Новости за 08.07.2021

Гаитинин полициясы президент Жовенель Моизди өлтүрүүгө байланышы бар төрт киши жок кылынып, эки адам кармалганын билдирди. Моизди жеке менчик резиденциясында белгисиз адамдар 7-июлга караган түнү атып кетишкен. Дүйнөнүн бир катар лидерлери Моиздин киши колдуу болушун айыптап, кол салгандарды жоопко тартууга чакырды. Убактылуу бийликтин билдирүүсүнө ылайык президентке жогорку даярдыктан өткөн, англис же испан тилинде сүйлөгөн адамдар кол салышкан. Гаитинин улуттук полициясынын башчысы Леон Шарлз алардын айрымдары жок кылынганын билдирди. Читать дальше...

Ооганстандагы "Талибан" кыймылынын өкүлдөрүнөн турган делегация Орусиянын баш калаасы Москвага келди. Бул тууралуу Орусиянын "Интерфакс" жана "ТАСС" сыяктуу бир катар мамлекеттик маалымат агенттиктери жазып чыгышты. "Интерфакс" агенттигинин булактары талибдер Москвада кимдер менен жолугарын так айткан эмес. Талибдердин өкүлү Мохаммад Сохаил Шахин Москвада орус тарап менен Ооганстандагы кырдаалды талкуулай турганын "ТАСС" агенттигине билдирген. Ошондой эле "ТАСС" орусиялык расмий өкүлдөр талибдердин... Читать дальше...

Беларус бийлиги 8-июлда "Наша Нiва" аттуу көз карандысыз гезиттин сайтына бөгөт коюп, басылманын кеңселерин жана анын айрым журналисттеринин үйлөрүн тинтүүгө алды. Полиция гезиттин башкы редактору Егор Мартиновичти жана редакторлордун бири Андрей Скуркону суракка алып кеткени кабарланууда. Андан мурдараак Беларустун Маалымат министрлиги басылманын сайтына бөгөт коюлганын жарыялаган. Түшкө жуук жүргүзүлгөн рейдден кийин полиция гезиттин кеңсесиндеги бир топ документтерди алып кеткени белгилүү болду. Читать дальше...

Улуттук коопсуздук комитетинин (УКМК) төрагасы Камчыбек Ташиев “Сапат” билим берүү мекемелеринин президенти Орхан Инандынын Түркиянын чалгын кызматы тарабынан уурдалышы тууралуу маалымат жыйын өткөрдү. Ал Инандыны буга чейин бир канча жолу уурдоо аракети болгонун гана айтып, бирок уурдалып кеткен учурга токтолгон жок. Ташиев тергөө иштери жүрүп жаткандыктан, Орхан Инандынын уурдалышы тууралуу көп маалымат бере албасын билдирип, айрым жагдайларды гана ачыктады. Быйыл февраль айында Орхан Инандыны... Читать дальше...

Жеңил атлет Нурсултан Кеңешбеков Токиодо өтө турган XXXII жайкы Олимп оюндарына жолдомо алды. Ал эл аралык мелдештерге катышып, топтогон упайлардын жыйынтыгында мындай мүмкүнчүлүккө ээ болду. Жаштар иштери, дене тарбия жана спорт боюнча мамлекеттик агенттигинин маалыматына караганда, спортчу 5000 метр аралыкта бактысын сынайт. Нурсултан Кеңешбеков июнь айынын башында Түркияда өткөн эл аралык мелдеште жеңишке жеткен.  Ушуну менен Токиодогу жайкы Олимп оюндарына жолдомо алган кыргызстандык спортчулардын саны 18ге жетти. Читать дальше...

34 жаштагы Максат Мусабаев Ысык-Көл районунун Чоң-Өрүктү айылында өстүргөн кулпунайды Орусиянын Сургут шаарына сатат. Ал ошондой эле элеттик 30 кишини жумуш менен камсыз кылган. Жай айларында иштеп, жарым миллиондон ашык киреше тапкан ишкер эми кулпунай талааларын кеңейтүүнү максат кылууда.

Ак-Сууда ымыркайы чарчап калган аялдын жакындары дарыгерлерди кайдыгер мамиле жасады деп айыптап жатышат.

