Новости за 05.07.2021

Парламент имаратынын алдына он чакты адам Түркияда камакта жатканы белгилүү болгон Орхан Инандыны мекенине кайтарууну талап кылып чыгышты. Алар колдоруна “Кыргыз Республикасынын жаранын кайтарып бергиле” деген баракчаларды кармап турушту. Кыргызстандын бийлиги Инандыга байланыштуу азырынча үн ката элек. Тышкы иштер министрлиги Түркиянын элчиси Ахмет Садык Доган министрликке Орхан Инандынын маселеси боюнча чакыртылганын билдирди. Кыргызстанда буга чейин да Инандыны табууну талап кылган митингдер өткөн болчу. Читать дальше...

"Сапат" билим берүү мекемелеринин башчысы Орхан Инанды Түркияга алынып келгенин түрк президенти Pежеп Тайып Эрдоган 5-июлда элге кайрылып жатып билдирди. "Атайын кызматыбыздын өкүлдөрү Борбор Азиянын ФЕТО боюнча жооптусу Орхан Инандыны өлкөбүзгө алып келип, сот тармагына өткөрүп берди. Кийин бул киши ФЕТО кыймылынын жогорку башкаруучуларынын катарына кирип, ФЕТОнун кир акчаларын Борбор Азияга жумшаган. Башка террордук уюмдар менен күрөшкөндөй эле ФЕТО менен да күрөштү улантабыз", - деди Эрдоган. Читать дальше...

Орусияда коронавирус кайра күчөдү. Бир катар шаарларда эмгек мигранттарына эмдөөдөн өтүү талабы коюлду. COVID-19га байланыштуу оорлогон абал жана жаңы эрежелер Орусияда жашап, иштеген кыргызстандыктарга кандай таасир этти?

15 миллион калкы бар Стамбулда орточо эсеп менен айына 400 батир чет өлкөлүктөргө сатылат. Түркиялык серепчилердин айтымында, Европа менен Азияны бириктирген бул шаарда үй алгысы келген чет өлкөлүктөрдүн саны жыл сайын өсүүдө. Дүйнөнүн эң ири метрополитенинде батирлердин баасы канча жана чет өлкөлүктөргө кандай шарттарда сатылат? Бул суроолорго жеке риелтор болуп иштеген кыргызстандык Венера Алишова жооп берди.

Баткенде кыргыз-тажик чек арасындагы куралдуу окуяда жабыр тарткан үйлөрдү тикелөө башталды. Президенттик аппараттын мурдагы жетекчиси Фарид Ниязов соттун чечими менен камакта калды. Ооганстанда "Талибан" чабуулун күчөттү, өкмөттүк аскерлер Тажикстанга чегинүүдө.

"Чек арасыз кабарчылар" уюму Венгриянын премьер-министри Виктор Орбанды "эркин прессанын душманы" тизмесине кошту. Европа Биримдигине мүчө өлкөнүн лидери алгачкы жолу Түндүк Кореянын башчысы Ким Чен Ын, Сириянын президенти Башар Асад менен бир тизмеде орун алды. 5-июлда "Чек арасыз кабарчылар" уюму Орбан жана ал жетектеген "Фидес" партиясы 2010-жылы бийликке келгенден бери Венгриянын эркин медиасына басым жасап, аны көзөмөлгө алууга аракет кылып келгенин билдирди. Уюм Орбан “саясий-экономикалык көз боемочулук... Читать дальше...

“Азаттык” радиосунун “Бийлик сырлары” берүүсүнүн бул жолку коногу "Манас" жана Чыңгыз Айтматов атындагы академиянын президенти, коомдук ишмер Топчубек Тургуналиев. Ал докторлук ишин коргоодон эмнеге баш тартканы, демократиялык уюмга келиши, Акаев, Бакиев, Масалиев сындуу саясатчылар, өзүнө козголгон кылмыш иштери тууралуу айтып берди.

АКШ менен Европанын бир топ компаниялары акча опузалаган кибер чабуулдарга дуушар болду.

Чайдан башка эч нерсе сатылбаган Ноокаттагы эски чайкана. Нарындык Калыйкул Ысыралиевдин ажайып күнөсканасы. Алайдагы Ленин чокусуна чыккысы келген туристтердин агымы солгундады. Сузакта үй-бүлөдөгү мамиле талкуулана турган борбор ачылды.

Спорт бул жеңиштер, рекорддор менен чектелбейт. Sputnik Кыргызстандын кезектеги сүрөт түрмөгүнө таймаштардагы күлкүлүү учурлар камтылды.

