәараҿы аҳҭнықалақь ахадас Беслан Ешба икандидатура иахәаԥшуан нанҳәа 18 азы.