Орусиянын тышкы иштер министри Сергей Лавров Москва Ооганстандагы кырдаалга байланыштуу регионалдык өнөктөштөргө, анын ичинде Тажикстанга колдоо көрсөтүлөрүн билдирди. Бул тууралуу Лавров Владивосток шаарында Ыраакы Чыгыш университетиндеги лекциясы маалында айтты. “Биз Тажикстан менен Жамааттык коопсуздук келишими уюмунда (ЖККУ) өнөктөшпүз. Ал жакта биздин аскердик базабыз бар. Эгер Тажикстанга чабуул болсо, албетте, бул ЖККУ чукул карай турган маселесине айланат. Уюмдун катчылыгынын өкүлдөрү тажик-ооган чек арасына барышты. Читать дальше...

8-июлда Баткендеги кыргыз-тажик чек арасындагы ок атышуудан Кыргызстандын бир аскер кызматкери каза болду. Тажикстанда кармалып турган дагы бир аскер 10-июлда өткөрүлүп берилди. УКМК кыргыз-тажик чек арасындагы атышууда курман болгон аскер Хуснидин Хажиевдин сөөгү 9-июлда кечке маал алып келингенин кабарлады. Буга чейин Чек ара кызматы атышуу шарты катаал, жолу татаал тоолуу аймакта орун алгандыктан 27 жаштагы сержант Хуснидин Хажиевдин сөөгү коңшу өлкө аркылуу алып келинерин, ал Кыргызстандын аймагында окко учканын билдирген. Читать дальше...

Баткен облусунда кыргыз-тажик чек арасында 8-июлда түштөн кийин кайрадан ок атышуу болду. Эки тараптан тең курмандыктар бар экени кабарланууда. Эки өлкөнүн Чек ара кызматтары окуя үчүн бири-бирин айыптаган маалымат таратышты. Чек арадагы атышуу тууралуу кабарды алгач Тажикстандын улуттук "Ховар" агенттиги жазып чыкты. Андагы маалыматта "8-июль күнү саат 14:55 чамасында кыргыз-тажик чек арасынын Согд облусунун Деваштич районундагы бөлүгүндө дагы ок атылды" деп жазылган. Агенттик кыргызстандык төрт... Читать дальше...

Улуттук коопсуздук боюнча мамлекеттик комитетинин (УКМК) Чек ара кызматы бүгүн, 8-июлда кыргыз-тажик чек арасында болгон ок атышууга тажик чек арачылары себепкер деп билдирди. "Кыргызстандын чек арачылары Лейлек районундагы чек ара аймагында жайгашкан Наумин ашуусунда атчан баратып, Чашмагилдан тилкесинде Тажикстандын чек арачыларынын чабуулуна кабылган. Натыйжада, эки тараптан тең ок атылган. Жабыркагандар тууралуу маалымат такталып жатат", - деп жазылган маалыматта. Ага ылайык, Чек ара кызматынын... Читать дальше...

Кыргызстан менен Тажикстандын чек арасындагы атышууда баштапкы маалыматтар боюнча эки тараптан тең жоготуулар бар экени кабарланууда. Бул маалыматты өкмөттүн Баткен облусундагы өкүлү Абдикарим Алимбаев "Азаттыкка" ырастады. Анын айтуусунда, атышуунун себептери жана киши өлүмү боюнча маалымат такталып жатат: "Лейлек районунун Көк-Жайлоо тилкесинде Кыргызстандын чек арачылары нөөмөттө жүрүп, тажикстандык чек арачыларга бет келген учурда ортодо уруш чыккан. Натыйжада эки тараптан тең ок атылган.... Читать дальше...

Улуттук коопсуздук кызматы Кыргызстандын өкмөтүн Кумтөр кенине байланыштуу бардык келишимдерден чыгууга чакырды. Президент Садыр Жапаров өкмөттүк эмес уюмдар жөнүндөгү мыйзамга кол койду. Жапониянын өкмөтү коронавирусту жугузуп алгандар көбөйүп жаткандыктан, Токиодо өзгөчө кырдаал жарыялады.