Министрлер кабинетинин төрагасы Улукбек Марипов Азиялык паралимпиадалык комитетинин президенти Маджид Абдулла Рашед аль-Усайми менен жолугуп, кызматташуу жолдорун талкуулады.

Литванын тышкы иштер министри Габриэлюс Ландсбергис Вильнюс Светлана Тихановскаянын кеңсесин Беларус демократиясынын расмий өкүлчүлүгү катары тааный турганын жарыялады.  “Мындай жол менен Александр Лукашенконун режиминин мыйзамсыз экенин таануунун жаңы этабы башталды”, - деп  Тихановскаянын кеңсеси билдирди. Литва Беларус оппозициясын расмий тааныган Евробиримдиктин алгачкы мүчөсү. Учурда Тихановская жетектеген оппозициянын өкүлчүлүгүн ачуу боюнча башка өлкөлөр менен сүйлөшүүлөр жүрүп жатат.... Читать дальше...

Мамлекеттик бажы кызматы аткезчиликке каршы күрөшкө байланыштуу жарым жылдын жыйынтыгын чыгарды. Ага ылайык, жыл башынан бери 1301 факты катталып, басымдуу бөлүгүнө иш козголду. Анда беш миллион сомдон ашык айып пул өндүрүлүп, 25 миллион сомдон көп бажы төлөмдөрү алынды. Ушул тушта 114 материал тергөө органдарына берилип, 64,5 миллион сомдой зыян өндүрүлдү. Быйылкы жылдын биринчи жарымында бюджетке кошумча 121 миллион сомдон көп акча түштү жана бул былтыркыга салыштырмалуу 46,5 миллион сомго көп. Читать дальше...

Тажикстандын бийлиги 18 жаштан жогорку жарандарды сөзсүз эмдөөдөн өтүүгө милдеттендирди. Өзбекстанда эмдөөдөн өткөн студенттерге окуу акысын төлөөдө 10 пайыз жеңилдик берилмей болууда. Казакстанда  акыркы эки күндөн бери вирус жугузуп алгандардын саны кескин көбөйүп жатат.

Кыргызстанда июнь, июль айларында коронавирус жуктургандар көп болгондуктан, ыкчам жардам берүүчү 118 кызматын кеңейтүү иштери жүрүп жатат. Бул тууралуу Саламаттык сактоо жана социалдык өнүктүрүү министрлиги кабарлады. Мындан ары бейтаптар 118 кызматы аркылуу аралыктан эле жардам албай, коронавируска каршы эмдөөгө кезекке тура алышат. Бул кызматка үй-бүлөлүк дарыгерлер, Кыргыз мамлекеттик медициналык академиянын жогорку курстарынын студенттери, ординаторлор да кошулду. Кызматтын иштөөсүнө БУУ... Читать дальше...

Москва соту Pussy Riot тобунун мүчөсү, активист Вероника Никульшинаны 15 суткага камакка алуу чечимин чыгарды. Ал 2-июлда кечинде Москвада "коомдук тартипти бузган" жана "полициянын буйругуна баш ийген эмес" деген айып менен кармалган. Бирок аны менен бирге болгон Роман Дуров Москванын чеке белиндеги дачалардын биринде эс алып жатканда милиция кызматкерлери келип, эч себепсиз Никульшинаны кармап кеткенин билдирди.  Никульшина дал ушундай эле айыптар боюнча жазасын өтөп, 1-июлда тергөө абагынан бошотулган. Читать дальше...

Бүгүн, 5-июлда Бишкек шаардык соту президенттик аппараттын мурдагы жетекчиси Фарид Ниязовду 10-августка чейин камакта калтыруу боюнча райондук соттун чечимин күчүндө калтырды. Бул тууралуу "Азаттыкка" Ниязовдун адвокаты Замир Жоошев билдирди. "Өткөндө райондук сот Ниязовдун баш коргоо чарасын 10-августка чейин узартуу боюнча чечим кабыл алган. Мен бул чечимге нааразы болуп, Бишкек шаардык сотуна доо арыз менен кайрылгам. Бирок  шаардык сот да бул чечимди күчүндө калтырды. Фарид Ниязов 9-октябрдагы... Читать дальше...

Ош аймактык шайлоо комиссиясынын (АШК) төрагасы Урмат Аттокуров “Биздин Кыргызстан” партиясын добуш сатып алууга айыптаган арыз түшө электигин билдирди. Анын маалымдашынча, үгүт өнөктүгүнө байланыштуу күнүгө 10 чакты  кайрылуу түшүп жатат. "Көрнөк-жарнактарга байланыштуу кайрылуулар келип жатат. Добуш сатып алуу, админресурс колдонуу тууралуу арыз түшө элек. Кээ бир арыздар такталбагандыктан кыскарды, айрымдары укук коргоо органдарына жөнөтүлөт. Бүгүн эле жети ишти милицияга жөнөтүп, дагы жети ишти комиссия карап атат". Читать дальше...