Тажикстандын"Ховар" маалымат агенттиги 8-июль күнү саат 14:55 чамасында кыргыз-тажик чек арасынын Согд облусунун Деваштич районундагы бөлүгүндө дагы ок атылганын билдирди. Агенттик кыргызстандык төрт чек арачы мамлекеттик чек арадан мыйзамсыз өтүп келгенин Тажикстандын Чек ара кызматына шилтеме кылып жазды. Тажик тараптын расмий маалыматында чек арадан өткөндөрдүн аскердик жана жарандык кийимчен болгону, колдорунда автоматтары бар экени айтылган. "Деваштич районунун тургундарына таандык 9 жылкыны Кыргызстанга айдап кетүүнү көздөшкөн. Читать дальше...

Улуттук коопсуздук мамлекеттик комитеттин (УКМК) төрагасы Камчыбек Ташиев Ооганстандын Тажикстан жана Өзбекстан менен чек арасында түзүлгөн кырдаалдан улам Кыргызстандын коопсуздугуна да коркунуч туулушу ыктымалдыгын билдирди. Ташиев бул тууралуу бүгүн, 8-июлда маалымат жыйынында айтты. "Биздин өлкө үчүн да чоң коркунуч бар. Тажикстанга жана Өзбекстанга качып өткөндөр биздин өлкөгө да келиши мүмкүн. Биз мындай коркунучтарга даярданып жатабыз. Бул багытта азыр иш жандуу жүрүп жатат. АКШнын аскерлери... Читать дальше...

Казакстан «Жусан» операциясынын алкагында Сирия менен Ирактагы согуш талааларынан 600дөн ашуун жаранын алып келди. Алардын 40тан ашууну террордук уюмдардын ишмердүүлүгүнө аралашканы үчүн ар кандай мөөнөткө эркинен ажыратылган. Калгандарын кайра калыбына келтирүү жана радикал ойлордон арылтуу иштери башталган.

Улуттук коопсуздук боюнча мамлекеттик комитетинин (УКМК) башчысы Камчыбек Ташиев Кумтөр кени боюнча түзүлгөн бардык келишимдер жокко чыгарылууга тийиштигин бүгүн, 8-июлда журналисттерге билдирди. Анын айтуусунда, кенге байланыштуу козголгон бардык кылмыш иштери "Кумтөр" менен келишимден чыгууга алып келет: "Коррупциялык жана Кыргызстан элинин кызыкчылыгына каршы келген ушул фактыларды эске алуу менен тергөө "Кумтөр" долбооруна байланыштуу бардык келишимдерди денонсациялоону сунуштайт. Ошондой... Читать дальше...

Тажикстан Жамааттык коопсуздук келишими уюмунан (ЖККУ) Ооганстан менен чек арасындагы коопсуздукту сактоого көмөктөшүүнү суранды. «Талибан» кыймылы Ооганстандын бир катар аймактарын,  Тажикстан жана Өзбекстан менен чектеш райондорун ээлеп калган.

Ош шаарындагы "Кыргыз унаа курулуш" заводу кытайлык Dongfeng компаниясы менен келишим түзүп, 12 жүк ташуучу унаанын тетиктерин алып келип кураштырууда. Бул тууралуу завод жетекчиси Нурбек Осмонов "Азаттыкка" билдирди. "Алгач элибиз көп колдонгон жүк ташуучу унааны алып келип курайлы деп чечтик. Бул унаалардын баасы азырынча чечиле элек, бухгалтердик бөлүм азыр эсептеп жатат. Эгер бул унаалардын базарга өтүмү жакшы болсо авто унаанын башка түрлөрүн да жасайбыз", - деди Нурбек Осмонов. "Кыргыз... Читать дальше...

Улуттук коопсуздук боюнча мамлекеттик комитеттин төрагасы Камчыбек Ташиевдин 8-июлдагы маалымат жыйынына Kaktus.media, Kloop.kg, Super.kg, "Азаттык", New.tv, Reporter.kg басылмасынын журналисттери кирбей калды. Журналисттер аккредитация учурунда имараттын кайсы жеринен киргизери айтылбагынан белгилеп, Жибек-Жолу көчөсүндө күтүп турушканын айтышты. Алар Эркиндик көчөсүнө саат 15:30дар чамасында барган учурда имаратка киргизбей коюшкан. Атайын кызматтын расмий өкүлү Назгүл Кыдыралиева “Азаттык” радиосуна мындай жооп берди... Читать дальше...

9-июлда Кыргызстандын айрым аймактарында күн ысык болот. Абанын температурасы: Чүй өрөөнүндө түнкүсүн 21…26, күндүз 34…39; Талас облусунда түнкүсүн 18…23, күндүз 32…37; Баткен, Ош, Жалал-Абад облустарында түнкүсүн 22…27, күндүз 36…41; Ысык-Көл облусунда түнкүсүн 15…20, күндүз 29…34; Нарын дубанында түнкүсүн 9…14, күндүз 27…32 градус ысыйт. 9-июлда Бишкекте жаан-чачын болбойт. Батыштан соккон шамалдын ылдамдыгы 3-8 метрге чейин жетет. Абанын температурасы түнкүсүн 24…26°, күндүз 37…39° ысык болот.

Улуттук коопсуздук боюнча мамлекеттик комитеттин төрагасы Камчыбек Ташиевдин 8-июлдагы маалымат жыйынында журналисттер Баткендеги күйүүчү май аткезчилиги жөнүндөгү иликтөөдө анын аты аталганына кызыгышты. Ага Ташиев мындай жооп берди: “Токтакунов туура айтат. (ред: журналист Али Токтакунов) Кичинекей Арка айылында 15 май куюучу жай болгон. Эмнеге? Алар күйүүчү майды коңшу өлкөгө сатышкан. Аткезчилик ошол май куюучу жайларда болгон”. Бирок, Ташиев иликтөөдө өзүнүн аты аталганы тууралуу суроого жооп берген жок. Читать дальше...

Улуттук коопсуздук боюнча мамлекеттик комитеттин төрагасы Камчыбек Ташиев 8-июлдагы маалымат жыйында 2010-жылдагы июнь окуясы боюнча иликтенип жаткан иш жөнүндө суроого учкай жооп берди. Ташиев учурда коогалаңга тийиштүү кишилер аныкталып жатканын айтты. “Иш тергелип жатат. Катышы бар кишилер аныкталып жатат. Жакында жыйынтыгын айтабыз”. УКМК 2010-жылдагы Убактылуу өкмөттүн мүчөлөрүнө карата козголгон кылмыш ишин кайра тергей баштаган. Атайын кызмат кайра тергөө президент Садыр Жапаровдун тапшырмасы менен башталганын 16-апрелде билдирген. Читать дальше...

Беларуста үй камагында жаткан оппозициячыл блогер, журналист Роман Протасевичтин жаңы видеосу "Твиттерге" жарыяланды. Анда Протасевичтин "Твиттер" социалдык түйүнүндө жаңы баракча ачканын, интернеттеги жашоого акырындап кайтып келе жатканын, мындан ары суроолорго жооп берүүгө аракет кыларын айтканын көрүүгө болот. Видео социалдык түйүндөгү баракчаны ким көзөмөлдөй турганы тууралуу күмөн ойлорду жаратып койду. Беларуста үй камагында отурган адамга телефон же интернет колдонууга уруксат берилбейт. Читать дальше...

УКМКнын төрагасы Камчыбек Ташиев 8-июлдагы маалымат жыйында айрым жарандарды жана саясатчыларды бийликти сындаганы үчүн айыптады жана аларга чара көрүлүшү мүмкүн экенин эскертти. Ал "азыркы бийлик мындан ары революцияга жол бербейт" деп айтты. “Азыр биздин коом радикалдашып баратат. Саясий коркунучка чакырган жарандар көп. Алтургай ар кандай төңкөрүшкө чакырган адамдар бар. Мен учурдан пайдаланып аларга эскертип коеюн. Интернетте өлкө башчысын, дагы башка кызмат адамдарын далилсиз жамандап, каралап жаткандар кайсы бир күнү жоопко тартылат. Читать дальше...