Иран Бушердеги Атомдук электростанциянын ишин калыбына келтирди. Бул тууралуу өлкөнүн мамлекеттик маалымат каражаттары жазды. 20-июнда техникалык авариядан улам электрстанциянын иши үзгүлтүккө учураган. Өлкө бийлиги АЭСтеги генератор "техникалык себептен улам иштен чыкканын" кабарлаган. АЭСтин директору Махмуд Жафари 1000 мегаваттык объектиде иштен чыккан жабдыктар оңдолуп, электр энергия өндүрүлө баштаганын билдирди. Жафари өлкө жарандарына кайрылып, электрстанциясы ишин толугу менен калыбына... Читать дальше...

Ооган өкмөтүнүн жүздөгөн аскерлери Тажикстанга кире качууга аргасыз болду. 4-июлда ооган расмий бийлиги билдиргендей, өлкөнүн түндүк-чыгышындагы Бадахшан провинциясындагы 27 райондун 16сы үч күндүн ичинде талибдердин карамагына өттү. Расмий Дүйшөмбү 4-5-июль күндөрү миңден ашуун аскер Тажикстандын аймагына кире качканын кабарлады. Маалым болгондой, көп райондор эч кандай каршылыксыз эле жоочулардын карамагына өткөн. "Талибандын" жоочулары учурда Бадахшандын борбору Файзабадды толугу менен курчап... Читать дальше...

Таласта облустук акимчилигинин алдында 5-июлда каржы пирамидасына акча берген 200дөн ашуун жаран нааразылык акциясына чыгышты. Алар пирамидага байланыштуу "Эл биримдиги" уюмунун башчысы Кубатбек Түлкүбаевди бошотууну талап кылып, уюмдун ишмердүүлүгүн улантууну суранышууда. Айрымдары акчаларын ала албай калганын айтышты. Акцияга чыккандар менен облус башчысы Бакытбек Нарбеков жолугуп, долбоор башчыларынын камалышы мыйзамдуу экенин жана териштирүү бүткөндөн кийин тиешелүү чаралар көрүлөрүн билдирди. Читать дальше...

Улуттук коопсуздук боюнча мамлекеттик комитеттин басма сөз кызматы Бишкек шаарынын мурдагы вице-мэри Уланбек Азыгалиев бюджетке келтирген 30 миллион сом өлчөмүндөгү зыянды төлөп бергенин кабарлады. УКМК билдиргендей, Азыгалиев жыйырма жылдан ашык мамлекеттик жана муниципиалдык кызматта иштеп, жакын туугандарына катталган ири өлчөмдөгү мүлккө ээлик кылары аныкталып, Жазык кодексинин 328-беренеси ("Мыйзамсыз баюу") боюнча сотко чейинки өндүрүш башталган. Тергөө амалдарынын жүрүшүндө Азыгалиев мамлекеттик... Читать дальше...

Бишкек аймактык шайлоо комиссиясы (АШК) көп аял алууну мыйзамдаштырууну сунуштаган “Келечек-Будущее” партиясынын талапкери тууралуу чыгарылган чечимден улам түшүндүрмө берди. Анда талапкер Назира Абдыкаимова  “Жергиликтүү кеңештердин депутаттарын шайлоо жөнүндөгү” мыйзамды бузган эмес деген корутунду чыгарылганын, бирок анын иш-аракетинде кылмыштын белгилерин аныктоо үчүн укук коргоо органдарына кайрылуу сунушталганы айтылат. Ошондой эле коомдо терс пикир жаралбашы үчүн Абдыкаимовага көп аял алууга... Читать дальше...

Баткендин Лейлек районуна караштуу Максат айылында куралдуу чек ара жаңжалында кыйраган үйлөрдүн ордуна жаңысын куруу башталды. Ага ылайык, Түркиядан келген жеңил типтеги тамдар кураштырылат. Ушул тушта төрт үйдүн пайдубалы салынып, дубалын бириктирүү башталды. Президент Садыр Жапаровдун Баткендеги атайын өкүлү Мамыржан Рахимов 5-июлда “Азаттыкка” жаңжалда кыйраган турак жайдын саны 140ка жеткенин кабарлады. Буга чейин кыйрап-талкаланган, өрттөнгөн үйлөрдүн саны 136 деп эсептелген болчу. Рахимов ар бири 126 чарчы метр болгон... Читать дальше...